AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

तुम्ही छोट्या छोट्या गोष्टींचा ताण घेता? चाणक्यांच्या ‘या’ 3 नीती करा फॉलो, मिळेल मानसिक शांती

Chanakya Niti: आचार्य चाणक्य यांनी अनेक नीती सांगितल्या आहेत. याचा अवलंब केल्यास तुम्हाला छोट्या-छोट्या गोष्टींवरून चिंताग्रस्त होणाऱ्या व्यक्तींना मानसिक शांतता मिळवून देऊ शकतात.

तुम्ही छोट्या छोट्या गोष्टींचा ताण घेता? चाणक्यांच्या 'या' 3 नीती करा फॉलो, मिळेल मानसिक शांती
chanakya niti on stress free
| Updated on: Nov 20, 2026 | 8:37 AM
Share

आजच्या धकाधकीच्या जीवनात तणाव आणि चिंता अगदी लहान ते मोठे सगळ्यांनाच जाणवते. या दोन्ही गोष्टी जणू आपल्या प्रत्येकाच्याच आयुष्याचा भाग बनल्या आहेत. पण काही लोक असे असतात जे मात्र अगदी छोट्या गोष्टींनीही अस्वस्थ होतात. छोट्या छोट्या गोष्टींचा ताण घेतात. त्यांना कोणीही बोललेला एखादा शब्द मनाला लागतो, तर कधी भविष्यात काय घडेल याचा विचार करून मनात भीती निर्माण होते. विशेष म्हणजे, कोणतीही मोठी अडचण नसतानाही अनेकजण सतत काही ना काही विचार करून स्वतःलाच त्रास करून देतात.

फॉलो करा चाणक्य नीती!

मनाला शांत ठेवण्यासाठी आणि विचारांवर नियंत्रण मिळवण्यासाठी काय करावे समजत नाही. अशावेळी आचार्य चाणक्य यांच्या नीती फायदेशीर ठरतात. त्यांचे काही विचार मार्गदर्शक ठरू शकतात. चाणक्यांनी आपल्या शिकवणीतून माणसाला कठीण प्रसंगात संयम कसा राखावा, योग्य निर्णय कसे घ्यावेत आणि मानसिकदृष्ट्या खंबीर कसे राहावे, याचे महत्त्व सांगितले आहे. त्यांच्या विचारांचा दैनंदिन जीवनात उपयोग केल्यास विनाकारण चिंता करण्याची सवय कमी करण्यास मदत होऊ शकते.

चला तर मग, जाणून घेऊया चाणक्यांच्या अशा ३ महत्त्वाच्या शिकवणी, ज्या मनाला स्थिर ठेवण्यास मदत करू शकतात.

१. परिणामांचा विचार करत बसण्यापेक्षा आपल्या प्रयत्नांवर लक्ष केंद्रित करा

चाणक्यांच्या नीतीचा एक महत्त्वाचा अर्थ असा आहे की, माणसाने आपल्या हातात असलेल्या गोष्टींवर लक्ष केंद्रित करावे. भविष्यात नेमके काय घडणार आहे, हे आपल्या नियंत्रणात नसते. मात्र आज आपण किती मेहनत घेतो, किती प्रामाणिकपणे काम करतो आणि किती योग्य निर्णय घेतो, हे नक्कीच आपल्या हातात असते. त्यामुळे कोणत्याही कामाचा निकाल काय लागेल, याची सतत चिंता करण्यापेक्षा ते काम पूर्ण करण्यासाठी सर्वोत्तम प्रयत्न करा. प्रत्येक गोष्ट आपल्या मनासारखीच घडेल असे नाही, पण प्रामाणिक प्रयत्न केल्याचे समाधान नक्कीच मिळते.

२. संकट येण्याची वाट पाहू नका, आधीपासूनच तयारी ठेवा

आयुष्यात अडचणी कधी आणि कोणत्या स्वरूपात येतील, हे सांगता येत नाही. मात्र त्यांचा सामना करण्यासाठी आधीपासून तयारी ठेवणे आपल्या हातात असते. उदाहरणार्थ, नोकरी करणाऱ्या व्यक्तीने भविष्यातील गरजा लक्षात घेऊन बचत करणे आवश्यक आहे. एखादे महत्त्वाचे काम असेल, तर शेवटच्या क्षणापर्यंत थांबण्याऐवजी त्याचे नियोजन आधीच करावे. विद्यार्थी असाल, तर परीक्षेच्या काही दिवस आधी अभ्यास सुरू करण्यापेक्षा नियमित अभ्यासाची सवय लावावी. अशा छोट्या गोष्टी भविष्यातील मोठ्या अडचणींचा ताण कमी करू शकतात. विशेष म्हणजे, एखाद्या परिस्थितीसाठी पर्यायी योजना तयार असेल, तर अनपेक्षित प्रसंगातही घाबरून जाण्याची शक्यता कमी होते.

३. प्रत्येक वैयक्तिक गोष्ट प्रत्येकासमोर मांडू नका

चाणक्यांच्या शिकवणीतून मिळणारा आणखी एक महत्त्वाचा संदेश म्हणजे आपल्या खासगी आयुष्याबद्दल आणि कमकुवत बाजूंबद्दल कोणाशी बोलावे, याची निवड काळजीपूर्वक करावी. आपण प्रत्येकाला आपले हितचिंतक समजू शकत नाही. काही लोक आपली समस्या समजून घेण्याऐवजी त्यावर टीका करू शकतात, तर काहीजण आपल्या अडचणींचा गैरफायदा घेण्याचाही प्रयत्न करू शकतात. त्यामुळे कोणावरही लगेच विश्वास ठेवून आपल्या आयुष्यातील प्रत्येक गोष्ट सांगणे योग्य ठरत नाही. फक्त कोणाला किती आणि काय सांगायचे, याचा विचारपूर्वक निर्णय घ्या. प्रत्येकाच्या मताला महत्त्व देण्याची किंवा प्रत्येकाच्या बोलण्याचा स्वतःवर परिणाम करून घेण्याची गरज नाही.

(Disclaimer: ही माहिती सर्वसाधारण आहे. या माहितीची पुष्टी ‘Tv9 मराठी’ करत नाही. वाचकांना सल्ला दिला जातो की, त्यांनी यातील मजकुराला अंतिम सत्य किंवा निश्चित दावे मानू नये आणि स्वतःच्या विवेकबुद्धीचा वापर करावा. )

Follow Us
केद्र सरकारचा मोठा निर्णय; वाहनाच्या PUC प्रमाणपत्राच्या वैधतेसाठी...
PUC : केद्र सरकारचा मोठा निर्णय; वाहनाच्या PUC प्रमाणपत्राच्या वैधतेसाठी नवे नियम जारी...
तुम्ही कर्मचाऱ्यांचा पगार वाढवला का? पंतप्रधान मोदींचा उद्योगपतींना...
PM Modi : तुम्ही कर्मचाऱ्यांचा पगार वाढवला का? पंतप्रधान मोदींचा उद्योगपतींना थेट सवाल
सोनिया गांधींच्या पुस्तकावर बंदी घाला! बड्या नेत्याची CM देवेंद्र...
सोनिया गांधींच्या पुस्तकावर बंदी घाला! बड्या नेत्याची CM देवेंद्र फडणवीस यांच्याकडे मोठी मागणी
दादरच्या नामकरणावरून संभ्रम दूर! रेल्वे स्थानकाला नाही, मेट्रो...
दादरच्या नामकरणावरून संभ्रम दूर! रेल्वे स्थानकाला नाही, मेट्रो स्टेशनला मिळणार चैत्यभूमी नाव
मुंबई बँक निवडणुकीसाठी शिंदेसेनेची मोठी तयारी; स्वबळावर लढणार? आजच्या
मुंबई बँक निवडणुकीसाठी शिंदेसेनेची मोठी तयारी; स्वबळावर लढणार? आजच्या बैठकीत ठरणार रणनीती!
एकाच आठवड्यात गोकुळ दुधाच्या दारात दुसऱ्यांदा उसळी, किती रुपयांनी...
Gokul Milk : एकाच आठवड्यात गोकुळ दुधाच्या दारात दुसऱ्यांदा उसळी, किती रुपयांनी महागलं?
मतदारांची नावे यादीतून गायब? रोहित पवारांकडून थेट ऑडिओ क्लिप पोस्ट...
मतदारांची नावे यादीतून गायब? रोहित पवारांकडून थेट ऑडिओ क्लिप पोस्ट, भाजपवर गंभीर आरोप!
दुष्काळग्रस्त तालुक्यांच्या यादीत आणखी 6 तालुक्यांची भर; कोणत्या....
Maharashtra Drought : दुष्काळग्रस्त तालुक्यांच्या यादीत आणखी 6 तालुक्यांची भर; कोणत्या जिल्ह्यातील कोणत्या तालुक्यांचा समावेश? व्हिडिओ बघाच 
दाऊद इब्राहिमच्या मुंबईतील घराच्या तोडक कारवाईला हायकोर्टाची स्थगिती..
Dawood Ibrahim : दाऊद इब्राहिमच्या मुंबईतील जुन्या घराच्या तोडक कारवाईला हायकोर्टाची स्थगिती; पुढील सुनावणी कधी?
500 कोटींच्या ऑडिओ क्लिपवरुन मनोज जरागेंचा नवा दावा काय?
Manoj Jarange : 500 कोटींच्या ऑडिओ क्लिपवरुन मनोज जरागेंचा नवा दावा काय?