ARMC Election 2022 Ward 30 : अमरावती महापालिका निवडणुकीत सर्वपक्षीयांचं अस्तित्व पणाला; प्रभाग क्रमांक 30 पश्चिम बडनेरात कोण मारणार बाजी?

अमरावती : एकनाथ शिंदे यांच्या बंडाळीनंतर राज्यभरात शिवसेनेला मोठं भगदाड पडलंय. त्यामुळे राज्यात काही भागात उद्धव ठाकरे (Uddhav Thackeray) यांची शिवसेना कमकुवत झाल्याचं चित्र सध्या तरी पाहायला मिळत आहे. अशावेळी आगामी महापालिका निवडणुकांकडे (Municipal Elections) संपूर्ण राज्याचं लक्ष लागलं आहे. विदर्भातील राजकारणात अमरावती महापालिकेला महत्वाचं स्थान आहे. त्यामुळे या महापालिकेवर सत्ता मिळवण्यासाठी सर्वच राजकीय पक्ष प्रयत्नशिल असतात. अमरावती महापालिकेत (ARMC Election 2022) यात प्रभागनिहाय मतदार यादी, प्रभाग रचना तसेच आरक्षण सोडत आदी महत्त्वाच्या कामांची लगबग सुरू आहे. आरक्षण सोडतीनंतर सर्वच राजकीय पक्षातील इच्छुकांनी बाशिंग बांधल्याचं पाहायला मिळत आहे. त्यातच आरक्षण सोडतीमुळे हक्काची जागा गमवाव्या लागणाऱ्या नेते आणि पुढाऱ्यांनी पर्यायी जागा शोधण्याची मोहीमही हाती घेतल्याचं पाहायला मिळत आहे.

अमरावती महापालिका क्षेत्राची एकूण लोकसंख्या

2011 च्या जनगणनेनुसार अमरावती महापालिका क्षेत्रातील एकूण लोकसंख्या 6 लाख 47 हजार 57 इतकी आहे. त्यात अनुसूचित जातीची लोकसंख्या 1 लाख 11 हजार 435, तर अनुसूचित जमातीची लोकसंख्या 15 हजार 955 इतकी आहे.

प्रभाग क्रमांक 30 ची लोकसंख्या (2011च्या जनगणनेनुसार)

प्रभाग क्रमांक 30 मध्ये एकूण लोकसंख्या 20 हजार 330 आहे. त्यात अनुसूचित जातीची लोकसंख्या 4 हजार 155 तर अनुसूचित जमातीची लोकसंख्या 343 इतकी आहे.

प्रभाग क्रमांक 30 पश्चिम बडनेरातील वार्डाचं आरक्षण

प्रभाग क्रमांक 30 मध्ये एकूण तीन वार्ड आहेत. त्यात वार्ड क्र 30 (अ) अनुसूचित जाती, वार्ड क्र 30 (ब) सर्वसाधारण महिला, तर वार्ड क्र 30 (क) सर्वसाधारण प्रवर्गासाठी राखीव आहे.

प्रभाग क्रमांक 30 पश्चिम बडनेराची व्याप्ती

महेश भवन, भिवापुरकर नगर, होमियोपैथिक कॉलेज परिसर, नेमाणी गोडाऊन, गोडबोले लेआऊट, पारशी स्मशान, चमन नगर, अलमास नगर, जोशी लेआऊट, चंद्रा नगर, पाचबंगला स्लग, विजय मिल परिसर, रेलवे क्वॉर्टर प्रोफेसर कॉलनी, लड्डा प्लॉट, हिरी दत्त मंदिर परिसर, मोदी हॉस्पीटल परिसर, मिलचाळ, जनक रेसिडेन्सी, फुकट नगर व इत्यादी.

उत्तर : मनपा हद्द व मौजे बडनेरा सर्वे क्र. 295 च्या ईशान्य कोप-यापासून दक्षिणेस सडकेने नाल्यापर्यंत तेथून पूर्वेस व उत्तरेस नाल्या नाल्याने बडनेरा रोडवरिल शशी नगर येथील नाला पुलापर्यंत तेथून उत्तरेस सडकेने गोपाल नगर स्टॉप पर्यंत तेथून पूर्वेस सडकेने गोपाल नगर रेल्वे क्रॉसिंगपर्यंत.

पूर्व : गोपाल नगर रेल्वे क्रॉसिंगपासून दक्षिणेस रेलवे लाईन मिनी बायपासवरील जुनीवस्ती येथील क्रॉसिंगपर्यंत तेथून पश्चिमेस सडकेने कृषी उत्पन्न बाजार समितीच्या आग्नेय कोप-यापर्यंत म्हणजेच गृहलक्ष्मी भोजनालय तेथून दक्षिणेस श्री पवन उसरे यांचे घरापर्यंत तेथून पूर्वेस श्री अनिल उसरे यांचे घरापर्यंत तेथून दक्षिणेस सडकेने खाटीकपुरा चौक येथील उसरे वाडा स्मृती व्दार पर्यंत तेथून पश्चिमेस सडकेने अकोला रोडवरिल श्री सजनाजी महाराज मारोती संस्थान पर्यंत येथून दक्षिणे मुख्य सवे बडनेरा रेल्वे स्टेशन पुलापर्यंत तेथून पूर्वेस रेल्वे स्टेशन दक्षिण बाजुने मनपा बडनेरा झोन कार्यालयाच्या ईशान्य कोप-यापर्यंत तेथून दक्षिणेस सडकेने आठवडी बाजार चौकापर्यंत तेथून पश्चिमेस सडकेने अकोलारोड व आठवडी बाजार रस्ता टि जंक्शनपर्यंत तेथून दक्षिणेस मुख्य सडकेने यवतमाळ टि जंक्शनपर्यंत तेथून पूर्व-दक्षिण मुख्य यवतमाळ रोडने एक्सप्रेस हायवे जंक्शनपर्यंत तेथून नैऋत्य दिशेने सडकेने मनपा हद्द पर्यंत

दक्षिण : मनपा हद्द.

पश्चिम : मनपा हद्द.