6, 6, 6, 6, 6… आणि 100! पाकिस्तानविरुद्धच्या सामन्यात स्मृती मंधानाच्या रडारवर दोन विश्वविक्रम
वुमन्स आशिया कप 2026 स्पर्धेत भारत आणि पाकिस्तान हे संघ आमनेसामने येणार आहे. या हायव्होल्टेज सामन्याची आधीच चर्चा रंगली आहे. असं असताना या सामन्यात स्मृती मंधानाच्या रडारवर दोन विश्वविक्रम आहेत. चला जाणून घेऊयात त्याबाबत...
वुमन्स आशिया कप 2026 स्पर्धेत भारत आणि पाकिस्तान यांच्यात हायव्होल्टेज सामना होणार आहे. भारत पाकिस्तान म्हंटलं तर उत्सुकता असते. पण गेल्या काही वर्षात भारतीय संघ पाकिस्तानच्या खूप पुढे निघून गेला आहे. इतकंच काय तर या स्पर्धेच्या उपांत्य फेरीत जागा मिळवली आहे. त्यामुळे पाकिस्तानवर या सामन्यात प्रचंड दबाव असणार आहे. हा सामन्याआधीच भारताची स्थिती मजबूत असल्याचं दिसून येत आहे. असं असताना या सामन्यात क्रीडाप्रेंमीच्या नजरा भारताची सलामीवीर स्मृती मंधानावर खिळल्या आहेत. कारण या सामन्यात तिच्या रडारवर दोन मोठे विक्रम असणार आहेत. मागच्या सामन्यात तिचं झंझावाती शतकी खेळी पाहिल्यानंतर तसंच म्हणावं लागेल. कारण स्मृती मंधाना फॉर्मात आहे आणि आरामात दोन विश्वविक्रम आपल्या नावावर करू शकते.
स्मृती मंधानाला पाकिस्तानविरुद्धच्या आंतरराष्ट्रीय सामन्यात 100 षटकार आणि सर्वाधिक धावा करण्याचा विक्रम रचण्याची संधी आहे. स्मृती मंधानाचा आक्रमक खेळ पाहता पाकिस्तानसमोर हा विक्रम रचला जाण्याची शक्यता आहे. टी20 आंतरराष्ट्रीय क्रिकेटमध्ये सर्वाधिक धावांचा विक्रम न्यूझीलंडच्या सूजी बेट्सच्या नावावर आहे. तिने 186 सामन्यातील 178 डावात 4758 धावा केल्या आहेत. स्मृती मंधानाने 173 सामन्यातील 167 डावात 4681 धावा केल्या आहेत. म्हणजेच हा विश्वविक्रम रचण्यासाठी तिला फक्त 78 धावांची गरज आहे.
टी20 आंतरराष्ट्रीय क्रिकेटमध्ये सर्वाधिक धावांच्या विक्रमासह आणखी एक विक्रम रडारवर असणार आहे. हा विक्रम आहे 100 षटकार मारण्याचा… पाकिस्तानविरुद्ध हा विक्रम पूर्ण करण्याची संधी आहे. पाकिस्तानविरुद्ध 5 षटकार मारताच षटकारांचं शतक पूर्ण करेल. त्यामुळे क्रीडाप्रेमींच्या नजरा स्मृती मंधानाच्या खेळीकडून लागून आहे. पारंपरिक प्रतिस्पर्धी असलेल्या पाकिस्तानविरुद्ध स्मृती मंधानाने हा विक्रम पूर्ण करावा अशीच क्रीडाप्रेमींची इच्छा आहे.
