Marathi News Photo gallery British indian billionaire nirmal sethia owns the egoist the world most expensive teapot
या भारतीय व्यक्तीकडे आहे जगातील सर्वात महागडे टी-पॉट, त्याच्या किंमतीत मुंबईत येतील 3-4 घरे
या चमकदार हिऱ्यांनी सजलेल्या चहाच्या भांड्याला 2016 मध्ये प्रथमच जगातील सर्वात महागड्या चहाच्या भांड्याचा किताब मिळाला होता. आजपर्यंत हा जागतिक विक्रम त्याने आपल्या नावावर कायम राखला आहे. चला, जाणून घेऊया त्याची किंमत किती आहे.
जर तुम्हाला चहा आवडत असेल, तर तुम्हाला त्याची किंमत नक्कीच माहीत असेल. बिहार आणि यूपीच्या काही भागांत चहाला ‘चाह’ म्हणतात. खरं तर, असं म्हणतात की चहा फक्त चहा नाही, तर तो एक चाहत आहे, ज्याशिवाय दिवसाची सुरुवात अपूर्ण वाटते. अनेकांना चहा घेतल्याशिवाय ताजेतवाने वाटत नाही. तज्ज्ञांचं म्हणणं आहे की, इसवी सन पूर्व 2737 च्या सुमारास म्हणजेच जवळपास, एका चिनी सम्राटाने चहाचा शोध लावला होता. खरं तर, चहाची पानं चुकून उकळत्या पाण्यात पडली होती आणि ती प्यायल्यानंतर सम्राटाला त्याची चव खूप आवडली होती. चहाचा शोध जरी चीनमध्ये लागला असला, तरी आज भारत आणि जपानमध्ये याला सर्वाधिक पसंती मिळते.
1 / 5
रस्त्याच्या कडेला मिळणाऱ्या चहाची किंमत 10 रुपयांपासून ते एक लाख रुपयांपर्यंत असते. पण त्याची किंमत फक्त चहावरच अवलंबून नसते. ती यावरही अवलंबून असते की तो चहा कोणत्या कपात आणि चहाच्या भांड्यातून दिला जातो. चहाप्रमाणेच कप आणि चहाच्या भांड्यांनीही खूप वाहवा मिळवली आहे. पण तुम्ही अंदाज लावू शकता का, की जगातील सर्वात महागड्या चहाच्या भांड्याची (world’s most expensive teapot) किंमत किती असेल? त्याची किंमत तुमच्या विचारापेक्षा खूपच जास्त आहे. चला, याबद्दल जाणून घेऊया.
2 / 5
ज्या चहाच्या भांड्याबद्दल आपण इथे बोलत आहोत, त्याचं नाव आहे “The Egoist”. या सर्वात महागड्या चहाच्या भांड्याची किंमत 3,000,000 अमेरिकी डॉलर आहे. जर सध्याच्या बाजारमूल्याप्रमाणे पाहिलं, तर द इगोइस्टची किंमत सुमारे 25 कोटी रुपये आहे. या किंमतीत तुम्ही मुंबईत ४-५ फ्लॅट नक्कीच खरेदी करु शकता.
3 / 5
या भांड्याला आणखी अनोखं बनवण्यासाठी त्यात हस्तिदंताचा वापर करण्यात आला आहे. या भांड्याचं हँडल हस्तिदंतापासून बनवलेलं आहे. इगोइस्ट हे जगातील दोन मौल्यवान धातूंनी – सोनं आणि चांदीने बनवलेलं आहे. इतकंच नाही, तर संपूर्ण भांड्यावर 1658 चमकदार हिरे जडवलेले आहेत. चहाच्या भांड्याच्या झाकणावर थायलंड आणि बर्मातून खास आयात केलेले 386 माणिक जडवलेले आहेत.
4 / 5
या चमकदार चहाच्या भांड्याने 2016 पासून आतापर्यंत जगातील सर्वात महागड्या चहाच्या भांड्याचा जागतिक विक्रम आपल्या नावावर ठेवला आहे. ब्रिटीश-भारतीय अब्जाधीश निर्मल सेठिया यांच्या एन सेठिया फाउंडेशनने हा ‘द इगोईस्ट’ नावाचा टीपॉट बनवला आहे. हे सुंदर भांडं इट इटालियन जौहरी फुल्वियो स्कावियाने डिझाइन केलं होतं.
