Navaratri 2026 : नवरात्रोत्सवात करा हे खास उपाय; घरात येईल सुख, समृद्धी, आयुष्यात पैसा कमी पडणार नाही

यंदा नवरात्रोत्सवाला 11 ऑक्टोबरपासून सुरुवात होत आहे. नवरात्री हा हिंदू धर्मामधील अत्यंत मोठा आणि महत्त्वाचा सण मानला जातो. हा सर्वसाधारणपणे 9 दिवसांचा काळ असतो, आणि दहाव्या दिवशी दसरा साजरा केला जातो. दसरा देखील हिंदू धर्मातील मोठा सण आहे. नवरात्रीमध्ये देवीच्या उपासनेला विशेष महत्त्व आहे. या काळात देवीचं नामस्मरण करावं, उपासना करावी असं हिंदू धर्मशास्त्रामध्ये सांगण्यात आलं आहे. नवरात्रीच्या पहिल्या दिवशी घटस्थापना केली जाते. अध्यात्म आणि दैवी उपासना या दृष्टीने हा काळ अत्यंत महत्त्वाचा असतो. या काळात अनेक जण तर नऊ दिवसांचे उपास देखील करतात. वास्तुशास्त्रामध्ये असे काही उपाय सांगण्यात आले आहेत, ते जर तुम्ही नवरात्रोत्सवाच्या काळात केले तर देवीचा आशीर्वाद तुम्हाला मिळतो, तुमच्या घरात सुख, समृद्धी येते आणि देवीच्या कृपेनं सर्व प्रकारचे वास्तुदोष घरातून नष्ट होतात, असा दावा वास्तुशास्त्रामध्ये करण्यात आला आहे, चला तर मग जाणून घेऊयात वास्तुशास्त्रामध्ये नेमकं काय सांगण्यात आलं आहे? त्याबद्दल.

पूजा, नेवेद्य -नवरात्रीच्या काळात न चुकता दररोज सकाळी देवीची पूजा करावी, देवीला लाल फूल अर्पण करावं, तसेच न चुकता देवीला साखरेचा नेवेद्य दाखवावा.

आरती – नवरात्रीच्या पहिल्याच दिवशी घटस्थापना केली जाते. त्यामुळे दररोज सकाळी आणि संध्याकाळी अशा दोन्ही वेळेला देवीची आरती ही केलीच पाहिजे असं वास्तुशास्त्रामध्ये सांगण्यात आलं आहे. यामुळे घरातील सर्व प्रकारचे वास्तुदोष दूर होतात.

नामस्मरण – नवरात्रीमध्ये देवीच्या नामस्मरणाला विशेष महत्त्व आहे, या काळात घरामध्ये देवीचं नामस्मरण झालंच पाहिजे, असं वास्तुशास्त्रामध्ये सांगण्यात आलं आहे. यामुळे घरात सकारात्मक ऊर्जेची निर्मिती होऊन सर्व प्रकारचा वास्तुदोष दूर होतो.

नंदादीप – वास्तुशास्त्रानुसार नवरात्रीमध्ये देवीसमोर अखंड दिवा तेवता ठेवावा, यामुळे देवीचा आशीर्वाद आपल्याला लाभतो, घरातील वस्तूदोष दूर होतो, असं वास्तुशास्त्रामध्ये सांगण्यात आलं आहे.

(डिस्क्लेमर : वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)