Marathi News Photo gallery Sambhavna seth becomes mother of twins at age of 45 via surrogacy cried in delivery room shared first glimpse of babies
वयाच्या 45 व्या वर्षी अभिनेत्री बनली आई, 8 वेळा IVF फेल, झेललं गर्भपाताचं दु:ख; अखेर घरी जुळ्यांचं आगमन
प्रसिद्ध अभिनेत्री संभावना सेठच्या कुटुंबात जुळ्या मुलांचं आगमन झालं आहे. लक्ष्मी आणि गणेश अवतरले आहेत, अशा शब्दांत तिने आनंद व्यक्त केला आहे. वयाच्या 45 व्या वर्षी संभावना जुळ्या मुलांची आई बनली आहे.
अनेकदा आयव्हीएफ अयशस्वी ठरल्यानंतर आणि गर्भपातानंतर अखेर प्रसिद्ध टीव्ही आणि भोजपुरी अभिनेत्री संभावना सेठला मातृत्वाचं सुख प्राप्त झालं आहे. संभावनाने सरोगसीद्वारे जुळ्या मुलांची आई झाल्याची गोड बातमी चाहत्यांना सांगितली आहे. लग्नाच्या 10 वर्षांनंतर तिच्या घरात पाळणा हलला आहे. संभावना सेठ आणि अविनाश द्विवेदी हे लग्नाच्या 10 वर्षांनंतर एक मुलगा आणि एका मुलीचे पालक बनले आहेत.
1 / 5
सोशल मीडियावर फोटो पोस्ट करत या दोघांनी गोड बातमी दिली आहे. या फोटोंमध्ये दोघांनीही चिमुकल्यांना हातात घेतलं आहे. मात्र यामध्ये बाळाचा चेहरा दाखवण्यात आलेला नाही. इतर काही फोटोंमध्ये संभावनाला अश्रू अनावर झाल्याचंही पहायला मिळतंय.
2 / 5
'यावर्षाची दिवाळी खूपच लवकर आली आहे. लक्ष्मी आणि गणेश या दोघांचंही आमच्या घरी आगमन झालं आहे. आमचं मन कृतज्ञतेनं परिपूर्ण आहे. हर हर महादेव', अशा शब्दांत तिने भावना व्यक्त केल्या आहेत. तिच्या या पोस्टवर नेटकऱ्यांनी आणि सेलिब्रिटींनी शुभेच्छांचा वर्षाव केला आहे.
3 / 5
संभावनाने एप्रिल महिन्यात सरोगसीद्वारे प्रेग्नंसीची घोषणा केली होती. या दोघांनी 2026 मध्ये लग्न केलं होतं. लग्नापूर्वी दोघं जवळपास पाच वर्षे एकमेकांना डेट करत होते. लग्नानंतर संभावनाने प्रेग्नंसीसाठी खूप प्रयत्न केले होते. अखेर वयाच्या 45 व्या वर्षी ती आई बनली आहे.
4 / 5
संभावनाने आई होण्यासाठी आयव्हीएफचाही पर्याय निवडला होता. मात्र आठ वेळा तिचं IVF अयशस्वी ठरलं होतं. संभावनाने अनेकदा गर्भपाताचंही दु:ख झेललं होतं. एकंदर उपचारपद्धती आणि इंजेक्शन्समुळे संभावना शारीरिक, मानसिक आणि भावनिकदृष्ट्या खूप थकली होती, असं तिच्या पतीने एका मुलाखतीत सांगितलं होतं.
