Budhwar Upay : जीवनात प्रगती थांबली आहे? बुधवारच्या दिवशी अवश्य करा हे उपाय

मुंबई : आज कृष्ण पक्षातील दशमी तिथी आणि बुधवार (Budhwar Upay) आहे. दशमी तिथी आज संध्याकाळी 6 वाजेपर्यंत राहील. आज सकाळी 9.39 पासून धृति योग असेल. यासोबतच भरणी नक्षत्र आज संध्याकाळी 7.43 पर्यंत राहील. आठवड्यातील बुधवार हा गणपतीला समर्पित असतो. आज गणपतीची आराधना केल्याने शक्ती, बुद्धी आणि संपत्तीचा आशीर्वाद मिळतो. गणपतीला विघ्नहर्ता देखील म्हणतात. बुधवारी गणरायाची आराधना केल्यास प्रगतीच्या मार्गातील बाधा दूर होतात. जाणून घेऊया की विविध शुभ फल प्राप्त करण्यासाठी आज कोणते उपाय केले पाहिजेत.

असे आहेत प्रभावी उपाय

1.  जीवनात सुख-समृद्धी मिळवायची असेल तर या दिवशी आवळ्याच्या झाडाच्या मुळास जल अर्पण करावे. यासोबत आवळ्याच्या झाडाला हात जोडून नमस्कार करावा.
2.  जर तुम्हाला तुमच्या घरात धन आणि समृद्धी वाढवायची असेल तर या दिवशी लक्ष्मीची पूजा करावी. या दिवशी संध्याकाळी देवी लक्ष्मीसमोर तुपाचा दिवा लावावा आणि हात जोडून देवीला धन-धान्य वाढीसाठी प्रार्थना करावी.
3.  जर तुमच्या वैवाहिक नात्यात कोणत्याही प्रकारची समस्या असेल तर ती समस्या दूर करण्यासाठी भरणी नक्षत्रात शुक्र मंत्राचा 21 वेळा जप करावा. शुक्राचा मंत्र पुढीलप्रमाणे आहे- ‘ओम द्रां द्रीं द्रौण स: शुक्राय नमः’.
4.  जर तुम्हाला तुमचे तेज टिकवून ठेवायचे असेल, तर या दिवशी तुम्ही चांगला सुगंध असलेले अत्तर आणावे आणि ते अत्तर मंदिरात किंवा धार्मिक स्थळी अर्पण करावे. यासोबतच आपली कुशाग्रता टिकवून ठेवण्यासाठी देवाला प्रार्थना करावी.
5. जर तुम्हाला तुमच्या प्रियकरांसोबत नाते घट्ट करायचे असेल तर या दिवशी तुमच्या घराच्या मध्यभागी त्रिकोणाचा आकार बनवावा. पांढऱ्या खडूच्या किंवा मैद्याच्या मदतीने तुम्ही तो आकार बनवू शकता. आता त्या त्रिकोणाच्या आकारात आवळा ठेवा आणि त्याची विधीवत पूजा करा.
6. जर आवळा उपलब्ध नसेल तर तुम्ही बटाटा देखील ठेवू शकता. पूजेनंतर सर्व गोष्टी एक दिवस अशाच ठेवाव्यात. दुसऱ्या दिवशी त्या वाहत्या पाण्यात सोडून द्याव्या.
7. जर तुम्हाला तुमचा व्यवसाय वाढवायचा असेल, परंतु काही कारणास्तव ते शक्य होत नसल्यास, तुमच्या व्यवसायात वाढ होण्यासाठी बुधवारी पांढऱ्या रंगाचे कपडे घाला
8. जर तुमच्या जीवनसाथीची प्रगती थांबली असेल आणि तो किंवी ती पुढे जाऊ शकत नसेल, तर या दिवशी तुम्ही त्यांच्या हातून ज्वारी दान करा. जर त्यांनी ते स्वतः केले नाही, तर तुम्ही त्यांच्याऐवजी दान करू शकता.

(वरील माहिती उपलब्ध स्रोतावरून देण्यात आलेली आहे.याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)