AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

दगडूशेठ गणपतीची आरती, जोरदार शक्तिप्रदर्शन, भाजप-मविआने अर्ज भरला, पण चर्चा नाराजीची… पुण्यात काय घडतंय?

भाजप आमदार मुक्ता टिळक यांच्या निधनानंतर कसबा पेठ येथे पोट निवडणूक जाहीर झाली आहे. या ठिकाणी घरातीलच व्यक्ती म्हणजे मुक्ता टिळक यांचे पती शैलेश टिळक निवडणुकीसाठी इच्छुक होते.

दगडूशेठ गणपतीची आरती, जोरदार शक्तिप्रदर्शन, भाजप-मविआने अर्ज भरला, पण चर्चा नाराजीची... पुण्यात काय घडतंय?
मंजिरी धर्माधिकारी
मंजिरी धर्माधिकारी | Updated on: Feb 06, 2023 | 12:41 PM
Share

पुणेः राज्याचं लक्ष लागलेल्या कसबा पेठ (Kasba Peth) आणि चिंचवड (Chinchwad) पोट निवडणुकीत आज मोठ्या घडमोडी घडत आहे. एकिकडे या निवडणुका बिनविरोध होण्यासाठी भाजपचे प्रयत्न सुरू आहेत. तर दुसरीकडे भाजप (BJP) आणि महाविकास आघाडीने जोरदार शक्तिप्रदर्शन करत आज उमेदवारांच्या निवडणुकीचा अर्ज भरला. आधी भाजप पदाधिकाऱ्यांनी दगडूशेठ गणपतीची आरती केली आणि नंतर हेमंत रासणे यांचा उमेदवारी अर्ज भरला. यावेळी चर्चा होती ती शैलेश टिळक यांच्या नाराजीची.

शैलेश टिळक गैरहजर

भाजप आमदार मुक्ता टिळक यांच्या निधनानंतर कसबा पेठ येथे पोट निवडणूक जाहीर झाली आहे. या ठिकाणी घरातीलच व्यक्ती म्हणजे मुक्ता टिळक यांचे पती शैलेश टिळक निवडणुकीसाठी इच्छुक होते. मात्र भाजपने टिळक यांना उमेदवारी नाकारून हेमंत रासणे यांना तिकिट दिले. त्यामुळे कसबा पेठेत टिळक कुटुंबीय भाजपवर नाराज असल्याची चर्चा आहे.

भाजपने जोरदार शक्ति प्रदर्शन केलं. प्रदेशाध्यक्ष चंद्रशेखर बावनकुळे, पालकमंत्री चंद्रकांत पाटील हे यावेळी उपस्थित होते. मात्र शैलेश टिळकांची गैरहजेरी ही जास्त बोलत होती. टिळक कुटुंबीयांची नाराजी भाजपाला भोवणार असल्याचं वक्तव्य काँग्रेसच्या नेत्यांनीही केलंय.

मविआचंही शक्तिप्रदर्शन..

भाजपप्रमाणेच महाविकास आघाडीनेही दगडूशेठ गणपतीची आरती करूनच उमेदवारी अर्ज भरला. काँग्रेस नेते रवींद्र धंगेकर यांना कसब्यातून तिकिट देण्यात आलंय. रवींद्र धंगेकर यांनी उमेदवारी अर्ज भरला त्यावेळी काँग्रेस प्रदेशाध्यक्ष नाना पटोले, सुशीलकुमार शिंदे, अशोक चव्हाण यांची उपस्थिती होती.

स्वतःला राजा बनवून जनतेची पिळवणूक करण्याचं काम भाजप करतेय, सत्तेचा दुरुपयोग करतेय. त्यामुळे लोकशाही पद्धतीनेच जनता हुकुमशाहीचा बिमोड करणार आहे, अशी प्रतिक्रिया काँग्रेस प्रदेशाध्यक्ष नाना पटोले यांनी दिली.

चिंचवडमध्येही अर्ज भरले

तर भाजप आमदार लक्ष्मण जगताप यांच्या निधनानंतर रिक्त झालेल्या पिंपरी चिंचवड विधानसभा मतदार संघात भाजप-मविआ उमेदवारांनी आज अर्ज भरला. लक्ष्मण जगताप यांच्या पत्नी अश्विनी जगताप यांनी उमेदवारी अर्ज भरला. तर राष्ट्रवादी काँग्रेसचे नेते राहुल कलाटे हेदेखील आज उमेदवारी अर्ज भरतील.

बिनविरोधसाठी भाजपाचे प्रयत्न?

कसबा आणि चिंचवडमधील निवडणूक बिनविरोध होण्यासाठी भाजप प्रयत्न करणार असल्याचं भाजप प्रदेशाध्यक्ष चंद्रशेखर बावनकुळे यांनी म्हटलंय. तर अशा प्रकारचा कोणताही प्रस्ताव भाजपकडून आला नसल्याची माहिती काँग्रेस प्रदेशाध्यक्ष नाना पटोले यांनी दिली.

नाना पटोलेंना असं वाटत असेल तर मी स्वतः त्यांना फोन करेन, त्यांना भेटायला जाईन, अशी प्रतिक्रिया चंद्रशेखर बावनकुळे यांनी दिली.

राज ठाकरेंचाही आग्रह

दरम्यान, मनसे अध्यक्ष राज ठाकरे यांनीही या निवडणुका बिनविरोध होण्यासाठी आग्रह धरला आहे. यासंदर्भातील पत्र त्यांनी राज ठाकरेंनी पाठवलं आहे. यावर आता महाविकास आघाडी काय निर्णय घेते, याकडे सगळ्यांचं लक्ष लागलं आहे.

Follow Us
जिल्हा बँक निवडणुकीच्या 15 पैकी 4 जागांचा निकाल जाहीर
Latur Bank Election : जिल्हा बँक निवडणुकीच्या 15 पैकी 4 जागांचा निकाल जाहीर
डिलिमिटेशन विधेयकावर नताशा आव्हाड आक्रमक; स्वतःच्याच पक्षाच्या विरुद्ध
मोठी बातमी! डिलिमिटेशन विधेयकावर नताशा आव्हाड आक्रमक; स्वतःच्याच पक्षाच्या विरुद्ध...
मुंबईतील 300 हून अधिक SRA प्रकल्पांत घोटाळा? 30 हजार कोटीचा नुकसान...
Sanjay Raut : मुंबईतील 300 हून अधिक SRA प्रकल्पांत घोटाळा? 30 हजार कोटीचा नुकसान, राऊतांच्या दाव्याने खळबळ
अमित शहांच्या स्वागतासाठी पुण्यात शिंदेसेनेची जोरदार बॅनरबाजी; भाजप...
अमित शहांच्या स्वागतासाठी पुण्यात शिंदेसेनेची जोरदार बॅनरबाजी; भाजपलाही टाकलं मागे!
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे...
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे महाराष्ट्राचे लक्ष!
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...