GT vs RR IPL 2026 Qualifier 2 Live Score Updates : गुजरातच्या बॅटिंगला सुरुवात, शुबमन-साई मैदानात, 215 रन्सचं टार्गेट

गुजरात टायटन्सच्या बॅटिंगला सुुरुवात झाली आहे. गुजरातकडून कॅप्टन शुबमन गिल आणि साई सुदर्शन ही सलामी जोडी मैदानात आली आहे. राजस्थान रॉयल्सने गुजरात टायटन्ससमोर 215 धावांचं आव्हान ठेवलं आहे.

राजस्थान रॉयल्सने क्वालिफायर 2 सामन्यात गुजरात टायटन्ससमोर 215 धावांचं आव्हान ठेवलं आहे. राजस्थानने 20 ओव्हरमध्ये 6 विकेट्स गमावून 214 धावा केल्या. राजस्थानसाठी वैभव सूर्यवंशी याने सर्वाधिक 96 रन्स केल्या. तर आणि डोनोवन फेरेरा याने शेवटच्या ओव्हरमध्ये 4 सिक्ससह 27 रन्स केल्या. डोनोवनने 11 बॉलमध्ये नॉट आऊट 38 रन्स केल्या. त्यामुळे राजस्थानला 200 पार पोहचता आलं. आता कोणता संघ हा सामना जिंकणार? हे पाहणं महत्त्वाचं ठरणार आहे.

कगिसो रबाडा याने वैभव सूर्यवंशी याच्या विस्फोटक खेळीचा शेवट केला आहे.  कगिसोने वैभवला प्रसिध कृष्णा याच्या हाती कॅच आऊट केलं आहे.  वैभवने 47 बॉलमध्ये 96 रन्स केल्या. वैभवचं अशाप्रकारे सलग दुसऱ्यांदा शतक हुकलं. वैभवने एलिमिनेटर सामन्यात 97 रन्स केल्या होत्या.

वैभव सूर्यवंशी याने अर्धशतकानंतर गिअर बदलला आहे. वैभवने जेसन होल्डर याने टाकलेल्या डावातील 16 व्या ओव्हरमध्ये 1 सिक्स आणि 2 फोरसह एकूण 16 धावा मिळवल्या. राजस्थानने 16 ओव्हरनंतर 5 विकेट्स गमावून 154 रन्स केल्या आहेत.

वैभव सूर्यवंशी याने झुंजार आणि चिवट अर्धशतक झळकावलं आहे. वैभवने 31 बॉलमध्ये हे अर्धशतक पूर्ण केंलं. वैभवने या खेळीत 2 सिक्स आणि 6 फोर लगावले.

प्रसिध कृष्णा याने फटकेबाजी करण्याच प्रयत्न करणाऱ्या जोफ्रा आर्चर याला मैदानाबाहेरचा रस्ता दाखवला आहे. जोफ्रा आर्चर याने 4 बॉलमध्ये 1 सिक्ससह एकूण 7 धावा केल्या.

जेसन होल्डर याने राजस्थान रॉयल्सला दुसरा झटका दिला आहे. होल्डरने शनाका याला 3 धावांवर विकेटकीपर जोस बटलर याच्या हाती कॅच आऊट केंल. त्यामुळे राजस्थानचा स्कोअर 11.3 ओव्हरमध्ये 4 आऊट 109 असा झाला आहे.

साई सुदर्शन याने घोडचूक केली आहे. साईने राजस्थान रॉयल्सचा स्टार आणि युवा फलंदाज वैभव सूर्यवंशी याला 46 रन्सवर जीवनदान दिलं आहे. आता गुजरातला ही चूक किती महागात पडणार हे पाहणं महत्त्वाचं ठरणार आहे.

जेसन होल्डर याने फटकेबाजी करुन राजस्थानच्या डावाचा गिअर बदलण्याचा प्रयत्न करणाऱ्या कॅप्टन रियान पराग याला मैदानाबाहेरचा रस्ता दाखवला. होल्डरने रियानला जोफ्रा आर्चर याच्या हाती कॅच आऊट केलं. रियानने 6 बॉलमध्ये 11 रन्स केल्या.

राजस्थान रॉयल्सचा अनुभवी ऑलराउंडर रवींद्र जडेजा रिटायर्ड हर्ट होऊन मैदानाबाहेर गेला आहे. जडेजाने 19 बॉलमध्ये 34 रन्स केल्या.  रवींद्र जडेजा रिटायर्ड हर्ट झाल्यानंतर मैदानात वैभव सूर्यवंशी याची साथ देण्यासाठी कॅप्टन रियान पराग मैदानात आला आहे.

वैभव सूर्यवंशी आणि रवींद्र जडेजा या दोघांनी राजस्थानचा डाव सावरला आहे. दोघेही सेट झाले आहेत. दोघांनी राजस्थानसला 7 ओव्हरनंतर 2 आऊट 76 रन्सपर्यंत पोहचवलं आहे. वैभव 34 आणि जडेजा 29 रन्सवर नॉट आऊट खेळत आहेत.

गुजरात टायटन्सने राजस्थान रॉयल्सला झटपट 2 झटके दिले. गुजरातने यशस्वी जैस्वाल आणि ध्रुव जुरेल या दोघांना झटपट आऊट केलं. मात्र त्यानंतर वैभव सूर्यवंशी आणि रवींद्र जडेजा या दोघांनी राजस्थानला 4 ओव्हरनंतर 2 आऊट 45 रन्सपर्यंत पोहचवलं आहे. त्यामुळे या दोघांवर राजस्थानला मोठी भागीदारी करुन देण्याची जबाबदारी असणार आहे. तर गुजरात तिसऱ्या विकेटच्या शोधात आहे.

गुजरात टायटन्सने राजस्थान रॉयल्सला दुसरा झटका दिला आहे. कगिसो रबाडा याने आपल्या बॉलिंगवर ध्रुव जुरेल याला कॅप्टन शुबमन गिल याच्या हाती 7 धावांवर कॅच आऊट केलं.

मोहम्मद सिराज याने डावातील पहिल्याच ओव्हरमध्ये राजस्थानला पहिला झटका दिला आहे. सिराजने यशस्वी जैस्वाल याला आऊट केलं आहे. यशस्वी 1 रन करुन आऊट झाला.

गुजरात टायटन्स विरुद्ध राजस्थान रॉयल्स क्वालिफायर 2 सामन्याला सुरुवात झाली आहे. राजस्थान रॉयल्सने टॉस जिंकून बॅटिंगचा निर्णय घेतला आहे. राजस्थानकडून यशस्वी जैस्वाल आणि वैभव सूर्यवंशी ही सलामी जोडी मैदानात आली आहे.

राजस्थान रॉयल्स प्लेइंग ईलेव्हन : यशस्वी जैस्वाल, वैभव सूर्यवंशी, ध्रुव जुरेल, रियान पराग (कॅप्टन), डोनोवन फरेरा, दासून शनाका, रवींद्र जडेजा, जोफ्रा आर्चर, नांद्रे बर्गर, ब्रिजेश शर्मा आणि यशराज पुंजा.

गुजरात टायटन्स प्लेइंग ईलेव्हन : साई सुदर्शन, शुबमन गिल (कॅप्टन), जोस बटलर (विकेटकीपर), निशांत सिंधू, वॉशिंग्टन सुंदर, जेसन होल्डर, राशीद खान, रविश्रीनिवासन साई किशोर, कागिसो रबाडा, प्रसीद कृष्णा आणि मोहम्मद सिराज.

राजस्थान रॉयल्सने क्वालिफायर 2 सामन्यात टॉस जिंकला आहे. कॅप्टन रियान पराग याने बॅटिंगचा निर्णय घेतला आहे. त्यामुळे आता राजस्थान गुजरात टायटन्ससमोर किती धावांचं आव्हान ठेवणार हे पाहणं महत्त्वाचं ठरणार आहे.

गुजरात विरुद्ध राजस्थान क्वालिफायर 2 सामन्याला संध्याकाळी 7 वाजून 30 मिनिटांनी सुरुवात होणार आहे. त्याआधी थोड्या वेळात संध्याकाळी 7 वाजता टॉस होणार आहे. राजस्थान आणि गुजरातपैकी कुणाच्या बाजूने नाणेफेकीचा कौल लागणार? हे पाहणं महत्त्वाचं ठरणार आहे.

साई सुदर्शन, शुबमन गिल (कॅप्टन), जोस बटलर (विकेटकीपर), निशांत सिंधू, वॉशिंग्टन सुंदर, जेसन होल्डर, राहुल तेवतिया, राशीद खान, कगिसो रबाडा, मोहम्मद सिराज, प्रसिध कृष्णा, कुलवंत खेजरोलिया, ग्लेन फिलिप्स, अनुज रावत, कुमार कुशाग्रा, आर साई किशोर, ल्यूक वुड, कॉनर एस्टरहुइझेन, इशांत शर्मा, जयंत यादव, शाहरुख खान, मानव सुथार, अर्शद खान, गुरनूर ब्रार आणि अशोक शर्मा.

यशस्वी जैस्वाल, वैभव सूर्यवंशी, ध्रुव जुरेल (विकेटकीपर), रियान पराग (कॅप्टन), डोनोवन फरेरा, दासून शनाका, रवींद्र जडेजा, जोफ्रा आर्चर, नांद्रे बर्गर, सुशांत मिश्रा, ब्रिजेश शर्मा, यशराज पुंजा, शुभम दुबे, अमन राव पेराला, रवी बिश्नोई, तुषार देशपांडे, ॲडम मिल्ने, शिमरॉन हेटमायर, लुआन-ड्रे प्रिटोरियस, क्वेना माफाका, संदीप शर्मा, कुलदीप सेन, युधवीर सिंग चरक, इमनजोत सिंग चहल आणि विघ्नेश पुथूर.

आयपीएल 2026 स्पर्धेच्या क्वालिफायर 2 सामन्यात गुजरात टायटन्स विरुद्ध राजस्थान रॉयल्स आमनेसामने आहेत. हा सामना जिंकणारा संघ अंतिम फेरीत पोहचणार आहे. विजयी संघाचा अंतिम फेरीत आरसीबी विरुद्ध सामना होणार आहे. तर पराभूत संघाचा प्रवास इथेच संपणार आहे.