Vinayaka Chaturthi 2026: गणरायाची मूर्ती खरेदी करताना ही गोष्ट कायम लक्षात ठेवा…

Vinayaka Chaturthi 2026: आता प्रत्येकाला 14 सप्टेंबरची प्रतिक्षा आहे. कारण सोमवारी गणरायाचं घरात आगमन होणार आहे. काहींच्या घरात दीड, तर काहीच्या घरी पाच, सात आणि दहा दिवसांसाठी बाप्पा येणार आहे. घरात गणपतीची स्थापना झाल्यानंतर, योग्य विधींनी त्यांची पूजा केल्यानंतर, दहाव्या दिवशी गणरायाचं विसर्जन केलं जातं. गणेश चतुर्थीच्या वेळी, लोक गणपतीच्या नवीन मूर्ती खरेदी करून त्यांची घरात स्थापना करतात. जसं घरात गणपतीची स्थापना आणि पूजा करण्याचे नियम आहेत, त्याचप्रमाणे त्यांची मूर्ती खरेदी करताना अनेक गोष्टी विचारात घ्याव्या लागतात. जर तुम्हीसुद्धा या गणेश चतुर्थीसाठी नवीन मूर्ती खरेदी करण्याचा विचार करत असाल, तर गणपतीची मूर्ती खरेदी करताना कोणत्या गोष्टी लक्षात ठेवल्या पाहिजेत, ते पाहूया.

गणेशाची मूर्ती कशी असावी?

सोंडेची दिशा: गणपतीची सोंड डावीकडे वळलेली असावी. हे सुख, समृद्धी आणि शांती दर्शवते. उजवीकडे सोंड असलेल्या मूर्तींसाठीचे नियम खूप कडक आहेत. त्यामुळे कधीही डाव्या सोंडेचा गणपती घ्या.

आसन: बसलेल्या अवस्थेतील गणेशाची मूर्ती घरात स्थिरता आणते आणि ती नेहमीच शुभ मानली जाते. उभ्या अवस्थेतील गणेशाची मूर्ती शुभ मानली जात नाही. त्यामुळे मुर्ती खरेदी करताना आसनावर बसलेली मुर्ती खरेदी करा.

रंग: केशरी, पांढरा किंवा पिवळा रंग शुभ मानला जातो. घरात काळ्या रंगाची मूर्ती आणू नये. मूर्तीसोबत त्याचे वाहन, उंदीर हातात असलं पाहिजे. गणपतीला उजवा सुळा पूर्ण आणि डावा सुळा किंचित तुटलेला असावा. त्याला चार हात असावेत.

घरासाठी गणेशाची कोणती मूर्ती?

तुम्ही शुद्ध माती, पितळ, तांबे, चांदी किंवा पांढऱ्या संगमरवरापासून बनवलेल्या मूर्ती खरेदी कराव्यात. मूर्ती कोठेही तुटलेली किंवा फुटलेली नाही याची खात्री करा. घरातील देवघर किंवा पूजास्थळाला शोभेल अशी लहान आकाराची मूर्ती निवडा. खूप मोठी मूर्ती घरासाठी शुभ मानली जात नाही. गणेशाची मूर्ती नेहमी घराच्या ईशान्य कोपऱ्यात किंवा पूर्व दिशेला ठेवावी. ज्याचा फायदाच होतो.

पूजेचे मुख्य नियम

सकाळी लवकर अंघोळ करा आणि स्वच्छ कपडे घाला. गणेश मूर्तीची स्थापना शुभ मुहूर्तावर करावी. तांब्याच्या भांड्यात पाणी, सुपारी, नाणे आणि आंब्याची पाने घालून ते जवळ ठेवा. गणपतीला फुले आणि तुळस अर्पण करा. विधीनुसार मोदक किंवा लाडू अर्पण करा आणि आरती करा.

(डिस्क्लेमर : वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही.)