पार्थ पवार यांच्या आणखी एका भाषणाची चर्चा
रायगड : मावळ लोकसभा मतदारसंघातील राष्ट्रवादी काँग्रेसचे उमेदवार पार्थ पवार यांचं आणखी एक भाषण चर्चेत आलं आहे. पार्थ पवार हे पिंपरीतील अडखळत्या भाषणामुळे ट्रोल झाले होते. मात्र त्यांनी शुक्रवारी रायगडमध्ये केलेलं भाषण वाहवा मिळवणारं ठरलं. रायगड जिल्ह्यातील कर्जत तालुक्यातील सांगवी इथं राष्ट्रवादीची प्रचारसभा झाली, यावेळी पार्थ पवार यांनी कसलेल्या नेत्याप्रमाणे भाषण केलं. पार्थ पवार यांनी […]
रायगड : मावळ लोकसभा मतदारसंघातील राष्ट्रवादी काँग्रेसचे उमेदवार पार्थ पवार यांचं आणखी एक भाषण चर्चेत आलं आहे. पार्थ पवार हे पिंपरीतील अडखळत्या भाषणामुळे ट्रोल झाले होते. मात्र त्यांनी शुक्रवारी रायगडमध्ये केलेलं भाषण वाहवा मिळवणारं ठरलं. रायगड जिल्ह्यातील कर्जत तालुक्यातील सांगवी इथं राष्ट्रवादीची प्रचारसभा झाली, यावेळी पार्थ पवार यांनी कसलेल्या नेत्याप्रमाणे भाषण केलं.
पार्थ पवार यांनी आपल्या भाषणात मध्ये मध्ये इंग्रजी शब्दांचा वापर केला. पण त्यांनी आपल्या भाषणात मावळ लोकसभा मतदारसंघातील अनेक मुद्द्यांवरुन सत्ताधाऱ्यांना प्रश्न विचारले.
‘ते घाबरलेत’
“जेव्हापासून माझं नाव आलं आहे, तेव्हापासून ते लोक घाबरले आहेत. लोक माझ्यावरती टिका करतात, मला समजत नाही का? साहेबांवर टीका करतात. पण तुम्ही मावळबद्दल बोला, तुम्ही इथे काय केलं, मावळच्या विकासावर बोला, पण तसं काय तुम्हाला बोलायचं नाही”, असं पार्थ पवार म्हणाले.
त्यांना माहीत आहे, जर हे आले तर त्यांना इथून हलवण्यास खूप वर्ष लागतील, हे विरोधकांना माहित असल्याने ते राष्ट्रवादीला घाबरत आहेत, असं पार्थ पवारांनी नमूद केलं.
वाचा – पार्थची खिल्ली उडवण्यापेक्षा प्रोत्साहन द्या : नितेश राणे
दरम्यान, वेळेचं बंधन पाळण्यासाठी पार्थ पवार ऑनलाईन वेळ दाखवणारं घड्याळ वापरत असल्याचं सांगितलं.
कार्यकर्त्यांनी आणि नेत्यांनी 10 वाजत आल्याची आठवण करुन देताच, पार्थ यांनीही पाच मिनिटे शिल्लक आहेत वेळेवर भाषण संपवतो, माझ्याकडे ऑनलाईन घड्याळ आहे, असं सांगत आणखी चार मिनिटे भाषण करुन थांबवलं.
मावळ मतदारसंघात 29 एप्रिल रोजी मतदान होणार आहे. मावळमध्ये पार्थ पवार यांना शिवसेनेचे विद्यमान खासदार श्रीरंग बारणे यांचं आव्हान आहे. दोघांनी शक्तीप्रदर्शन करत आपले उमेदवारी अर्ज दाखल केले आहेत.
पार्थ पवार यांच्या आणखी एका भाषणाची चर्चाhttps://t.co/iNy2NwnUvW @parthajitpawar @NCPspeaks pic.twitter.com/t2WEboHzmB
— TV9 Marathi (@TV9Marathi) April 13, 2019
उदयनराजे मैदानात
मावळ लोकसभा मतदारंसघातील राष्ट्रवादी काँग्रेसचे उमेदवार पार्थ पवार आणि शिरुर लोकसभा मतदारसंघाचे उमेदवार अमोल कोल्हे यांच्या प्रचारासाठी राष्ट्रवादीचे साताऱ्याचे खासदार उदयनराजे भोसले हे जाहीर सभा घेणार आहेत.
उद्या म्हणजे 13 एप्रिल रोजी पुण्यातील निगडी येथे उदयनराजे भोसले यांची सभा होणार आहे. महापौर निवास मैदानात सभेचं आयोजन करण्यात आले आहे.
संबंधित बातम्या
मावळचे राष्ट्रवादीचे उमेदवार पार्थ पवार यांचं पहिलं जाहीर भाषण
पार्थ पवार आणि अमोल कोल्हेंसाठी उदयनराजे मैदानात
पवार काका-पुतण्यांची मावळ आणि बारामतीतच दमछाक? राज्यातील उमेदवार वाऱ्यावर
छोट्या भावाकडून 2 कोटी घेतले, आत्या-आजोबांना 70 लाख दिले, पार्थची संपत्ती किती?
