मोठी बातमी : निवडणुकांदरम्यान जम्मू-काश्मिरमध्ये दहशतवादी हल्ला, 5 जवान जखमी
देशात लोकसभा निवडणुका पार पडल्या जात असताना एक धक्कादायक बातमी समोर आली आहे. जम्मू-काश्मीरमध्ये दहशतवादी हल्ला झाला आहे. हल्ला झालेल्या भागात काही दिवसांत मतदान होणार आहे. भारतीय लष्कर आणि पोलिसांच्या अतिरिक्त तुकड्या या भागात पाठवण्यात आल्या आहेत. भारतीय हवाई दलानेही याबाबत माहिती दिली आहे.
देशात लोकसभा निवडणुका पार पडत असताना जम्मू-काश्मिरमध्ये दहशतवाद्यांनी हल्ला केलाय. भारतीय हवाई दलाच्या ताफ्यावर गोळीबार झाला आहे. या हल्लामध्ये पाच जवान जखमी झाले. त्यांच्यावर उपचार सुरू असून एका जवानाची प्रकृती गंभीर असल्याची माहिती समजत आहे. घटनास्थळी भारतीय हवाई दलाचे विशेष दल गरुड तैनात करण्यात आलं आहे. भारतीय लष्कर आणि पोलिसांच्या अतिरिक्त तुकड्या या भागात पाठवण्यात आल्या आहेत. भारतीय हवाई दलानेही याबाबत माहिती दिली आहे.
An Indian Air Force vehicle convoy was attacked by militants in the Poonch district of J&K, near Shahsitar. Cordon and search operations are underway presently in the area by local military units. The convoy has been secured, and further investigation is under progress.
— Indian Air Force (@IAF_MCC) May 4, 2024
राष्ट्रीय रायफल्स युनिटच्या स्थानिक तुकडीने परिसराची नाकेबंदी करून शोध मोहीम सुरू केली आहे. हवाई दलाची वाहने शाहसीतारजवळील एअरबेसच्या आत सुरक्षितपणे पोहोचवण्यात आली. हा दहशतवादी हल्ला पूंछ जिल्ह्यातील सुनारकोटच्या सेनाई गावात झाला. संध्याकाळी साडेसहाच्या सुमारास झाला. हल्ल्यानंतर लष्कराच्या जवानांनीही प्रत्युत्तर दिलं. 2024 मधील या भागातील हा सर्वात मोठा दहशतवादी हल्ला मानला जात आहे.
दरम्यान, भारतामध्ये लोकसभा निवडणुकीचं मतदान प्रक्रिया सुरू असताना हा दहशतवादी हल्ला झाल्याने मोठी खळबळ उडाली आहे. कारण ज्या भागात हा हल्ला झाला, अनंतनाग-राजौरी-पुंछ या मतदारसंघात येत्या 25 मे ला मतदान होणार आहे.