पाकिस्तानचा कर्णधार सलमान आगाची दिग्गज क्रिकेटपटूने लाज काढली, काय चुकलं ते शिव्या देऊन सांगितलं

भारताविरुद्ध पराभव झाला तर पाकिस्तानी खेळाडूंची काही खैर नाही, हे जगजाहीर आहे. पाकिस्तानात टीव्ही फोडण्यापर्यंत मजल गेली आहे. त्यामुळे भारताविरूद्धचा सामना खेळताना आधीच दडपण असतं. त्यात आणखी भर पडली घेतलेल्या चुकीच्या निर्णयाची.. खरं तर नाणेफेकीपासून सर्वकाही पाकिस्तानच्या पारड्यात होतं. पण सलमान आगाच्या निर्णयाचा फटका बसल्याचं. माजी क्रिकेटपटू बासित अली यांनी सांगितलं. इतकंच काय तर प्रशिक्षक माइक हेसनची लाज काढली. त्याला काही कळतं की नाही अशा शब्दात टीकास्त्र सोडलं. तसेच बाबर आझमचा उल्लेख करताच त्याच्या तळपायाची आग मस्तकात गेली. फलंदाजी करण्याची काय पद्धत आहे की नाही अशा शब्दात झोडून काढलं. एकंदरीत बासित अलीने पाकिस्तानी संघाला कशा पद्धतीने शब्दांचे बाण मारले ते जाणून घ्या.

पाकिस्तानी न्यूज चॅनेलवरील एका कार्यक्रमात भाग घेतल्यानंतर बासित अलीने आपल्या मनातील सगळा राग काढला. बासित अलीने सांगितलं की, ‘मी काही शब्द बोललो तर मला माफ करा. त्या अज्ञानी लोकांना हे माहित नाही की जिथे जिथे हे सामने खेळले गेले आहेत तिथे प्रथम फलंदाजी करणाऱ्या संघाने तिन्ही सामने जिंकले आहेत. त्यांच्यासमोर झिम्बाब्वेचा सामना होता आणि आता नाणेफेक जिंकल्यानंतर प्रथम गोलंदाजी निवडली. ते म्हणतात की आमची गोलंदाजी खूप मजबूत आहे, म्हणून चांगल्या गोष्टी नंतर करा, मूर्खांनो, तुम्हाला प्रथम गोलंदाजी करायला कोणी सांगितले?’

‘Woh (Babar) Axar ko cross maarne jaa raha, thodi batting ki tamiz sikhao usey.’

Basit Ali rants on Pakistan’s poor show at Colombo pic.twitter.com/EsZ6xRK7Yd

— Sameer Allana (@HitmanCricket) February 15, 2026

बासित अली पुढे म्हणाले की, ‘अभिषेक शर्मासारखा खेळाडू पहिल्याच षटकात बाद होतो, तोही सलमान आगाच्या गोलंदाजीवर…आता कर्णधाराचा बचावात्मक पवित्रा पहा. इतका भित्रा की त्याने पहिल्याच षटकात त्याला बाद केले. तसेच दोन षटकात 10 धावा दिल्या आणि तिसरा षटक टाकलं नाही. त्याने उस्मान तारिकला नंतर गोलंदाजी करायला लावून संधी वाया घालवल्या. ते बालिश क्रिकेट खेळत आहेत. आम्हाला आधीच माहित होते की हरतील. आम्हाला आशा होती की पाऊस पडेल आणि गुण विभागले जातील. हे अज्ञानी लोक ज्यांना प्रथम गोलंदाजी करायची की प्रथम फलंदाजी करायची हे माहित नाही ते आता पाकिस्तानचे मुख्य प्रशिक्षक आहेत.’

बासित अली यांनी बाबर आझमवरही टीकेची झोड उठवली, ‘दिग्गज फलंदाज बाबर आझम चौथ्या क्रमांकावर फलंदाजी करतो आणि अक्षर पटेलला क्रॉस शॉट मारण्याच्या प्रयत्नात विकेट टाकतो. त्याला फलंदाजी कशी करावी हे शिकणं गरजेचं आहे. सूर्यकुमार यादवची फलंदाजी आणि त्याने मारलेले षटकार पाहा. इशान बाद झाल्यानंतर त्याने भागीदारी केली.’