AFG vs ENG Toss : अफगाणिस्तानचा इंग्लंडविरुद्ध बॅटिंगचा निर्णय, दोघांसाठी शेवटची संधी
Afghanistan vs England Toss And Playing Eleven : अफगाणिस्तान आणि इंग्लंड दोन्ही संघांनी पराभवाने या स्पर्धेत सुरुवात केली आहे. त्यामुळे लाहोरमध्ये होत असलेला सामना दोघांसाठी महत्त्वाचा आहे.
आयसीसी चॅम्पियन्स ट्रॉफी 2025 स्पर्धेतील आठव्या सामन्यात बी ग्रुपमधील अफगाणिस्तान विरुद्ध इंग्लंड आमनेसामने आहेत. या सामन्याचं आयोजन हे लाहोरमधील गद्दाफी स्टेडियममध्ये करण्यात आलं आहे. सामन्याला भारतीय वेळेनुसार दुपारी 2 वाजून 30 मिनिटांनी सुरुवात होणार आहे. त्याआधी 2 वाजता टॉस झाला. अफगाणिस्तानच्या बाजूने नाणेफेकीचा निकाल लागला. कर्णधार हशमतुल्लाह शाहीदी याने बॅटिंगचा निर्णय घेतला आहे.
दोघांसाठी ‘करो या मरो’
इंग्लंड आणि अफगाणिस्तान या दोन्ही संघांचा हा या स्पर्धेतील एकूण दुसरा सामना आहे. दोन्ही संघांची या स्पर्धेत पराभवाने सुरुवात झाली आहे. त्यामुळे दोन्ही संघांना या स्पर्धेतील आव्हान कायम ठेवण्यासाठी विजय मिळवणं बंधनकारक झालं आहे. अशात आता या सामन्याच्या निकालानंतर एका संघाचं आव्हान संपुष्ठात येणार आहे. त्यामुळे या स्पर्धेत कायम राहण्यासाठी दोन्ही संघात चुरस पाहायला मिळणार आहे.
अफगाणिस्तानची वाईट स्थिती
अफगाणिस्तानची पॉइंट्स टेबलमध्ये अतिशय वाईट स्थिती आहे. अफगाणिस्तान झिरो पॉइंट्स आणि -2.140 अशा नेट रनरेटसह चौथ्या स्थानी आहे. तर इंग्लंडही शून्य गुणासह -0.475 नेट रनरेटसह तिसऱ्या स्थानी आहे. तर दक्षिण आफ्रिका आणि ऑस्ट्रेलिया दोन्ही संघ 3 गुणांसह अनुक्रमे पहिल्या आणि दुसऱ्या स्थानी विराजमान आहेत. दोन्ही संघांनी त्यांचा पहिला सामना जिंकलाय. तर दुसरा सामना पावसामुळे रद्द झाल्याने दोन्ही संघांना प्रत्येकी 1-1 पॉइंट देण्यात आला आहे.
अफगाणिस्तानच्या बाजूने नाणेफेकीचा कौल, इंग्लंडविरुद्ध बॅटिंग
🚨 TOSS NEWS! 🚨
The skipper, @Hashmat_50, has won the toss and decided that AfghanAtalan will bat first. 👍#AfghanAtalan | #ChampionsTrophy | #AFGvENG | #GloriousNationVictoriousTeam pic.twitter.com/dDPPINA9Oq
— Afghanistan Cricket Board (@ACBofficials) February 26, 2025
इंग्लंड प्लेइंग ईलेव्हन : जोस बटलर (कर्णधार), फिलिप सॉल्ट, बेन डकेट, जेमी स्मिथ (विकेटकीपर), जो रूट, हॅरी ब्रूक, लियाम लिव्हिंगस्टोन, जोफ्रा आर्चर, जेमी ओव्हरटन, आदिल रशीद आणि मार्क वुड.
अफगाणिस्तान प्लेइंग ईलेव्हन : हशमतुल्ला शाहिदी (कॅप्टन), रहमानउल्ला गुरबाज (विकेटकीपर), इब्राहिम झद्रान, सेदिकुल्ला अटल, रहमत शाह, अजमतुल्ला ओमरझाई, मोहम्मद नबी, गुलबदिन नायब, रशीद खान, नूर अहमद आणि फजलहक फारुकी.
