भाजपला पुन्हा धक्का, दिग्गज नेत्याचा शिवसेनेत प्रवेश

परभणी : भाजप नेते संजय साडेगावकर यांनी शिवसेनेचा झेंडा हाती धरला. संजय साडेगावकर हे परभणी जिल्ह्यातील सेलू, जिंतूर विधानसभा मतदारसंघातील भाजपचे पदाधिकारी आहेत. राठोड यांच्यासह जिल्ह्यातील 50 ते 55 जणांनी शिवसेनेत प्रवेश केला. (Parbhani BJP Leader Sanjay Sadegaonkar Joins Shiv Sena)

परभणी शहरात शिवसेनेच्या प्रवेश सोहळ्यासाठी एका कार्यक्रमाचे आयोजन करण्यात आले होते. शिवसेना खासदार संजय जाधव यांच्या कार्यालयासमोरील जागेत पेंडॉलमध्ये हा कार्यक्रम पार पडला.

भाजपचे पदाधिकारी राहिलेल्या संजय साडेगावकर यांच्यासह जिल्ह्यातील 50 ते 55 कार्यकर्ते-पदाधिकाऱ्यांनी शिवसेनेत प्रवेश केला. या कार्यक्रमाला मोठ्या प्रमाणात गर्दी जमली होती.

भाजपला धक्क्यावर धक्के

आगामी महानगरपालिका निवडणुकीच्या तोंडावर शिवसेना (Shivsena) भाजपला जोरदार धक्के देताना दिसत आहे. काही दिवसांपूर्वी माजी आमदार कृष्णा हेगडे यांनी मुख्यमंत्री उद्धव ठाकरे यांच्या उपस्थितीत शिवसेनेत प्रवेश केला होता. त्यामुळे भाजपाला जोरदार धक्का बसला होता.

कालिदास कोळंबकरांचे समर्थक शिवबंधनात

त्यानंतर शिवसेनेने भाजपाला आणखी एक धक्का दिला. भाजप आमदार कालिदास कोळंबकर यांचे कट्टर समर्थक मानले जाणारे अँटॉप हिल वडाळा (पूर्व) येथील अनिल कदम आणि दोन टर्म नगरसेविका राहिलेल्या माजी नगरसेविका प्रेसिला कदम तसेच भाजपा प्रणित बेस्ट संघटनेचे कार्याध्यक्ष विवेक घोलप यांनी शिवसेना पक्षप्रमुख आणि मुख्यमंत्री उद्धव ठाकरे यांच्या हस्ते हातात शिवबंधन बांधून शिवसेनेत प्रवेश केला. (Parbhani BJP Leader Sanjay Sadegaonkar Joins Shiv Sena)

भाजपात मोठया प्रमाणात आऊटगोईंग

कदम यांचा हा प्रवेश आमदार कोळंबकर यांच्यासाठी मोठा धक्का मानला जात आहे. एकीकडे भाजपा मुंबई मनपा जिंकण्याचे स्वप्न पाहत असताना दुसरीकडे मात्र भाजपात मोठया प्रमाणात आऊटगोईंग सुरु झालं आहे. या पक्षप्रवेशावेळी विभागप्रमुख मंगेश सातमकर, युवासेना सचिव वरुण सरदेसाई आणि नगरसेवक अमेय घोले उपस्थित होते.

माजी आमदार हेमेंद्र मेहता शिवसेनेत

माजी आमदार आणि भाजपचे नेते हेमेंद्र मेहता यांनी भाजपला रामराम ठोकत शिवसेनेते प्रवेश केला होता. मुख्यमंत्री उद्धव ठाकरे यांच्या हस्ते मेहता यांनी शिवबंधन बांधलं होतं. मुख्यमंत्र्यांच्या वर्षा या निवासस्थानी त्यांनी शिवसेनेत प्रवेश केला होता.

संबंधित बातम्या:

मुंबईतील भाजपच्या ‘या’ बड्या नेत्याला धक्का; कट्टर समर्थकांचा शिवसेनेत प्रवेश

‘जिलेबी-फाफडा डिप्लोमसी’ सक्सेस, आता ‘रासगरबा’; 21 गुजराती उद्योगपतींचा रविवारी शिवसेनेत प्रवेश!

(Parbhani BJP Leader Sanjay Sadegaonkar Joins Shiv Sena)