राज्यात कोरोनाग्रस्त रुग्णांच्या संख्येत वाढ, परदेशात न जाताही पुण्यात महिलेला कोरोनाची लागण

पुण्यात एका 41 वर्षीय महिलेला (Pune Corona Patient) कोरोनाची लागण झाली आहे. या महिलेला परदेशात न जाता कोरोनाची लागण झाली आहे.

Namrata Patil | Edited By: | Updated on: Mar 21, 2020 | 5:52 PM

पुणे : राज्यात कोरोनाबाधितांची संख्या दिवसेंदिवस वाढत (Pune Corona Patient) आहे. पुण्यात आणखी एका महिलेला कोरोनाची लागण आहे. त्यामुळे राज्यात कोरोनाबाधितांची संख्या 53 झाली आहे. तर पुण्यातील कोरोनाग्रस्त रुग्णांची संख्या 22 वर पोहोचली आहे. सध्या या महिलेवर एका खाजगी रुग्णालयात उपचार सुरु आहेत.

मिळालेल्या माहितीनुसार, पुण्यात एका 41 वर्षीय महिलेला (Pune Corona Patient) कोरोनाची लागण झाली आहे. या महिलेला परदेशात न जाता कोरोनाची लागण झाली आहे. गेल्या काही दिवसांपासून तिला ताप आणि सर्दीचा त्रास होत होता. त्यानंतर तिचे नमुने तपासले असता ती कोरोना पॉझिटिव्ह सापडली आहे. त्यामुळे आता ही महिला नेमकी कोणाच्या संपर्कात आली? तिला कोरोनाचा संसर्ग कसा झाला? याची तपासणी सुरु आहे.

हेही वाचा : Corona Virus | मुंबई, पुणे, नागपुरातील व्यवहार ठप्प, राज्यातील 10 शहरं लॉक डाऊन

राज्यात कोरोना रुग्णांची संख्या दिवसेंदिवस वाढत आहे. आतापर्यंत राज्यात 53 कोरोनाबाधित रुग्ण आहेत. यातील 41 जणांची प्रकृती उत्तम असून आठ जणांना सौम्य लक्षणे पाहायला मिळत आहेत.

पुण्यात आतापर्यंत कोरोनाचे पिंपरी 12 आणि पुणे 9 मिळून 21 रुग्ण आढळले आहेत. राज्यात सर्वाधिक रुग्ण पुण्यातच आढळले आहेत. त्यामुळे पुण्यात सर्वाधिक खबरदारी घेणे आवश्यक आहे.

कोरोनाचे कुठे किती रुग्ण?