स्वयंपाकघरात या 5 गोष्टी चुकूनही करू नका? अन्यथा घरातील सदस्यांना येईल आजारपण
स्वयंपाकघर म्हणजे घरातील एक महत्त्वाचा भाग. जो आरोग्याच्या दृष्टीनेही महत्त्वाचा असणारा. स्वयंपाकघरातील काही चुका या घरातील सदस्यांना आजारी पाडू शकतात. त्यामुळे त्या कोणत्या गोष्टी आहेत आणि कोणत्या गोष्टी टाळल्या पाहिजेत हे जाणून घेणं गरजेचं आहे.
स्वयंपाकघर म्हणजे घरातील सर्वात महत्त्वाचं ठिकाण मानलं जातं. स्वयंपाकघर हे केवळ आपल्या जेवणाचे ठिकाण नाही तर ते घराच्या उर्जेचे केंद्र देखील असते. वास्तुशास्त्रानुसार, स्वयंपाकघराबाबत कितीतरी नियम सांगण्यात आले आहेत. तसेच स्वयंपाकघराबाबत केलेल्या काही सामान्य पण गंभीर चुका आरोग्यावर नकारात्मक परिणाम करू शकतात. त्यातीलच एक म्हणजे अशा 5 गोष्टी ज्या केल्याने कुटुंबातील सदस्य आजारी नक्कीच पडू शकतात. चला जाणून घेऊयात त्या गोष्टी कोणत्या आहे त्या. आणि त्यावर काय उपाय आहेत ते.
स्वयंपाकघर चुकीच्या दिशेला असणे
अनेक घरांमध्ये स्वयंपाकघर उत्तर किंवा ईशान्य दिशेला असते जे वास्तुनुसार दोषपूर्ण मानले जाते. अग्निकोण म्हणजेच आग्नेय दिशेने स्वयंपाकघर बांधणे सर्वात शुभ मानले जाते. जर हे शक्य नसेल तर ईशान्य दिशेला लाल रंगाच्या टाइल्स किंवा बल्ब लावा.
गॅस स्टोव्ह आणि पाण्याची टाकी समाविष्ट आहे
अनेक घरांमध्ये, गॅस स्टोव्ह आणि वॉश बेसिन किंवा पाण्याचा नळ एकमेकांच्या अगदी जवळ असतात. परंतु वास्तुशास्त्रानुसार हे दोषपूर्ण मानले जाते. म्हणून, अग्नि (वायू) आणि जल (पाणी) घटक वेगळे ठेवणे महत्वाचे आहे. दोघांमध्ये किमान 1.5 फूट अंतर असणे गरजेचे असते. जर हे शक्य नसेल, तर त्यांच्यामध्ये लाकडी फळी किंवा कोणतीही वस्तू ठेवा. जेणेकरून ते फार जवळ असणार नाहीत.
स्वयंपाक करताना दाराकडे पाठ असणे
स्वयंपाक करताना अनेक महिलांची दाराकडे पाठ असते किंवा किचन रचनेनुसार तशा त्या उभ्या राहवं लागतं. पण वास्तुशास्त्रानुसार असे करणे अशुभ मानले जाते. म्हणून, स्वयंपाकघरात स्टोव्ह अशा प्रकारे ठेवा की स्वयंपाक करताना तोंड पूर्वेकडे किंवा उत्तरेकडे असेल. यामुळे उर्जेचा प्रवाह योग्य राहतो आणि मानसिक ताण देखील कमी होतो.
स्वयंपाकघरात औषधे साठवणे
अनेक घरांमध्ये स्वयंपाकघरात औषधे ठेवली जातात. किंवा वॉशबेसीनच्या इथेही औषध ठेवली जातात. यामुळे वास्तुदोष निर्माण होण्याचं लक्षण मानलं जातं. औषधे स्वयंपाकघराबाहेर कोरड्या आणि थंड जागी ठेवणे चांगले. स्वयंपाकघर फक्त अन्नपदार्थांसाठी असावे.
तुटलेली भांडी किंवा बिघडलेली इलेक्ट्रॉनिक्स ठेवणे
स्वयंपाकघरात जीर्ण, तुटलेली किंवा काम न करणारी उपकरणे ठेवल्याने नकारात्मक ऊर्जा निर्माण होते. अशी भांडी आणि उपकरणे ताबडतोब काढून टाका. स्वयंपाकघर नेहमी स्वच्छ आणि व्यवस्थित ठेवल्याने नकारात्मकताही राहत नाही.
स्वयंपाकघरात कोणत्या गोष्टी असणे शुभ मानल्या जातात?
⦁ स्वयंपाकघरात हलका पिवळा, क्रीम किंवा हलका नारिंगी रंग शुभ मानला जातो ⦁ दररोज सकाळी स्वयंपाकघरात कापूर जाळल्याने सकारात्मक ऊर्जा वाढते ⦁ स्वयंपाकघरात तुळशीचे रोप लावल्याने नकारात्मकता दूर होते.
( डिस्क्लेमर : ही माहिती उपलब्ध स्रोतावरून देण्यात आलेली आहे. या तथ्यांबद्दल आम्ही कुठलाही दावा करत नाही, अंधश्रद्धेला दुजोरा देत नाही)
