Ravindra Waikar : शिवसेनेचा आणखी एक आमदार नॉटरिचेबल, सत्ता गेल्यानंतरही धक्क्यांवर धक्के? की अफवा?

मुंबई : शिवसेनेचा आणखी एक आमदार नॉटरिचेबल असल्याची माहिती आहे. शिवसेना आमदार रवींद्र वायकर (Ravindra Waikar) नॉटरिचेबल आहेत. रवींद्र वायकर शिंदे गटात सामील होण्याची शक्यता सूत्रांनी वर्तवली होती. मात्र, ते गावी गेल्याची माहिती आहे. आधीच राज्याच्या राजकारणात अस्थिर परिस्थिती असून शिवसेनेतील बंडखोरीमुळे महाविकास आघाडी सरकार पडलंय. एकनाथ शिंदे (Eknath Shinde) गटामुळे शिवसेनेत पडलेली फूट आणि त्यामुळे गेलेली सत्ता उद्धव ठाकरेंच्या (Uddhav Thackeray) चांगलीच जिव्हारी लागली आहे. यातच आता पुन्हा एकदा शिवसेनेचे आमदार वायकर नॉटरिचेबल असल्यानं ते नेमके कुठे गेले, हे कळायला मार्ग नव्हता. दरम्यान, यामुळे पुन्हा एकदा शिवसेनेला धक्का बसल्याचंही मानलं गेलं. दरम्यान, ते गावी गेल्याची माहिती आहे.

वायकरांना मंत्रीपदाची ऑफर असल्याचंही बोललं गेलं

एकनाथ शिंदे यांच्याकडे शिवसेनेच्या 40 आणि अपक्ष 11 अशा एकूण 51 आमदारांचं बळ आहे. त्यामध्ये आता वायकर देखील शिंदे गटात गेल्याची सूत्रांची माहिती होती. त्यामुळे देवेंद्र फडणवीस आणि शिंदे गटाचं सरकार आल्यास वायकर यांनी मंत्रीपद मिळतं का, असेही प्रश्न चर्चेत होते. ऐन सत्तास्थापनेच्यावेळी रवींद्र वायकर गायब झाल्यानं त्यांना शिंदे गटानं मंत्रीपदाची ऑफर दिल्याचं बोललं जातं होतं. मात्र, ते गावी असल्याची माहिती आहे.

सत्तेचा नवा फॉर्म्यूला काय?

बंडखोर एकनाथ शिंदे गट आणि भाजप यांच्याकडून सरकार बनवण्याची तयारी सुरु असल्याची माहिती सूत्रांनी दिली आहे. यासाठी सत्तेचा फॉर्म्यूला देखील बनला असल्याचं सूत्रांच्या माध्यमातून समोर आलंय. दरम्यान, सत्तास्थापनेच्या ऐन तोंडावर रवींद्र वायकर गायब झाल्यानं त्यांनी मंत्रीमंडळात संधी मिळण्याची शक्यता व्यक्त केली जात होती. मात्र, त्या अफवा असल्याची माहिती  आहे. दरम्यान, नव्या सरकारचा फॉर्म्यूला काय आहे. हे जाणून घ्या..

सत्तेच्या नव्या फॉर्म्यूल्यात शिंदे गटाला काय?

1. शिंदे गटाला भाजपची ऑफर
2. उपमुख्यमंत्रीपद एकनाथ शिदेंना
3. आठ आमदारांना कॅबिनेट मंत्रीपद
4. पाच आमदारांना राज्य मंत्रीपद

सत्तेच्या नव्या फॉर्म्यूल्यात भाजपला काय?

1. देवेंद्र फडणवीसांना मुख्यमंत्रीपद
2. भाजपचे 29 आमदार मंत्री बनतील
3. अपक्ष आमदारांनाही मंत्री पदे

अडचणी वाढतायत

राज्याच्या राजकारणात अस्थिर परिस्थिती असून शिवसेनेतील बंडखोरीमुळे महाविकास आघाडी सरकार पडलंय. एकनाथ शिंदे गटामुळे शिवसेनेत पडलेली फूट आणि त्यामुळे गेलेली सत्ता उद्धव ठाकरेंच्या चांगलीच जिव्हारी लागली आहे. यातच आता पुन्हा एकदा शिवसेनेचे आमदार वायकर नॉटरिचेबल असल्यानं ते नेमके कुठे गेले, हे कळायला मार्ग नव्हता . दरम्यान, यामुळे पुन्हा एकदा शिवसेनेला धक्का बसल्याची बोललं गेलं. दरम्यान, ते गावी गेल्याची माहिती आहे.