गांजा पिऊन पायलट उडवत होता विमान, एअर इंडियाच्या फुकेत ते दिल्ली विमान प्रकरणाला वेगळे वळण
एअर इंडियाच्या फ्लाईट AI2379 च्या पायलट-इन-कमांडच्या कन्फर्मेटरी लॅब टेस्टच्या मारिजुआनासाठी पॉझिटिव्ह आल्या आहेत. त्यामुळे हा मुख्य पायलट गांजा पिलेला होता अशी धक्कादायक माहिती उघडकीस आली आहे.
एअर इंडियाच्या फुकेट ते दिल्ली विमान एअर टर्ब्युलन्स निर्माण होऊन विमान ३०० फूट खाली येऊन विमानातील १७ प्रवासी आणि क्रु मेंबर जखमी झाले होते. या फ्लाईट क्रमांक AI2379 विमानाचा पायलट-इन-कमांड डोपिंग टेस्टमध्ये पॉझिटिव्ह आला होता.आता त्याची दुसरी डोपिंग टेस्टही पॉझिटिव्ह आली आहे. पायलट-इन-कमांडची कन्फर्मेटरी लॅब टेस्ट मारिजुआना ( गांजा ) पॉझिटिव्ह आली आहे.म्हणजे वैमानिक गांजा पिऊन विमान उडवत असल्याचे स्पष्ट झाले आहे.
दोन्ही पायलटची झाली होती मेडिकल तपासणी
या घटनेनंतर विमानाच्या दोन्ही पायलटची सायकोएक्टीव्ह सब्सटन्स स्क्रीनिंग करण्यात आली होती. सूत्रांनी दिलेल्या माहितीनुसार को-पायलटच्या सुरुवातीच्या तपासात अशी कोणतीही संशयास्पद बाब उघडकीस आली नव्हती. मात्र, पायलट इन कमांडच्या सुरुवातीच्या स्क्रीनिंगचा परिणाम असा आला की विस्तृत तपासणी गरज लागली. यानंतर पायलट-इन-कमांडचा सँपल कन्फर्मेटरी टेस्टसाठी एका लॅबमध्ये पाठवण्यात आले होते. या तपासणीत सँपल मारिजुआनासाठी पॉझिटिव्ह आढळले.
फ्लाईंग रोस्टरवरुन हटवले दोन्ही पायलट
या संपूर्ण प्रकरणाची चौकशी पूर्ण होईपर्यंत दोन्ही पायलटना आधीच फ्लाईंग रोस्टरवरुन हटवण्यात आले होते. सध्या दोन्ही पायलट विमान उड्डाणावरुन ड्युटीवरुन हटवण्यात आले आहे. आता पुढील कारवाई तपास पूर्ण झाल्यानंतर आणि संबंधित अधिकाऱ्यांच्या निष्कर्षाच्या आधारे केली जाणार आहे.
काय म्हणाले मंत्री राम मोहन नायडू?
पायलटच्या अमलीपदार्थांच्या सेवनाशी जुडलेल्या नियमात संभाव्य सुधारणा संदर्भात नागरी उड्डान मंत्री राम मोहन नायडू किंजरापु यांनी सांगितले की आम्ही या मुद्यांवर सतत अभ्यास करत आहोत. आम्ही DGCA ( नागरी विमान संचनालयाने ) देखील या संदर्भात अपडेट मागितले आहेत. आम्ही या गंभीरतेने घेत आहोत. जर आम्हाला वाटले की सध्याचे नियम पर्याप्त नाहीत. आम्ही यावर गंभीरपणे पावले उचलणार आहोत. जेथे गरज असेल तेथे नियमात बदल करु.
४ ऑगस्ट रोजी एअर इंडियाचे थायलंडच्या फुकेतवरुन दिल्लीला येणारे विमान अचानक टर्बुलन्समध्ये सापडले होते. यामुळे विमान ३०० फूट खाली आले. त्यामुळे विमानात हवेचा दाब वाढून प्रवाशांना याचा मोठा फटका बसला.त्यामुळे विमानातील १३ प्रवासी आणि ४ क्रु मेंबर जखमी झाले होते. जखमींच्या उपचारासाठी रुग्णालयात नेण्यात आले. काही प्रवाशांच्या कान,मान आणि खांद्याला जखमा झाल्या होत्या. या विमानात एकूण १३७ प्रवासी आणि ८ क्रु मेंबर होते. टर्ब्युलन्स नंतरही विमानाने आपले उड्डाण कायम ठेवत सकाळी ११.०७ वाजता दिल्ली विमानतळावर सुखरुप लँडींग केले.
