Mohammed Shami : भुवनेश्वर नंतर आता मोहम्मद शमीचा रणजीमध्ये जबरदस्त परफॉर्मन्स, टीम इंडियाचे दरवाजे त्याच्यासाठी उघडणार का?

बऱ्याच काळापासून टीमच्या बाहेर असलेला अनुभवी वेगवान गोलंदाज भुवनेश्वर कुमारने टी20 टीममध्ये पुनरामगन केलय. त्यामुळे आता मोहम्मद शमीची टीममध्ये एन्ट्री कधी होणार? अशी चर्चा सुरु झालीय. शमीच्या आंतरराष्ट्रीय क्रिकेटमधील कमबॅक बद्दल दिग्गज वारंवार आपलं मत मांडत आहेत. इंडिया टुडेला दिलेल्या मुलाखतीत टीम इंडियाचे मुख्य निवडकर्ते एमएसके प्रसाद यांनी मोहम्मद शमीला टेस्ट आणि वनडे फॉर्मेटमध्ये स्थान देण्याची शिफारस केली आहे. एमएस प्रसादच्या आधी सुद्धा अनेक दिग्गजांनी शमीबद्दल आपलं मत मांडलं आहे. न्यूझीलंड विरुद्ध होणाऱ्या टी20 सीरीजसाठी भुवनेश्वर कुमारचा भारतीय टीममध्ये समावेश करण्यात आलाय. मागच्या दोन ते तीन आयपीएल सीजनमध्ये 45 पेक्षा जास्त विकेट घेणाऱ्या भुवनेश्वर कुमार टीम मध्ये स्थान मिळवण्याचा पूर्णपणे पात्र आहे. भुवनेश्वर कुमार नंतर सिलेक्शन कमिटीने मोहम्मद शमीचा गांभीर्याने विचार केला पाहिजे असं एमएसके प्रसाद यांचं म्हणणं आहे. दिल्ली विरुद्ध चार विकेट घेऊन शमीने रणजी ट्रॉफीच्या नव्या सीजनची शानदार सुरुवात केली आहे.

“कोणी असा खेळाडू आहे ज्याने 2015, 2019 आणि 2023 वनडे वर्ल्ड कपमध्ये भारतासाठी दमदार प्रदर्शन केलं आहे, अजूनही चांगली गोलंदाजी करतोय, न्यूझीलंड आणि ऑस्ट्रेलिया विरुद्ध सीरीजमध्ये त्याला भारतीय संघाकडून खेळताना पहायला आवडेल” असं प्रसाद यांनी म्हटलं आहे.

View this post on Instagram

A post shared by MOHAMMAD SHAMI (@mdshami.11)

शमी फक्त एका कारणामुळे तीन ते साडेतीन वर्ष टीमच्या बाहेर

“जेव्हा कधी जसप्रीत बुमराह टीमच्या बाहेर जातो, तेव्हा भारतीय टीमला त्याच्या अनुभवाची कमतरता जाणवते. अशावेळी शमीसारखा वेगवान गोलंदाज टीममध्ये असेल तर त्याचा फायदा होऊ शकतो” असं प्रसाद यांचं म्हणणं आहे. आता निवडकर्ते न्यूझीलंड आणि आगामी सीरीजसाठी शमीची टीममध्ये निवड करतात का? हे लवकरच समजेल. मोहम्मद शमी वारंवार दमदार प्रदर्शन करुन बीसीसीआयचे दरवाजे ठोठावत आहे. पण वय या एका कारणामुळे गेली तीन-साडेतीन वर्ष तो टीमच्या बाहेर आहे.