Bihar Crime : एसी ऑफिसमध्ये नोकरीचे आमिष दाखवत महिलेवर सामूहिक अत्याचार

बिहार : एसी ऑफिसमध्ये नोकरी लावण्याचे आमिष दाखवून एका भाडी विक्रेत्या महिलेवर तीन टेम्पो चालकांनी सामूहिक अत्याचार (Rape) केल्याची घटना बिहारमध्ये घडली आहे. याप्रकरणी पीडित महिलेच्या तक्रारीवरुन खगौल पोलिसांनी बलात्काराचा गुन्हा नोंद करत तीनही आरोपींना अटक (Arrest) केली आहे. पप्पू कुमार, पवन कुमार सिमरा, मनोज कुमार अशी अटक करण्यात आलेल्या आरोपींची नावे आहेत. आरोपींनी पोलिस चौकशीत गुन्ह्याची कबुली दिली. याप्रकरणी पोलिस पुढील तपास करीत आहेत. या घटनेमुळे परिसरात तणावाचे वातावरण निर्माण झाले आहे. भाजी विक्रेते संतप्त झाले असून आरोपींना ताब्यात देण्याची मागणी करीत आहेत. (Woman abused by three tempo drivers for offering job in AC office in bihar)

नोकरीचे आमिष दाखवून बंद घरात नेत अत्याचार

पीडित महिला भाजी विक्रीचा व्यवसाय करते. यामुळे तिची टेम्पो चालक असलेल्या पप्पू कुमार, पवन कुमार सिमरा, मनोज कुमार यांच्याशी ओळख झाली. आरोपींनी महिलेला भाजी विक्री करण्यापेक्षा एसी ऑफिसमध्ये नोकरी करण्याचा सल्ला दिला. तसेच आपण नोकरी लावून देतो असे सांगितले. महिला या नराधमांच्या आरोपाला बळी पडली आणि त्यांच्यासोबत गेली. आरोपींनी महिलेला एका बंद घरात नेले आणि तिच्यावर सामूहिक बलात्कार केला. महिलेने खगौल पोलिस ठाण्यात धाव घेत घटनेची माहिती दिली. याप्रकरणी पोलिसांनी महिलेच्या तक्रारीवरुन बलात्काराचा गुन्हा दाखल करत तीनही आरोपींना अटक केली आहे. पुढील तपास पोलिस करत आहेत. मात्र या घटनेमुळे भाजी विक्रेत्यांमध्ये संतापाची लाट उसळली आहे. आरोपींना पब्लिकच्या ताब्यात देण्याची मागणी स्थानिक लोक करत आहेत. (Woman abused by three tempo drivers for offering job in AC office in bihar)

इतर बातम्या

Pune crime : पाणीपुरवठा विभागाच्या आवारातून चोरले लोखंडी पाइप; दोन प्लंबरसह चौघांना पिंपरी-चिंचवड पोलिसांनी केली अटक

Gunratna Sadavarte : गुणरत्न सदावर्तेंवर आणखी एक गुन्हा दाखल, बीडमधील प्रकरण काय?