ज्याची भीती होती तेच घडलं; दोन शक्तीशाली देश थेट आमने -सामने, भारताशी कनेक्शन, तणाव वाढला
अमेरिकेकडून चीनवर गंभीर आरोप करण्यात आला आहे, त्यानंतर चीनने देखील अमेरिकेला प्रत्युत्तर दिलं असून, दोन्ही देशांमध्ये तणाव वाढला आहे. पुन्हा एकदा अमेरिका आणि चीन आमने-सामने आले आहेत.
अमेरिकेने चीनवर पुन्हा एकदा गंभीर आरोप केले आहेत, गलवानमध्ये उफाळलेल्या संघर्षापूर्वी काही दिवस आधी चीनने सीक्रेट न्यूक्लियर टेस्ट केली होती, असा दावा अमेरिकेकडून करण्यात आला आहे, अमेरिकेच्या या आरोपानंतर आता दोन्ही देशांमधील तणाव पुन्हा एकदा वाढला आहे, अमेरिकेनं केलेल्या दाव्यावर चीनने देखील प्रतिक्रिया दिली आहे. चीनने 22 जून 2020 साली एक सीक्रेट न्यूक्लिअर टेस्ट केली होती, ही घटना गलवानमध्ये भारत आणि चीनमध्ये झालेल्या संघर्षानंतर करण्यात आली होती, या संघर्षामध्ये भारताने आपल्या वीस सैनिकांना गामावलं, त्यानंतर चीनने 22 जून 2020 साली एक सीक्रेट न्यूक्लिअर टेस्ट केली, असा दावा अमेरिकेनं केला आहे.
अमेरिका एवढ्यावरच थांबली नाही, तर चीनने न्यूक्लिअर टेस्ट लपवण्याचा प्रयत्न केला असंही यावेळी अमेरिकेनं म्हटलं आहे. अमेरिकेचे शस्त्रास्त्र नियंत्रण आणि आंतरराष्ट्रीय सुरक्षा विभागाचे उप-सचिव थॉमस डीनॅनो यांनी केलेल्या दाव्यामुळे खळबळ उडाली आहे. चीनने जी न्यूक्लिअर टेस्ट केली होती, त्याची माहिती अमेरिकेला होती. चीनी सैन्याने न्यूक्लिअर स्फोट लपवण्याचा प्रयत्न केला, कारण अशी टेस्ट उघडपणे करणं हे न्यूक्लिअर टेस्ट संदर्भातील आंतरराष्ट्रीय कायद्याचं उल्लंघन ठरेल हे त्यांना माहिती होतं, असा दावा थॉमस डीनॅनो यांनी केला आहे.
दरम्यान त्यानंतर आता चीनकडून देखील अमेरिकेच्या आरोपांना प्रत्युत्तर देण्यात आलं आहे. चीनचे राजदूत शेन जिआय यांनी म्हटलं आहे की, आमच्या हे आता लक्षात आलं आहे की, अमेरिका चीनपासून जगाला न्यूक्लिअरचा धोका आहे, हे सांगण्यासाठी या प्रकारचे दावे करत आहे, अमेरिकेकडून हे आमच्यावर खोटे आरोप केले जात आहेत. आम्ही अमेरिकेकडून करण्यात येणाऱ्या या खोट्या आरोपांचा तीव्र शब्दात निषेध करतो, शस्त्रास्त्र वाढवण्याच्या स्पर्धेत जर कोणी दोषी असेल तर त्यामध्ये अमेरिका पहिल्या स्थानावर आहे, असं चीनने म्हटलं आहे, दरम्यान चीनने दिलेल्या प्रत्युत्तरानंतर आता अमेरिका आणि चीनमधील संघर्ष आणखी वाढण्याची शक्यता आहे. चीनकडून अमेरिकेचा हा दावा फेटाळून लावण्यात आला आहे.
