DC vs CSK : समीर रिझवीची निर्णायक खेळी, चेन्नईसमोर 156 धावांचं आव्हान, दिल्ली रोखणार?
Delhi Capitals vs Chennai Super Kings 1st Innings Highlight : दिल्ली कॅपिट्ल्सला आपल्या घरच्या मैदानात 8 च्या रनरेटही धावा करता आल्या नाहीत. चेन्नईच्या गोलंदाजांनी दिल्लीला 155 धावांव रोखण्यात यश मिळवलं.
समीर रिझवी आणि ट्रिस्टन स्टब्स या जोडीने अखेरच्या क्षणी केलेल्या खेळीच्या जोरावर दिल्ली कॅपिट्ल्सला चेन्नई सुपर किंग्ससमोर आयपीएल स्पर्धेच्या 19 व्या मोसमातील (IPL 2026) 48 व्या सामन्यात सन्मानजनक आव्हान ठेवता आलं आहे. दिल्लीने चेन्नईसमोर 156 धावांचं आव्हान ठेवलं आहे. दिल्लीने 20 ओव्हरमध्ये 7 विकेट्स गमावनू 155 धावा केल्या. दिल्लीसाठी कॅप्टन अक्षर पटेल याचा अपवाद वगळता इतर 7 फलंदाजांनी दुहेरी आकडा गाठला. मात्र समीर रिझवी आणि ट्रिस्टन स्टब्स या दोघांचा अपवाद वगळता एकालाही दिल्लीसाठी मोठी खेळी करता आली नाही. आता दिल्लीचे गोलंदाज 155 रन्सचं अरुण जेटली स्टेडियममध्ये कशाप्रकारे बचाव करतात हे पाहणं महत्त्वाचं ठरणार आहे.
दिल्लीचा कर्णधार अक्षर पटेल याने नाणेफेक जिंकून फलंदाजीचा निर्णय घेतल्याने क्रिकेट चाहत्यांनी आश्चर्य व्यक्त केलं. या मैदानात 2026 वर्षात 4 पैकी 3 सामन्यांत विजयी धावांचा पाठलाग करणाऱ्या संघाचा विजय झालाय. मात्र त्यानंतरही अक्षरने बॅटिंगचा निर्णय घेतला. अक्षरचा बॅटिंगचा निर्णय चुकला असं म्हटलं तर वावगं ठरणार नाही.
दिल्लीची बॅटिंग
दिल्लीच्या पहिल्या 4 फलंदाजांना अपेक्षित सुरुवात मिळाली. मात्र चौघांपैकी एकालाही 20 हा आकडा गाठता आला नाही. पाथुम निसांका याने 19 धावा केल्या. नितीश राणा याने 15 धावांचं योगदान दिलं. केएल राहुल याने 12 रन्स केल्या. तर करुण नायर याने 13 धावा करुन मैदानाबाहेरचा रस्ता धरला. कॅप्टन अक्षर पटेल याने 2 धावा केल्या. अक्षर आऊट झाल्याने दिल्लीची स्थिती 11 ओव्हरमध्ये 5 आऊट 69 अशी झाली. मात्र त्यानंतर ट्रिस्टन स्टब्स आणि समीर रिझवी या दोघांनी कमाल केली. दोघांनी सहाव्या विकेटसाठी आणि या सामन्यातील सर्वात मोठी भागीदारी केली. दोघांनी 47 बॉलमध्ये 65 रन्स केल्या.
लाईव्ह स्कोअरकार्ड
ट्रिस्टन आऊट झाल्याने ही भागीदारी मोडीत निघाली. ट्रिस्टनने 31 बॉलमध्ये 2 सिक्स आणि 1 फोरसह 38 रन्स केल्या. तर आशुतोष शर्मा 14 धावांवर रनआऊट झाला. तर समीर रिझवी सर्वाधिक धावा करुन नाबाद परतला. समीरने 24 बॉलमध्ये 166.67 च्या स्ट्राईक रेटने 40 रन्स केल्या. समीरने या खेळीत 4 षटकार लगावले. चेन्नईसाठी नूर अहमद याने सर्वाधिक 2 विकेट्स मिळवल्या. तर अकील हौसेन, मुकेश चौधरी, गुरजनप्रीत सिंग आणि जेमी ओव्हरटन या चौघांनी प्रत्येकी 1-1 विकेट मिळवली.
