Axar Patel च्या लग्नाचा VIDEO व्हायरल, अग्निला साक्षी मानून मेहाला बनवलं जीवनसाथी

Axar Patel Married To Meha Patel: टीम इंडियाचा स्टार क्रिकेटर अक्षर पटेल विवाह बंधनात अडकलाय. अक्षरने गर्लफ्रेंड मेहा पटेलला आयुष्यभराची जोडीदार म्हणून निवडलय. मागच्यावर्षी दोघांचा साखरपुडा झाला होता. अक्षर बँड-बाजासह वरात घेऊन पोहोचला होता. आता दोघे विवाहबद्ध होत असल्याचा व्हिडिओ व्हायरल झालाय. अक्षरची बायको मेहा पटेल पेशाने न्यूट्रिशनिस्ट आणि डायटीशियन आहे. सोशल मीडियावर सुद्धा ती सक्रिय असते. तिने शेअर केलेले फोटो नेहमीच चाहत्यांच्या पसंतीला उतरतात. अक्षर नेहाच्या गळ्यात वरमाला घालत असतानाचा, व्हिडिओ समोर आलाय. मेहाने सफेर रंगाचा लहंगा परिधान केला होता. अक्षरने सुद्धा सफेद रंगाची शेरवानी घातली होती. दोघेही खूप सुंदर दिसत होते.

सोशल मीडियावर शुभेच्छा

वडोदऱ्याच्या सेवासी कबीर फॉर्ममध्ये अक्षर पटेल आणि मेहा पटेलच लग्न झालं. इथेच स्वागत समारंभ सुद्धा झाला. वरातीला कुटुंबिय आणि मित्र परिवार उपस्थित होता. फॅन्सनी लग्नानंतर अक्षरला सोशल मीडियावर शुभेच्छा दिल्या आहेत.

सोशल मीडियावर एक्टिव

अक्षरची पत्नी मेहाला इन्स्टाग्रामवर रिल बनवण्याची आवड आहे. ऑलराऊंडर अक्षरने मागच्यावर्षी 20 जानेवारीला आपल्या वाढदिवशी मेहाला लग्नासाठी प्रपोज केलं होतं. मेहाने आपल्या हातावर अक्षर पटेलच्या नावाचा टॅटू सुद्धा बनवलाय.

axar patel सात फेरे लेते हुए. pic.twitter.com/4B2ylezfA4

— Govind Singh (@GovindS24611988) January 27, 2023

विंटेज कारमधून एंट्री

अक्षर पटेलच्या लग्नाची वरात निघाली होती. यात वऱ्हाडी मंडळींनी जोरदार डान्स केला. फटाके फोडले. अक्षरच्या लग्नाला आलेल्या सर्वांनीच धमाल केली. अक्षर पटेलने स्टायलिश अंदाजात वरातीमध्ये एंट्री केली. एका विंटेज कारमध्ये बसून तो लग्नमंडपात पोहोचला. लग्नाच्या आधी विकत घेतली ‘ही’ आलिशान कार

दोघांनी लग्नाच्या काहीदिवस आधीच एक नवी मर्सिडीज बेंज क्लास कार विकत घेतली. ते फोटो मेहाने आपल्या इन्स्टाग्राम अकाऊंटवर शेअर केले होते.