Feng Shui : ही झाडं म्हणजे भांडणाला आमंत्रण, घरात चुकूनही लावू नका

फेंग शुई हे एक चिनी वास्तुशास्त्र आहे. पूर्वी हे वास्तुशास्त्र फक्त चीनमध्येच लोकप्रिय होतं. परंतु काळाच्या ओघात अनेक देशांमध्ये फेंग शुईला मान्यता मिळाली आहे. फेंग शुई देखील वास्तुशास्त्राप्रमाणेच काम करतं. जसं की वास्तुशास्त्राचा मुख्य आधार सकारात्मक ऊर्जा आणि नकारात्मक ऊर्जा हे दोन आहेत, त्याचप्रमाणे फेंग शुई देखील सकारात्मक ऊर्जा आणि नकारात्मक ऊर्जा या दोन घटकांवरच काम करतं. फेंग शुईनुसार जेव्हा तुमच्या घरात नकारात्मक ऊर्जा वाढते, तेव्हा तुमच्या आयुष्यात अनेक समस्या येवू शकतात. जसं की घरात आर्थिक अडचण जाणवते, काहीही कारण नसताना वाद विवाद होतात. परंतु जर घरात सकारात्मक ऊर्जा असेल तर याच्या उलट परिणाम तुम्हाला पहायला मिळतो. तुमची प्रगती होते.

फेंग शुई शास्त्रानुसार अशी काही झाडं आहेत, ज्यामुळे तुमच्या घरात प्रचंड नकारात्मक ऊर्जा निर्माण होते. जर ही झाडं तुमच्या घरात असतील तर यामुळे घरात सतत भांडणं होतील, पती-पत्नीचं पटणार नाही. तुमचं मन कायम अस्वस्थ राहील, चिडचिड वाढेल. ज्याचा परिणाम हा तुमच्या मानसिक आणि शारीरिक आरोग्यावर देखील होऊ शकतो, त्यामुळे अशी झाडं घरात लावणं टाळलं पाहिजे, असा सल्ला फेंग शुईमध्ये देण्यात आला आहे. आज आपण अशाच काही झाडांबद्दल जाणून घेणार आहोत.

चिंचेच झाड – फेंग शुई शास्त्रानुसार घरात कधीही चिंचेच झाड असू नये, यामुळे नातेसंबंधांमध्ये दुरावा निर्माण होतो. हे झाडं नेहमी घरापासून थोडं दूर अंतरावर किंवा शेतात लावावे, यामुळे घरात भांडणं वाढतात, असं फेंग शुईमध्ये सांगण्यात आलं आहे.

काटेरी झाडं – फेंग शुई शास्त्रानुसार घरात कधीही काटेरी वनस्पती असू नयेत, जसं की निवडूंगाचं झाडं, कॅकट्स इत्यादी. याला फक्त अपवाद दोन झाडं आहेत, ते म्हणजे गुलाब आणि कोरफड, ही दोन झाडं घरात लावाल्यास हरकत नाही असं फेंग शुईमध्ये सांगण्यात आलं आहे.