Ravindra Jadeja : ड्रेसिंग रुममधला तो व्हिडीओ व्हायरल, रविंद्र जडेजाने थेट गौतम गंभीरसमोर… नेमकं काय घडलं?
Ravindra Jadeja Video: सध्या सोशल मीडियावर ड्रेसिंग रुममधील एक व्हिडीओ व्हायरल झाला आहे. या व्हिडीओमध्ये रविंद्र जडेजा आणि गौतमी गंभीर एकत्र दिसत आहेत. दरम्यान जडेजाने असं काही केलं की सर्वांचे लक्ष वेधून घेतलं.
श्रीलंका क्रिकेट इलेव्हनविरुद्ध कोलंबोत सुरू असलेल्या तीन दिवसीय सराव सामन्याच्या दुसऱ्या दिवशी टीम इंडियाने जोरदार कमबॅक केला. देवदत्त पडिक्कलने शतक झळकावले, तर गुरनूर ब्रारने एकाच षटकात चार षटकार मारत मैदानावर धमाल केली. दरम्यान ड्रेसिंगरूममधील एक व्हिडिओ समोर आला आहे. या व्हिडीओमध्ये दिसत आहे की रविंद्र जडेजा प्रशिक्षक गौतम गंभीर यांना काही तरी सांगत आहे. हा व्हिडीओ सध्या सर्वांचे लक्ष वेधून घेत आहे.
व्हायरल व्हिडीओमध्ये नेमकं काय?
बॅटिंगला जाण्याआधी जडेजा डगआउटध्ये गंभीरसोबत उभा होता. दोघांमध्ये चर्चा सुरू असताना जडेजाने अचानक कुलदीप यादवच्या गोलंदाजीची शैली आणि चेहऱ्यावरील हावभाव नक्कल करून दाखवले. ही मिमिक्री इतकी जिवंत होती की गौतम गंभीर यांना हसू अनावर झाले. या घटनेमुळे मैदानावर आनंदाचे वातावरण निर्माण झाले. तसेच सोशल मीडियावर हा व्हिडीओ वाऱ्यासारखा व्हायरल झाला आहे.
वाचा: एकमेकांच्या गर्लफ्रेंड… अभिजीत दीपकेंवर सीजेपीच्या दोन सदस्यांचा आरोप, अडचणीत वाढ?
#1 All-rounder for a reason.😂
Ravindra Jadeja can bat, bowl, field, and apparently, crack Gautam Gambhir too. 😆
Watch Day 3 of SLC XI vs #TeamIndia tomorrow, 10 AM onwards, LIVE on Sony Sports Network TV channels & Sony LIV.#SonySportsNetwork #SonyLIV pic.twitter.com/TWbJzVPEed
— Sony Sports Network (@SonySportsNetwk) August 8, 2026
साई सुदर्शन दुखापतीमुळे सिरीजमधून बाहेर
दुसऱ्या दिवसाच्या खेळात भारताची सुरुवात मात्र खराब झाली. यशस्वी जयस्वाल शून्यावर बाद झाला. त्यानंतर कर्णधार केएल राहुल आणि देवदत्त पडिक्कल यांनी दुसऱ्या विकेटसाठी ९६ धावांची भागीदारी करत डाव सावरला. राहुल ६७ चेंडूंमध्ये ४० धावा करून बाद झाला, पण पडिक्कलने आपली जागा घट्ट केली. त्याने १६४ चेंडूंमध्ये १४२ धावा काढल्या आणि दिवसाचा खेळ संपेपर्यंत नाबाद राहिला. साई सुदर्शन दुखापतीमुळे सिरीजमधून बाहेर पडला असल्याने आता पडिक्कलची जागा संघात पक्की झाली आहे.
श्रीलंकेच्या गोलंदाजांना धक्का
पडिक्कलनंतर जडेजा मैदानात आला आणि त्याने ६३ धावांची खेळी केली. मात्र ऋषभ पंत आणि ध्रुव जुरैल यांना फार वेळ टिकता आले नाही. दोघेही स्वस्तात बाद झाले. यानंतर गुरनूर ब्रारने कमाल केली. त्याने एकाच षटकात चार षटकार मारत श्रीलंकेच्या गोलंदाजांना धक्का दिला आणि भारताला मजबूत स्थितीत आणले. तिसऱ्या दिवशी टीम इंडिया पुन्हा गोलंदाजी करण्याची शक्यता आहे.
