दिल्ली निवडणुकीच्या रिंगणात उतरलेल्या राष्ट्रवादीच्या उमेदवारांचा निकाल काय?
दिल्ली कँटॉन्मेंट मतदारसंघात राष्ट्रवादीचे उमेदवार सुरेंद्र सिंह यांना अवघी 854 मतं मिळाली. 'आप'ची साथ सोडून सुरेंद्र सिंह राष्ट्रवादीत गेले होते
नवी दिल्ली : दिल्ली विधानसभा निवडणुकीत आम आदमी पक्षाने 63 जागांवर आघाडी मिळवत भाजपला जोरदार धक्का दिला आहे, तर काँग्रेसचा सुपडासाफ झाला आहे. दिल्ली निवडणुकांच्या रिंगणात राष्ट्रवादीचे पाच उमेदवारही उतरले होते, त्यांनाही पराभवाला सामोरं जावं (Delhi Vidhansabha Election NCP Candidate) लागलं.
‘आम आदमी पक्षा’चा राजीनामा देऊन राष्ट्रवादीच्या तिकीटावर निवडणूक लढवणाऱ्या सुरेंद्र सिंह यांना आमदारकी गमवावी लागली आहे. दिल्ली कँटॉन्मेंट या आपल्याच मतदारसंघातून सुरेंद्र सिंह निवडणूक लढवत होते. मात्र इथे ‘आप’चे वीरेंद्रसिंह कडियान विजयी झाले, तर भाजपचे मनिष सिंह दुसऱ्या क्रमांकावर राहिले. कडियान यांना जवळपास 26 हजार, तर मनिष सिंह यांना अंदाजे 17 हजार मतं मिळाली.
दिल्ली कँटॉन्मेंट मतदारसंघात काँग्रेस उमेदवार तिसऱ्या, तर बसप उमेदवार चौथ्या क्रमांकावर आहे. राष्ट्रवादीचे सुरेंद्र सिंह यांना अवघी 854 मतं मिळाली. विद्यमान आमदाराला जनतेने नाकारल्यामुळे उमेदवारापेक्षा पक्षाला प्राधान्य दिल्याचं दिसत आहे.
राष्ट्रवादीच्या इतर उमेदवारांचे निकाल (Delhi Vidhansabha Election NCP Candidate)
गोकुलपूर – सुरेंद्र कुमार (आप) – 88 हजार 90 मतं, रणजीत सिंह (भाजप) 68 हजार 575 मतं, सातव्या क्रमांकावर फतेह सिंह (राष्ट्रवादी) – 418 मतं, ‘नोटा’ला अधिक मतं – 449
बाबरपूर – गोपाल राय (आप) – 58 हजार 827 मतं, नरेश गौर (भाजप) – 35 हजार 564 मतं, सहाव्या क्रमांकावर झाहिद अली (राष्ट्रवादी) – 100 मतं, ‘नोटा’ला अधिक मतं – 211
छत्तरपूर – कर्तार सिंह तन्वर – 66 हजार 451 मतं, ब्रह्म सिंह तन्वर – 663 हजार 13 मतं, आठव्या क्रमांकावर राणा सुजीत सिंह (राष्ट्रवादी) – 171 मतं, ‘नोटा’ला अधिक मतं – 637
मुस्तफाबाद – हाजी युनूस (आप) – 98 हजार 681 मतं, जगदीश प्रधान (भाजप) – 77 हजार 845 मतं, पाचव्या क्रमांकावर मयुर भान 288 मतं, ‘नोटा’ला अधिक मतं – 459
दिल्ली निवडणुकीच्या निकालाचे व्यक्तिशः मला आश्चर्य वाटत नाही. दिल्लीत अनेक मराठी भाषिक लोकही राहतात. या रहिवाशांनादेखील सरकारबद्दलची भूमिका विचारली असता त्यांनी अरविंद केजरीवाल यांचे नाव घेतले होते.@ArvindKejriwal #DelhiElectionResults pic.twitter.com/vbuIZwFh3t
— Sharad Pawar (@PawarSpeaks) February 11, 2020
Delhi Vidhansabha Election NCP Candidate
संबंधित बातम्या :
