UIDAI चा मोठा निर्णय, 31 डिसेंबर 2026 पर्यंत FREE राहील आधार ॲपची ही सर्व्हिस

तुमच्या आधार कार्डवर अजून पर्यंत ईमेल आयडी किंवा पत्ता अपडेट केला नसेल किंवा तुम्हाला तुमचा जुना ईमेल आयडी बदलायचा असेल, तर तुमच्यासाठी एक चांगली बातमी आहे. कारण UIDAI ने आधार धारकांना मोठा दिलासा देणारी एक नवीन सुविधा सादर केली आहे, ज्याअंतर्गत तुम्ही ईमेल आयडी अपडेट करण्यासाठी कोणतेही शुल्क आकारले जाणार नाही. ही सुविधा 31 डिसेंबर 2026 पर्यंत विनामूल्य उपलब्ध असेल. चला तर मग कशाप्रकारे घरबसल्या तुम्ही तुमचा ईमेल आयडी आणि पत्ता अपडेट करू शकता ते जाणून घेऊयात. पूर्वी आधारमध्ये तुमचा ईमेल पत्ता अपडेट करण्यासाठी अंदाजे 75 रूपयांच्या आसपास जीएसटी शुल्क आकारले जात असे. मात्र आता वापरकर्ते हे काम त्यांच्या मोबाईल फोनवरून विनाशुल्क पूर्ण करू शकतात. त्यांना आधार सेवा केंद्राला भेट देण्याचीही गरज भासणार नाही.

घरी बसून काम सहज करता येईल

UIDAI चे नवीन आधार मोबाईल ॲप वापरकर्त्यांना घरबसल्या अनेक सुविधा देण्यासाठी तयार करण्यात आले आहे. या ॲपद्वारे, लोक आता त्यांच्या ईमेल आयडीसह आधारशी संबंधित विविध माहिती अपडेट करू शकतात. यामुळे वेळेची बचत होईल आणि आधार केंद्रांवर तासंतास रांगेत उभे राहता येणार नाही.

ईमेल अपडेट्स महत्त्वाचे का असतात?

आजच्या डिजिटल युगात, ईमेल आयडी ही एक महत्त्वाची ओळख बनली आहे. बँकिंग सेवा, विमा, सरकारी योजना आणि ऑनलाइन पडताळणीमध्ये ईमेलचा वापर वाढत आहे. जर योग्य ईमेल पत्ता आधारशी जोडलेला असेल, तर वापरकर्त्यांना सर्व महत्त्वाचे अपडेट्स आणि सूचना वेळेवर मिळतात. चुकीच्या किंवा जुने ईमेल आयडीमुळे अनेकदा महत्त्वाची माहिती सुटू शकते.

2026 पर्यंत मोफत सुविधा

UIDAI ने स्पष्ट केले आहे की ही मोफत सेवा 31 डिसेंबर 2026 पर्यंत लागू राहील. या कालावधीत कोणताही आधार धारक मोबाईल ॲपद्वारे आपला ईमेल आयडी सहजपणे अपडेट करू शकतो आणि त्यासाठी कोणतेही शुल्क आकारले जाणार नाही. त्यामुळे ज्यांनी आपला ईमेल ॲड्रेस अपडेट केलेला नाही, त्यांच्यासाठी ही एक चांगली संधी आहे.

आधार ॲपवरून ईमेल कसा अपडेट करायचा

सर्वप्रथम तुमच्या स्मार्टफोनवर अधिकृत UIDAI आधार ॲप डाउनलोड करा.

ॲप उघडा तुमच्या आधार क्रमांकाने लॉग इन करा आणि उपलब्ध असलेली फेस ऑथेंटिकेशन किंवा इतर पडताळणी प्रक्रिया पूर्ण करा.

लॉग इन केल्यानंतर ‘अपडेट ईमेल’ किंवा ‘अपडेट आधार डिटेल्स’ या पर्यायावर जा.

येथे तुमचा नवीन ईमेल ॲड्रेस टाका आणि सर्व माहिती काळजीपूर्वक पडताळून पाहा.

त्यानंतर विनंती सबमिट करा. प्रक्रिया पूर्ण झाल्यावर तुम्हाला एक Service Request Number (SRN) मिळेल, ज्याचा वापर करून तुम्ही तुमच्या अपडेटची स्थिती तपासू शकता. या नवीन वैशिष्ट्यामुळे आधार अपडेट प्रक्रिया पूर्वीपेक्षा अधिक सोपी, जलद आणि डिजिटल झाली आहे.