अमृता फडणवीसांची नवाब मलिकांना कायदेशीर नोटीस, ‘जाहीरपणे माफी मागा, नाहीतर…’
भाजपच्या अन्य नेत्यांवरही मलिकांनी आरोपांची मालिका सुरु केलीय. अशावेळी मलिक यांनी देवेंद्र फडणवीस यांच्या पत्नी अमृता फडणवीस यांच्यासोबत असलेला जयदीप राणाचा एक फोटो पोस्ट केला होता. हा जयदीप राणा ड्रग्स पेडलर असल्याचंही मलिक म्हणाले होते. त्यावरुन आता अमृता फडणवीस यांनी नवाब मलिक यांना कायदेशीर नोटीस पाठवली आहे.
मुंबई : मुंबई क्रूझ ड्रग्स प्रकरण आणि आर्यन खान प्रकरणात रान उठवल्यानंतर राष्ट्रवादी काँग्रेसचे प्रवक्ते आणि अल्पसंख्याक विकास मंत्री नवाब मलिक यांनी भाजप नेत्यांवर आरोपांची मालिका सुरु केली आहे. माजी मुख्यमंत्री आणि विधानसभेतील विरोधी पक्षनेते देवेंद्र फडणवीस यांच्या आशीर्वादानेच मुंबईत ड्रग्सचा काळा धंदा सुरु झाल्याचा आरोप मलिकांनी केलाय. भाजपच्या अन्य नेत्यांवरही मलिकांनी आरोपांची मालिका सुरु केलीय. अशावेळी मलिक यांनी देवेंद्र फडणवीस यांच्या पत्नी अमृता फडणवीस यांच्यासोबत असलेला जयदीप राणाचा एक फोटो पोस्ट केला होता. हा जयदीप राणा ड्रग्स पेडलर असल्याचंही मलिक म्हणाले होते. त्यावरुन आता अमृता फडणवीस यांनी नवाब मलिक यांना कायदेशीर नोटीस पाठवली आहे. (Amrita Fadnavis issues legal notice to Nawab Malik, demand for Publicly apologize)
देवेंद्र फडणवीस यांच्या आशीर्वादाने राज्यात ड्रग्स उद्योग चालत असल्याचा आरोप मलिकांनी केला होता. हा आरोप करण्यापूर्वी मलिक यांनी एक फोटो ट्वीट केला होता. त्यात अमृता फडणवीस आणि जयदीप राणा पाहायला मिळत होते. जयदीप राणा हा ड्रग्स पेडलर आहे. अमृता फडणवीस यांनी मुंबईतील नद्यांच्या संवर्धनासंदर्भात गायलेल्या गाण्याचं फायनान्स जयदीप राणा याने केलं होतं, असा दावा मलिक यांनी पत्रकार परिषदेत केला होता.
चलो आज BJP और ड्रग्स पेडलर के रिश्तों पे चर्चा करते है pic.twitter.com/FVjbOQ8jvf
— Nawab Malik نواب ملک नवाब मलिक (@nawabmalikncp) November 1, 2021
अमृता फडणवीसांचा मलिकांना थेट इशारा
मलिकांच्या या आरोपानंतर अमृता फडणवीस चांगल्याच आक्रमक झाल्याचं पाहायला मिळत आहे. त्यांनी मलिकांना एक कायदेशीर नोटीस पाठवली आहे. पुढील 48 तासांत मानहानीकारक, दिशाभूल करणारे ट्विट डिलीट करा आणि सार्वजनिकपणे माफी मागा. नाहीतर मानहानीच्या खटल्याला सामोरे जा, असा इशाराच अमृता फडणवीस यांनी ट्विटरच्या माध्यमातून दिलाय.
‘नवाब मलिक यांनी काही फोटोंसह बदनामीकारक, दिशाभूल करणारे, अपमानास्पद ट्विट केले आहेत. भारतीय दंड संहितेच्या विविध कलमांखाली फौजदारी कारवाईसह बदनामीची नोटीस देत आहे. मलिक यांनी बिनशर्त सार्वजनिक माफी मागून 48 तासांत ट्विट हटवावेत किंवा कारवाईला सामोरं जावं’, असं ट्वीट अमृता फडणवीस यांनी केलंय. या ट्विटमध्ये त्यांनी नोटीसचे काही फोटोही शेअर केले आहेत.
Notice of Defamation continued…. @nawabmalikncp pic.twitter.com/JBdNKoGtsW
— AMRUTA FADNAVIS (@fadnavis_amruta) November 11, 2021
अमृता फडणवीसांना मलिकांच्या मुलीचे प्रत्युत्तर
दुसरीकडे नवाब मलिक यांची ‘बिगडे नवाब’ अशा शब्दात उल्लेख करणाऱ्या अमृता फडणवीस यांना मलिक यांची कन्या निलोफर मलिक-खान यांनी जोरदार प्रत्युत्तर दिलं आहे. सत्य तुमच्या बाजूने आहे तर घाबरता कशाला? असा सवालच निलोफर मलिक खान यांनी अमृता फडणवीस यांना केला आहे.
निलोफर मलिक खान यांनी ट्विट करून हा सवाल केला आहे. तुमच्याकडे लपवण्यासारखं काहीच नसेल तर तुम्हाला मलिक यांच्या पत्रकार परिषदांची चिंता वाटता कामा नये. सत्य जर तुमच्या बाजूने आहे तर भीती बाळगू नका. जर तुमचे काही वाईट हेतू असतील तर ते उघड केले जातील, असा टोला निलोफर यांनी लगावला आहे.
इतर बातम्या :
‘अंगार विसरलेले मुख्यमंत्री सध्या भंगाराचे कौतुक करतात’, अतुल भातखळकरांचा उद्धव ठाकरेंना टोला
Amrita Fadnavis issues legal notice to Nawab Malik, demand for Publicly apologize
