वैभव नाईकांकडून तीन दिवसात वचपा, कट्टर राणे समर्थकाचा शिवसेनाप्रवेश

सिंधुदुर्ग : सिंधुदुर्गात शिवसेना आमदार वैभव नाईक आणि भाजप आमदार नितेश राणे यांच्यात चांगलाच कलगीतुरा रंगला आहे. नाईकांच्या मतदारसंघातील कुडाळच्या सभापतींना भाजपात आणून राणेंनी सुरुंग लावल्याचा प्रकार ताजा असतानाच अवघ्या तीन दिवसात वैभव नाईक यांनी वचपा काढला. कट्टर राणे समर्थक पंचायत समिती सदस्याला शिवसेनेत प्रवेश देत नाईकांनी राणेंवर पलटवार केला. (Kudal Panchayat Samiti member joins Shivsena Vaibhav Naik took revenge of Nitesh Rane)

कट्टर राणे समर्थक असलेल्या कुडाळ पंचायत समिती सदस्या निलिमा वालावलकर यांनी शिवसेनेत प्रवेश केला. वालावलकर या कुडाळ पंचायत समितीच्या पिंगुळी मतदारसंघातील विद्यमान सदस्या आहेत. त्यांना शिवसेनेत प्रवेश देऊन आमदार नितेश राणेंना वैभव नाईक यांनी धक्का दिला आहे.

महसूल राज्यमंत्री अब्दुल सत्तार यांच्या हस्ते खासदार विनायक राऊत यांच्या उपस्थितीत कुडाळमधे हा पक्ष प्रवेश करण्यात आला. या प्रवेशामुळे नारायण राणेंना हा मोठा धक्का मानला जात आहे.

कोणत्या राजकीय घडामोडी?

कुडाळ पंचायत समितीच्या सभापती नूतन आईर यांनी 29 ऑक्टोबरला कणकवलीत नितेश राणेंच्या उपस्थितीत भाजपमधे प्रवेश केला. त्यामुळे कुडाळ पंचायत समितीत आता भाजपची सत्ता आली.

नितेश राणे यांनी शिवसेनेच्या दोन्ही आमदारांवर टीका केली होती. शिवसेनेचे दोन्ही आमदार बिनकामाचे असून काठावर पास झाले आहेत. मात्र 2024 च्या निवडणुकीत शिवसेनेचा सुपडा साफ होईल आणि जिल्ह्यात भाजपचेच आमदार खासदार निवडून येतील, असा दावाही नितेश राणेंनी केला होता.

नितेश राणेंच्या टीकेला उत्तर देताना वैभव नाईक म्हणाले, “शिवसेनेचे आमदार हे दोन्ही निवडणुकीत एकाच पक्षातून एकाच चिन्हावर निवडून आले. मात्र नितेश राणेंना निवडून न येण्याच्या भीतीमुळे पक्ष बदलावा लागला. ते जर भाजपमध्ये नसते तर त्यांची काय अवस्था झाली असती, ते नितेश राणेंना खासगीत विचारा” अशी खोचक टीका वैभव नाईक यांनी केली. (Kudal Panchayat Samiti member joins Shivsena Vaibhav Naik took revenge of Nitesh Rane)

कुडाळ पंचायत समितीच्या सभापतींच्या दालनात त्यांचे पती ठेकेदारी चालवत होते. हे आपल्या कानावर आल्यानंतर आपण सभापतींना असले धंदे शिवसेनेत चालणार नाहीत, राजीनामा द्या, असे सांगितले होते. त्याचा राग आल्यामुळे त्यांनी पक्ष सोडून भाजपमध्ये प्रवेश केला, असा दावाही वैभव नाईक यांनी केला.

VIDEO : ‘उद्धव ठाकरेंसाठी राणे हा संपलेला विषय’ – वैभव नाईक यांची प्रतिक्रिया@CMOMaharashtra @OfficeofUT @MeNarayanRane #vaibhavNaik pic.twitter.com/PVFKyF4wXs

— TV9 Marathi (@TV9Marathi) October 27, 2020

संबंधित बातम्या :

वैभव नाईकांच्या मतदारसंघात शिवसेनेला सुरुंग, नितेश राणेंच्या उपस्थितीत कुडाळच्या सभापती भाजपात

“नितेश राणेंना खासगीत विचारा…” कुडाळ सभापतींच्या भाजपप्रवेशानंतर वैभव नाईकांचे प्रत्युत्तर

(Kudal Panchayat Samiti member joins Shivsena Vaibhav Naik took revenge of Nitesh Rane)