केंद्रीय मंत्रिमंडळात स्थान मिळाल्यास आनंद होईल; शिंदेगटातील खासदाराने बोलून दाखवली इच्छा

नवी दिल्ली : केंद्रीय मंत्रिमंडळाचा (Modi Government) विस्तार लवकरच होईल, अशी चर्चा सध्या राजकीय वर्तुळात रंगली आहे. या मंत्रिमंडळ विस्तारात शिंदेगटातील खासदारांना संधी मिळण्याची शक्यता आहे. केंद्रातील मंत्रिमंडळ विस्तारात संधी मिळाल्यास आनंद होईल, अशी प्रतिक्रिया शिंदेगटाचे खासदार प्रतापराव जाधव (MP Prataprao Jadhav) यांनी दिलीय.

मंत्रीमंडळात कुणाला घ्यायचं आहे.मंत्रिपदाचा निर्णय आमचे नेते एकनाथ शिंदे घेतील. पण मी तीन वेळा आमदार आणि खासदार राहिलो आहे. माझ्या पक्षाने मला संधी दिली तर मी आनंदाने करायला तयार आहे. पक्षाचा नावलौकीक वाढवण्यासाठी प्रयत्न करीन, असं प्रतापराव जाधव यांनी म्हटलं आहे.

केंद्रात लवकरच मंत्रीमंडळ विस्तार होणार असल्याची चर्चा राजधानी दिल्लीत सुरु आहे. या मंत्रीमंडळ विस्तारात बाळासाहेबांची शिवसेना गटाला देखील स्थान दिलं जाणार आहे. यामध्ये शिंदे गटाच्या 13 खासदारांपैकी अनेक खासदारांची नाव चर्चेत आहे. या संदर्भात शिंदे गटाचे खासदार प्रतापराव जाधव यांनी माध्यमांशी बातचीत करताना पक्षाने जर संधी दिली तर मी आनंदाने स्विकारेल असं जाधव यांनी म्हटलं आहे.

संजय राऊत यांनी आम्हाला दलाल कचरा म्हटलं. तुम्ही याच कचऱ्याच्या ढिगाऱ्यावर निवडून आला आहात. तुम्हाला जर मत देणारे कचरा असतील तर त्या कचऱ्याच्या ढिगाऱ्यावरील कोण आहात? संजय राऊत कचऱ्याच्या ढिगाऱ्यावरील घाण आहेत का?, असा सवाल शिंदेगटाचे खासदार प्रतापराव जाधव यांची संजय राऊत यांच्यावर टीका केली.

शिंदेगटाचे खासदार प्रतापराव जाधव यांनी संजय राऊत यांच्यावर निशाणा साधताना आम्ही जर कचरा असू तर आमची मत घेऊन निवडून आलेले संजय राऊत हे कचऱ्यांच्या ढिगाऱ्यावरील काय आहेत? असा सवाल जाधव यांनी उपस्थित केला आहे.

केंद्रीय मंत्रिमंडळाचा विस्तार लवकरच होणार असल्याची चर्चा दिल्लीच्या राजकीय वर्तुळात रंगली आहे. अशातच आता राज्यात शिंदेगटाने बंड करत भाजपची साथ दिलीय. त्यामुळे उद्धव ठाकरेंशी फारकत घेत भाजपची साथ देणाऱ्या शिंदेगटाला मंत्रिमंडळ विस्तारात संधी मिळण्याची शक्यता जास्त आहे. त्यामुळे या मंत्रिमंडळ विस्तारात कुणाला संधी मिळणार हे पाहणं महत्वाचं असेल.