‘तो समोरच्या संघामध्ये भीतीचे वातावरण तयार करतो, भारतीय क्रिकेटचं भविष्य आहे’, दिनेश कार्तिककडून युवा खेळाडूबद्दल महत्त्वाची भविष्यवाणी

मुंबई : भारतीय क्रिकेट संघात (Indian Cricket Team) सध्या युवा खेळाडूंची फौज असून सर्व धुरा ही युवा खेळाडूंवरच आहे. यातील एक महत्त्वाचं नाव म्हणजे यष्टीरक्षक फलंदाज ‘ऋषभ पंत (Rishabh Pant).’ पंतबाबत संघाचा जेष्ठ खेळाडू दिनेश कार्तिकने (Dinesh Karthik) एक महत्त्वाची भविष्यवाणी केली असून ‘पंत हा भारतीय क्रिकेटचं भविष्य असून, तो भारतासाठी 100 हून अधिक कसोटी सामने खेळेल.’ असं कार्तिक म्हणाला आहे. भारताने गाबा येथे ऑस्ट्रेलियाला त्यांच्यात भूमीत नमवत ऐतिहासिक विजय मिळवला. या विजयात सिंहाचा वाटा असणाऱ्या पंतने मागील काही महिन्यांत आपला खेळ कमालीचा सुधारला आहे. भारतीय संघातील अव्वल यष्टीरक्षक फलंदाज झाल्याने पंतने आपली जागा पक्की केली आहे. सध्या भारत इंग्लंड दौऱ्यावर असून तिथेही पंतच्या खेळीवर सर्वांचीच नजर असणार आहे. (Dinesh Karthik Praises Rishabh Pant Says he Will Play 100 Tests For India)

सर्वांसह भारताचा जेष्ठ खेळाडू दिनेशला देखील पंतचा खेळ कमालीचा आवडला असून भारतीय संघासाठी पंत 100 हून अधिक कसोटी सामने खेळेल असे म्हणत दिनेशने पंतची पाठ थोपटली आहे. कार्तिक स्पोर्ट्स टुडेशी बोलताना म्हणाला, ”मला वाटतं काही काळातच पंतने अप्रतिम कामगिरी केली आहे. अत्यंत तणाव असणारे काही सामने त्याने खेचून आणले आहेत. त्यात वर्ल्डकप सेमीफायनल, आयपीएल तसंच ऑस्ट्रेलिया दौऱ्यातील काही सामन्यांचा समावेश होतो. अशा अवघड मॅचेस जिंकवून देण्याची, तणाव झेलण्याची क्षमता पंतमध्ये आहे.”

‘पंत भारतीय क्रिकेट संघाचं भविष्य’

दिनेश कार्तिक म्हणाला, ”ऋषभ पंत भारतीय क्रिकेटचं भविष्य आहे. तो टी-20, एकदिवसीयसह कसोटी सामन्यातही कमाल करेल आणि भारतासाठी 100 हून अधिक कसोटी सामने खेळेल. संघासाठी तो एक महत्त्वाचा खेळाडू असून संघाचा खेळ उंचवण्यासाठी तो महत्त्वाची मदत करेल”

हे ही वाचा :

‘हा’ खेळाडू टीम इंडियामधून बाहेर जाण्याच्या मार्गावर, मागील 20 सामन्यांत केवळ 23 विकेट्स

न्यूझीलंडचा कर्णधार म्हणतो, ‘भारताची बोलिंग जगात एक नंबर, विराट माझा मित्र पण…’

भारताचा श्रीलंका दौरा, विराट कोहलीच्या अनुपस्थितीत या खेळाडूकडे कर्णधारपदाची धुरा?

(Dinesh Karthik Praises Rishabh Pant Says he Will Play 100 Tests For India)