मोदी-पवारांच्या भेटीत राष्ट्रवादी NDA सोबत जाण्यावर शिक्कामोर्तब? तटकरे-शहांच्या भेटीने चर्चांना उधाण
राज्याच्या राजकारणातून मोठी बातमी समोर आली आहे. शरद पवारांची राष्ट्रवादी NDA मध्ये सहभागी होणार असल्याची माहिती सूत्रांनी दिली आहे.
राज्याच्या राजकारणातून मोठी बातमी समोर आली आहे. शरद पवारांची राष्ट्रवादी NDA मध्ये सहभागी होणार असल्याची माहिती सूत्रांनी दिली आहे. काही दिवसांपूर्वी शरद पवार यांनी पंतप्रधान नरेंद्र मोदी यांची भेट घेतली आहे. तेव्हापासून शरद पवार यांची राष्ट्रवादी NDA मध्ये सहभागी होणार असल्याच्या चर्चांना वेग आला होता. मात्र आता पवारांची राष्ट्रवादी NDA मध्ये सहभागी होणार असल्याची माहिती वरिष्ठ नेत्यांनी मुख्यमंत्री देवेंद्र फडणवीस आणि उपमुख्यमंत्री एकनाथ शिंदे यांना दिली असल्याचे सूत्रांनी म्हटले आहे.
शरद पवारांनी घेतली होती PM मोदींची भेट
गेल्या काही काळापासून शरद पवार यांची राष्ट्रवादी NDA मध्ये सामील होणार असल्याची चर्चा सुरू आहे. भाजपकडून NDA मध्ये सहभागी होण्यासाठी दोन्ही राष्ट्रवादीच्या विलिनीकरणाची अट घातल्याचेही समोर आले होते. त्यानंतर राष्ट्रवादीचे सर्वेसर्वा शरद पवार यांनी दिल्लीत पंतप्रधान नरेंद्र मोदी यांची भेट घेतली होती. या भेटीनंतर राष्ट्रवादी NDA मध्ये सामील होण्याच्या चर्चांना वेग आला होता. त्यानंतर आता सूत्रांनी भाजप पवारांच्या राष्ट्रवादीला NDA मध्ये सामील करून घेण्यास तयार असल्याची माहिती दिली आहे. याबाबतच्या सूचनाही राज्यातील नेत्यांना देण्यात आल्या असल्याचेही समोर आले आहे. त्यामुळे आता आगामी काळात मोठ्या राजकीय घडामोडी पहायला मिळण्याची शक्यता आहे.
देशाचे केंद्रीय गृहमंत्री माननीय श्री. @AmitShah जी यांची आज #नवीदिल्ली येथे सदिच्छा भेट घेऊन विविध विषयांवर चर्चा केली. pic.twitter.com/fz5TyVyi51
— Sunil Tatkare (@SunilTatkare) July 27, 2026
सुनील तटकरे अमित शहांच्या भेटीला
समोर आलेल्या माहितीनुसार, शरद पवार यांच्या राष्ट्रवादीचे अनेक लोकप्रतिनिधी NDA सोबत जाण्यास तयार असल्याची माहितीही समोर आली आहे. तसेच आज अजित पवार यांच्या पक्षाचे प्रदेशाध्यक्ष सुनील तटकरे यांनी केंद्रीय गृहमंत्री अमित शाह यांची भेट घेतली. या भेटीत विविध मुद्द्यांवर चर्चा झाली आहे. यात शरद पवारांच्या राष्ट्रवादीला NDA मध्ये सहभागी करण्याबाबतही चर्चा झाल्याची माहिती समोर आली आहे. त्यामुळे आता आगामी काळात पवारांची राष्ट्रवादी NDA मध्ये सामील होऊ शकते. असं झाल्यास NDA ची केंद्रातील ताकदही वाढणार आहे. त्यामुळे राजकारणाला नवं वळण मिळण्याची शक्यता आहे.
