IND vs PAK : इशान किशनचं पाकिस्तानविरुद्ध अर्धशतकी तांडव, विक्रमांच्या यादीत मिळवलं स्थान
पाकिस्तानविरुद्धच्या हायव्होल्टेज सामन्यात इशान किशनची बॅट चांगलीच तळपली. अभिषेक शर्मा शून्यावर बाद झाल्यानंतर टीम इंडियावर दडपण वाढलं होतं. पण इशानच्या अर्धशतकी तांडवानंतर संकट दूर झालं. तसेच टीम इंडियावर भार हलका झाला.
पाकिस्तानविरुद्धच्या सामन्यात पहिल्या षटकाच्या शेवटच्या चेंडूवर अभिषेक शर्मा शून्यावर बाद झाला. त्यामुळे संघावर दडपण वाढलं होतं. पण इशान किशन स्ट्राईकला आणि दुसऱ्या षटकाच्या पहिल्याच चेंडूवर षटकार मारून हेतू स्पष्ट केला. (Photo- BCCI Twitter)
इशान किशनने मग मागे वळून पाहिलं नाही. पाकिस्तानचा जो गोलंदाज समोर येईल त्याची धुलाई केली. त्याने चौकार आणि षटकारांचा वर्षाव केला. इशान किशनने फक्त 27 चेंडूत अर्धशतक पूर्ण केलं. या स्पर्धेतील इशानचं हे दुसरं अर्धशतक आहे. (Photo- BCCI Twitter)
इशान किशनने 40 चेंडूत 10 चौकार आणि 3 षटकार मारत 192.50 च्या स्ट्राईक रेटने 77 धावांची खेळी केली. पण सैम आयुबच्या गोलंदाजीवर जोरदार फटका मारण्याच्या चुकला आणि त्रिफळाचीत झाला. पण तिथपर्यंत त्याने त्याची भूमिका चोख बजावली होती. इशान किशन पाकिस्तानविरुद्ध अर्धशतक ठोकणारा चौथा फलंदाज आहे. यापूर्वी विराट कोहली, युवराज सिंग आणि गौतम गंभीरने ही कामगिरी केली आहे. (Photo- BCCI Twitter)
भारत पाकिस्तान टी20 आंतरराष्ट्रीय क्रिकेटमध्ये इशान किशनने मारलेलं हे तिसरं वेगवान अर्धशतक आहे. या यादीत पाकिस्तानचा मोहम्मद हाफिज आघाडीवर आहे. त्याने 2012 मध्ये भारताविरुद्ध 23 चेंडूत अर्धशतक ठोकलं होतं. त्यानंतर अभिषेक शर्माने पाकिस्तानविरुद्ध 24 चेंडूत आणि इशान किशनने 27 चेंडूत अर्धशतक ठोकलं आहे. (Photo- BCCI Twitter)
पाकिस्तानविरुद्ध टी20 आंतरराष्ट्रीय क्रिकेटमध्ये सर्वाधिक धावा करणाऱ्या खेळाडूंच्या यादीत इशानने स्थान मिळवलं आहे. इशान या यादीत चौथ्या स्थानावर आहे. या यादीत विराट कोहली नाबाद 82 धावांसह पहिल्या, पाकिस्तानचा मोहम्मद रिझवाना नाबाद 79 धावांसह दुसऱ्या, विराट कोहली नाबाद 78 धावांसह तिसऱ्या आणि इशान किशन 77 धावांसह चौथ्या स्थानी आहे. (Photo- BCCI Twitter)
