कर्नाटक सीमाप्रश्नावर सरकारची भूमिका काय? मंत्री अब्दुल सत्तार यांनी पत्रकार परिषदेत स्पष्ट केलं…

मुंबई : महाराष्ट्र कर्नाटक सीमावाद (Maharashtra Karnataka Simavad) दिवसेंदिवस चिघळत चालला आहे. त्यावर राज्यातील महाविकास आघाडीचे नेते आक्रमकपणे बोलताना दिसत आहे. तर सत्ताधाऱ्यांकडून मात्र याबाबत मौन बाळगण्यात आल्याने विरोधीपक्षाकडून टीका होत आहे. यावर मंत्री अब्दुल सत्तार (Abdul Sattar) बोलते झालेत. त्यांनी सरकारची भूमिका काय हे सांगितलं आहे.

महाराष्ट्र कर्नाटक सीमावाद अनेक वर्षापासून सुरू आहे.मराठी माणसाची अडवणूक करणाऱ्यांना कधीही माफ करणार नाहीत . दोन्ही राज्यात भाजपचं सरकार आहे. त्यामुळे महाराष्ट्राचे सर्व खासदार केंद्राकडे आपलं म्हणणं मांडणार आहेत. केंद्राने तातडीने तोडगा काढणं आवश्यक आहे, असं सत्तार म्हणालेत.

आपल्या राज्याच्या मागणीनुसार केंद्र सरकारने निर्णय घेणं गरजेचं आहे. कर्नाटक सरकारने अडवणूक करू नये. केंद्र सरकारचं म्हणणं लक्षात घ्यायला हवं. कर्नाटक सरकारच्या अशा वागणुकीला कुणीही थारा देणार नाही. कर्नाटक विषयावर सर्वांनी एकत्रित येणं आवश्यक आहे. सर्व पक्ष एकत्रित आले तर केंद्रदेखील महाराष्ट्राची मागणी आवश्य लक्षात घेईल, असं सत्तार यांनी म्हटलंय.

मराठी भाषिक आपले असून कोणावरही अन्याय होणार आम्ही. अमित शाह यांनी पुढाकार घेऊन लक्ष द्यावं. कायदा सुव्यवस्था बिघडू नये ही काळजी घ्यावी आणि कोणावर कारवाई करतांना कायदेशीर असावी आणि ज्यांनी कुणावरही अन्याय होऊ देणार नाहीत, असं सत्तार म्हणालेत.

कर्नाटकच्या मुख्यमंत्र्यांची भूमिका अशी दिसत आहे आमचं ते आमचं आणि तुमचं तेही आमचंच. ते आक्रमकपणे त्यांची बाजू मांडत आहे. पण आमचे मुख्यमंत्री कुठे आहेत? ते काहीही का बोलत नाहीत? त्यांच्या तोंडाला कुलुप का?, असा सवाल खासदार संजय राऊतांनी केला. त्यानंतर मंत्री सत्तार यांनी सरकारची बाजू मांडली आहे.