नदीत का फेकले जातात नाणे? असे आहे यामागचे कारण
तलावात किंवा नदीत देवतेच्या नावाची नाणी टाकल्याने माणसाची मनोकामना पूर्ण होते, अशी धार्मिक मान्यता आहे. नद्यांमध्ये नाणी फेकणे हा धर्माशी जोडला गेला कारण त्याकाळी लोकांना वैज्ञानिक दृष्टिकोनातून पटवणे फार कठीण होते.
मुंबई : हिंदू धर्मात दान आणि परोपकाराला सर्वाधिक महत्त्व दिले जाते. पूजा असो, उपवास असो किंवा सण असो, प्रत्येक व्यक्ती दानधर्म नक्कीच करतो. दान करणाऱ्याला देव नेहमी आशीर्वाद देतो, असे मानले जाते, त्यामुळे लोक दानधर्मात पैसे दान करतात, पण अनेक लोक ती नाणी गरजू व्यक्तीला देण्याऐवजी नदी किंवा तलावात टाकतात. यामागे काही वैज्ञानिक आणि धार्मिक कारणे (Religious Belief) आहेत. याबद्दल सविस्तर माहिती जाणून घेऊया.
या कारणांसाठी नदीत फेकले जातात नाणे
प्राचीन काळी नद्या हे पाण्याचे मुख्य स्त्रोत होते. आणि पिण्याच्या पाण्यासाठी फक्त नदीचे पाणी वापरले जायचे, त्यामुळे त्याकाळी मानवांसाठी नदीचे पाणी स्वच्छ ठेवणे अत्यंत आवश्यक होते. प्राचीन काळी, तांब्याची नाणी प्रचलित होती आणि तांबे धातू पाणी स्वच्छ आणि शुद्ध करण्याचे काम करतात. त्यामुळे नद्यांमध्ये पडलेली तांब्याची नाणी पाण्यात असलेले हानिकारक जीवाणू मारून टाकतात, म्हणूनच प्राचीन काळी लोक नद्यांमध्ये नाणी फेकत असत, जी पुढे परंपरा बनली. नद्यांचे पाणी शुद्ध राहावे हा या परंपरेमागे माणसाचा उद्देश होता.
या परंपरेला आणखी एक वैज्ञानिक कारण आहे. सध्या चांगल्या आरोग्यासाठी लोक तांब्याच्या भांड्यात पाणी ठेवून पितात, त्यामुळे तांब्याचे गुणधर्म पाण्यात येतात. त्याचप्रमाणे, प्राचीन काळी लोक तांब्याची नाणी नद्यांमध्ये टाकत असत जेणेकरून तांब्याचे घटक म्हणजे तांबे पाण्यात मिसळले जातील, जे आरोग्यासाठी खूप चांगले आहे. या कारणास्तव, पाण्यात तांब्याचे प्रमाण वाढवण्यासाठी, लोक तांब्याची नाणी पाण्यात टाकतात जेणेकरून हे पाणी आरोग्यासाठी फायदेशीर ठरते.
धार्मिक कारणे
तलावात किंवा नदीत देवतेच्या नावाची नाणी टाकल्याने माणसाची मनोकामना पूर्ण होते, अशी धार्मिक मान्यता आहे. नद्यांमध्ये नाणी फेकणे हा धर्माशी जोडला गेला कारण त्याकाळी लोकांना वैज्ञानिक दृष्टिकोनातून पटवणे फार कठीण होते. त्यामुळे ऋषी-मुनींनी या समस्येला धर्माशी जोडून त्यावर उपाय शोधून काढला की नदी किंवा तलावात देवदेवतांच्या नावाची नाणी टाकल्याने त्यांच्या मनोकामना पूर्ण होतात.
कारण प्राचीन काळी लोक खूप धार्मिक होते आणि धर्माशी संबंधित प्रत्येक गोष्टीचे पालन करायचे. म्हणून, कोणत्याही चांगल्या गोष्टीवर विश्वास ठेवण्यास धार्मिक कारण फायदेशीर होते, प्राचीन काळी धर्माशी संबंधित होते. तसेच आपल्या ऋषीमुनींनी वैज्ञानिक सत्याला धर्माशी जोडले जेणेकरून जास्तीत जास्त लोक नदीत नाणी टाकतातत आणि पाणी शुद्ध राहते कारण स्वच्छ पाणी मानवी आरोग्यासाठी खूप महत्वाचे आहे.
(वरील माहिती उपलब्ध स्रोतावरून देण्यात आलेली आहे.याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)
