रुग्ण बेडवर झोपल्याचा राग अनावर, दुसऱ्या रुग्णाकडून हत्या; यूपीतील धक्कादायक प्रकार

उत्तर प्रदेशातील शाहजहांपूर येथील एका रुग्णालयात एक अत्यंत धक्कादायक प्रकार उघडकीस आला आहे. (Uttar Pradesh: patient murdered in up hospital by another patient)

Uttar Pradesh

भीमराव गवळी | Updated on: Apr 12, 2021 | 12:09 PM

लखनऊ: उत्तर प्रदेशातील शाहजहांपूर येथील एका रुग्णालयात एक अत्यंत धक्कादायक प्रकार उघडकीस आला आहे. एक रुग्ण आपल्या बेडवर झोपल्याचा राग आल्याने दुसऱ्या रुग्णाने त्याची रुग्णालयातच हत्या केल्याची धक्कादायक घटना घडली आहे. (Uttar Pradesh: patient murdered in up hospital by another patient)

पोटात दुखू लागल्याने हंसराज नावाच्या रुग्णाला येथील जिल्हा रुग्णालयात दाखल करण्यात आले होते. त्याला होल्डिंग एरियामध्ये भर्ती करण्यात आलं होतं. शनिवारी रात्री त्याला बेड नंबर 21 देण्यात आला. हंसराज मनोरुग्ण असल्याचंही सांगितलं जातं. तर आरोपी रुग्ण अब्दूल रहमान याला बेड नंबर 27वर भर्ती करण्यात आलं होतं.

बेड नंबर विसरला अन्

रहमान रविवारी सकाळी वॉशरुममध्ये गेला होता. परत आला तेव्हा तो त्याचा बेड नंबर विसरला होता. त्यावेळी त्याला एका बेडवर हंसराज पहुडलेला दिसला. त्यामुळे रहमानला हाच आपला बेड असल्याचं वाटलं आणि त्याने हंसराजशी हुज्जत घालण्यास सुरुवात केली. हंसराजने आपल्या बेडचा जबरदस्ती ताबा घेतल्याचा आरोपही त्याने केला. शाब्दिक चकमकी वाढल्याने संतप्त झालेल्या रहमानने हंसराजला बेडवरून उचलून जमिनीवर आपटले. त्यामुळे हंसराजचा जागीच मृत्यू झाला.

दोघांना अटक

यावेळी मृताच्या कुटुंबीयांनी रुग्णालय प्रशासनावर निष्काळजीपणाचा आरोप ठेवत रुग्णालयात एकच गोंधळ घातला. पोलिसांनी आरोपी आणि त्याच्या वडिलाला अटक केली आहे. तसेच मृतदेह शवविच्छेदनासाठी पाठवण्यात आला आहे. आरोपींना ताब्यात घेतलं असून मृताच्या कुटुंबीयांनी तक्रार दाखल केल्यास एफआयआर नोंदवला जाईल, असं पोलीस अधिकारी प्रवीण कुमार यांनी सांगितलं. (Uttar Pradesh: patient murdered in up hospital by another patient)