सत्तास्थापनेकडे मुख्यमंत्र्यांच्या लेकीचंही लक्ष, चिमुकलीचा आईला प्रश्न, अजून आपल्याला किती जागा हव्या?

शिवसेनेने फिप्टी-फिप्टीच्या फॉर्म्युल्याची आठवण करुन देत, मुख्यमंत्रीपदावर दावा सांगितला आहे. मात्र मुख्यमंत्री भाजपचाच होईल, असं भाजप नेते म्हणत आहेत.

सत्तास्थापनेकडे मुख्यमंत्र्यांच्या लेकीचंही लक्ष, चिमुकलीचा आईला प्रश्न, अजून आपल्याला  किती जागा हव्या?


मुंबई : महाराष्ट्र विधानसभा निवडणुकीचा निकाल जाहीर झाल्यानंतर गल्लीपासून दिल्लीपर्यंत सत्तास्थापनेची आकडेमोड सुरु आहे. भाजपने 105 जागांसह सर्वात मोठा पक्ष होण्याचा मान मिळवला. मात्र कोणत्याही एका पक्षाला 145 हा सत्तास्थापनेच्या आकडा गाठता आलेलं नाही. शिवसेना 56 जागांसह दुसऱ्या, राष्ट्रवादी 54 जागांसह तिसऱ्या, काँग्रेस 44 जागांसह चौथ्या स्थानावर आहे.

शिवसेनेने फिप्टी-फिप्टीच्या फॉर्म्युल्याची आठवण करुन देत, मुख्यमंत्रीपदावर दावा सांगितला आहे. मात्र मुख्यमंत्री भाजपचाच होईल, असं भाजप नेते म्हणत आहेत.

एकीकडे ही सर्व आकडेमोड होत असताना, ‘वर्षा’ बंगल्यावर मुख्यमंत्र्यांची 11 वर्षांची मुलगी दिविजाही (CM Daughter Divija ) या सर्व राजकारणाकडे बारीक लक्ष ठेवून आहे. दिविजा सध्या पाचवीत शिकत आहे. मात्र माध्यमात येत असलेल्या बातम्या, चर्चा, वादविवाद हे सर्व ती पाहात असते. मुख्यमंत्र्यांची पत्नी अमृता फडणवीस यांनीच याबाबतची माहिती दिली.

अमृता फडणवीस यांनी टीव्ही 9 मराठीवर त्यांच्या दिवाळीच्या आठवणी जागवल्या. यादरम्यान त्यांना घरच्या राजकीय वातावरणाकडे दिविजा कशी पाहते असं विचारण्यात आलं.

त्यावर अमृता फडणवीस म्हणाल्या, “दिविजा खूपच समजुतदार मुलगी आहे. तिला निवडणुकीवेळी काय सुरु आहे, किती गडबडी सुरु आहेत हे सगळं कळतं. ती आता पाचवीत आहे. ती स्वत:ला अपडेट ठेवते. आम्हाला प्रश्न विचारते, न्यूजपेपर वाचते, ऑनलाईन वाचते”.

निकाल आल्यानंतर दिविजाने मला विचारलं की बहुमतासाठी किती जागा लागतील? कसं होईल, काय होईल, हे सगळं ती विचारते. नंबर्समध्ये तिला खूप इंटरेस्ट आहे, असं अमृता फडणवीस यांनी सांगितलं.

याबाबत ती तिच्या बाबांशी कधी चर्चा करते का?

असा प्रश्न विचारला असता, अमृता फडणवीस म्हणाल्या, “एवढा वेळ मिळत नाही. पण कधी कधी विचारते ती बाबांना”. शिवाय लहान मुलांनी जर अडचणीचे प्रश्न विचारले तर त्यांना लहान होऊनच उत्तर द्यावं लागतं, अशीही पुष्टी त्यांनी जोडली.

Read Full Article

Click on your DTH Provider to Add TV9 MARATHI