साडेतीन फूट उंच इमरानचा पत्नीचा शोध पूर्ण; या मुलीसोबत विवाह

नवी दिल्ली : उत्तर प्रदेशच्या अलीगडमध्ये एका नवरदेव-नवरीची जोडी चर्चेचा विषय झाली. अलीगडच्या जीवनगडमधील गल्ली नंबर ८ मध्ये राहणारा इमरान लग्नासाठी मुलीच्या शोधात होता. कारण त्याची उंची फक्त साडेतीन फूट होती. त्यामुळं त्याला मुली मिळणे कठीण झालं होतं. दरम्यान, त्याची ओळख खुशबूसोबत झाली. सात भावाबहिणींमध्ये सर्वात लहान इमरान. उंची साडेतीन फूट असल्यामुळं त्याला कुणी लग्नासाठी मुली देईना. नवरीच्या शोधासाठी त्याने अनेक प्रयत्न केले. आता इमरानला त्याची जीवनसाथी मिळाली आहे.

अलीगडमधील इमरानची इंची ३ फूट ४ इंच आहे. उंची कमी असल्याने त्याला लग्नासाठी मुलगी मिळत नव्हती. सर्व भावा बहिणींची लग्न झाली.पण, इमरानला काही मुलगी लग्नासाठी मिळाली नव्हती. त्यामुळं तो निराश झाला होता.

इमरानची आईला मदत

दोधपूर येथील एका हॉटेलमध्ये काम करून तो आईसोबत राहत होता. काही दिवसांपूर्वी इमरानने आपली आई बिरजीस यांच्या डोळ्याची शस्त्रक्रियाही करवून घेतली. असं म्हटलं जात की चांगलं काम करणाऱ्याची इच्छा पूर्ण होते. असंच काही इमरानसोबत झालं.

उंचीबरोबर विचारही जुळले

इमरानच्या आईला तीन फूट उंच असणाऱ्या पटवारी नगला येथील खुशबूबद्दल माहीत झालं. तिने मुलासाठी मुलीच्या पालकांशी संपर्क केला. दोघांचेही उंचीबरोबरच विचार जुळले. लग्नासाठी तयारी केली.

दोन्ही कुटुंबीय आनंदी

इमरानचं लग्न रविवारी पटवारी नगला येथील रहिवासी खुशबूसोबत झालं. लग्नानंतर दोन्ही कुटुंबातील नातेवाईक खूश आहेत. शेजारी राहणारा आमीर रशीद म्हणाले, उपरवाला जोड्या बनवून पाठवितो. याचं उदाहरण म्हणजे इमरान आणि खुशबू आहेत. या विवाहामुळं इमरान आणि खुशबू आनंदी आहेत.

उंची कमी असल्याने मिळत नव्हत्या मुली

माझं लग्न होणार की नाही, या विचारात इमरान होता. मला माझ्या उंचीशी समरूम मुलगी कशी मिळेल, याचा शोध तो घेत होता. पण, योग्य जोडी मिळत नव्हती. तो कमी उंचीचा असल्याने लग्नासाठी मुली मिळत नव्हत्या. पण, खुशबूबद्दल माहिती मिळाली. त्यानंतर त्यांचे विचारही जुळले. अखेर लग्न पार पडलं. आता दोन्ही कुटुंबीय खूश आहेत.