भारतीय महिला हॉकी संघाचा हिरमोड, जापानने पॅरिस ऑलिम्पिकचं तिकीट कापलं
भारतीय महिला हॉकी संघ 2016 नंतर पहिल्यांदाच ऑलिम्पिकसाठी अपात्र ठरला. पात्र होण्यासाठी टीम इंडियाकडे शेवटची संधी होती. पण जापानने भारताचं स्वप्न धुळीस मिळवलं. जापानने भारतावर 1-0 ने विजय मिळवला.
पॅरिस येथे होणाऱ्या ऑलिम्पिक स्पर्धेत खेळण्याचे भारतीय महिला हॉकी संघाचे स्वप्न भंगलं आहे. महिला हॉकी ऑलिम्पिक पात्रता स्पर्धेत तिसऱ्या स्थानासाठीच्या प्लेऑफ सामन्यात संघाला जापानविरुद्ध 0-1 ने पराभव पत्करावा लागला.
भारतीय महिला हॉकी संघ 2016 नंतर पहिल्यांदाच ऑलिम्पिकसाठी अपात्र ठरला आहे. टीम इंडियाला यापूर्वी सेमीफायनलमध्ये जर्मनीविरुद्ध पराभव पत्करावा लागला होता.
उपांत्य फेरीत जर्मनीकडून पराभूत झाल्यानंतर भारतीय संघाला ऑलिम्पिकसाठी पात्र ठरण्याची दुसरी संधी मिळाली. पण त्या संधीचं सोनं करण्यात अपयश आलं.
टोक्यो ऑलिम्पिकमध्ये टीम इंडियाने चमकदार कामगिरी केली होती. तिने उपांत्य फेरीपर्यंत मजल मारली होती. पण पदक जिंकता आलं नाही. संघ चौथ्या क्रमांकावर समाधान मानावं लागलं.
पात्रतेसाठी महत्त्वाच्या सामन्यात जापानकडून एकमेव गोल उराता कानाने केला. सहाव्या मिनिटालाच तिने संघाला आघाडी मिळवून दिली होती. त्यानंतर भारतीय खेळाडू बरोबरी साधण्यासाठी धडपडत राहिले.
टीम इंडियाने दुसऱ्या, तिसऱ्या आणि चौथ्या क्वार्टरमध्ये जापानला गोल करू दिला नाही. पण गोल करण्याच्या अनेक संधीही गमावल्या. जापानचा संघ ऑलिम्पिकमध्ये खेळताना दिसेल.