Sanjay Raut : तरीही शिवसेना सोडणार नाही, मरेन पण शरण जाणार नाही; ईडीची धाड पडताच संजय राऊतांची पहिली प्रतिक्रिया
तसेच त्यांनी तिसऱ्या ट्विटमध्ये त्यांनी खोटी कारवाई..खोटे पुरावे, मी शिवसेना सोडणार नाही..मरेन पण शरण जाणार नाही, जय महाराष्ट्र असं ट्विट केलं आहे.
मुंबई – संजय राऊत (Sanjay Raut) यांच्या घरी सकाळी ईडीची टीम (ED Team) चौकशीसाठी दाखल झाली आहे. त्या टीमध्ये दहा अधिकारी असल्याची माहिती संजय राऊत यांचे भाऊ सुनिल राऊत यांनी दिली आहे. ईडीचं पथक दाखल झाल्यानंतर तरीही शिवसेना (Shivsena) सोडणार नाही, ईडीची धाड पडताच संजय राऊत यांची पहिली प्रतिक्रिया सोशल मीडियाच्या माध्यमातून व्यक्त केली आहे. दुसऱ्या ट्विटमध्ये त्यांनी महाराष्ट्र आणि शिवसेना लढत राहील असं म्हटलं आहे. तसेच त्यांनी तिसऱ्या ट्विटमध्ये त्यांनी खोटी कारवाई..खोटे पुरावे, मी शिवसेना सोडणार नाही..मरेन पण शरण जाणार नाही, जय महाराष्ट्र असं ट्विट केलं आहे.
तरीही शिवसेना सोडणार नाही.. pic.twitter.com/UNrnxNCt0z
— Sanjay Raut (@rautsanjay61) July 31, 2022
कोणत्याही घोटाळ्याशी माझा काडीमात्र संबंध नाही
कोणत्याही घोटाळ्याशी माझा काडीमात्र संबंध नाही. शिवसेना प्रमुख बाळासाहेब ठाकरे यांची शपथ घेऊन मी हे सांगत आहे. बाळासाहेबांनी आम्हाला लढायला शिकवलंय. मी शिवसेनेसाठी लढत राहीन असं त्यांनी नुकतंच ट्विट केलं आहे. संजय राऊत यांच्या घरी सकाळी ईडीचे अधिकारी दाखल झाल्यानंतर त्यांनी ट्विट करायला सुरुवात केली आहे. महाविकास आघाडीच्या काही नेत्यांवरती मागच्या अनेक महिन्यांपासून कारवाई सुरु आहे. अनेकजण ईडीला घाबरुन दुसऱ्या पक्षात गेले आहेत. परंतु मी त्यांना घाबरणार मी माझी लढाई माझ्या पद्धतीने लढत राहीन.
शिवसेना झिंदाबाद!!! लढत राहीन..
— Sanjay Raut (@rautsanjay61) July 31, 2022
केंद्रीय यंत्रणेकडून चुकीच्या पद्धतीने टार्गेट केलं जात आहे
खोटी कारवाई.. खोटे पुरावे मी शिवसेना सोडणार नाही.. मरेन पण शरण जाणार नाही जय महाराष्ट्र असं त्यानी एक ट्विट केलं आहे. ज्यावेळी संजय राऊत यांना ईडीच्या कार्यालयात बोलावलं होतं. त्यावेळी सुद्धा त्यांनी मला केंद्रीय यंत्रणेकडून चुकीच्या पद्धतीने टार्गेट केलं जात आहे. मी कोणत्याही गोष्टीला घाबरणार नाही मी माझी लढाई लढेन असंही त्यांनी सांगितले आहे.
कोणत्याही घोटाळ्याशी माझा काडीमात्र संबंध नाही. शिवसेना प्रमुख बाळासाहेब ठाकरे यांची शपथ घेऊन मी हे सांगत आहे..बाळासाहेबांनी आम्हाला लढायला शिकवलंय.. मी शिवसेनेसाठी लढत राहीन.
— Sanjay Raut (@rautsanjay61) July 31, 2022
काय आहे नेमकं प्रकरण
गोरेगाव पत्रा चाळ प्रकरणी संजय राऊत यांना ईडीने नोटीस देण्यात आली होती. त्यानंतर त्यांनी एकदा ईडीच्या कार्यालयात हजेरी लावली होती. त्यानंतर त्यांनी पुन्हा त्यांना चौकशीसाठी समन्स बजावण्यात आलं होत. पण त्यांनी त्यांच्या वकीलामार्फत वेळ अधिकची वाढवून मागितली होती. पण ईडीने ती त्यांना नाकारली होती.
