PAK vs NZ : विल यंगनंतर टॉम लॅथमचा शतकी झंझावात, स्टीफन फ्लेमिंगच्या विक्रमाची बरोबरी
Tom Latham Century : न्यूझीलंडची अडखळत सुरुवात झाली. मात्र विल यंगनंतर टॉम लॅथम याने शतकी खेळी केली. टॉमने शतकासह माजी कर्णधार स्टीफन फ्लेमिंगच्या विक्रमाची बरोबरी केली आहे.
न्यूझीलंड क्रिकेट टीमने आयसीसी चॅम्पियन्स ट्रॉफी 2025 स्पर्धेत अप्रतिम सुरुवात केली आहे. न्यूझीलंडच्या 2 फलंदाजांनी पाकिस्तानविरुद्धच्या स्पर्धेतील पहिल्याच सामन्यात शतक झळकावलं आहे. पाकिस्तान विरुद्ध न्यूझीलंड यांच्यात नॅशनल क्रिकेट स्टेडियम, कराची येथे सामना खेळवण्यात येत आहे. या सामन्यात न्यूझीलंडचा ओपनर विल यंग याच्यानंतर आता टॉम लॅथम याने शतक झळकावलं आहे. टॉमने या शतकी खेळीसह माजी कर्णधार स्टीफन फ्लेमिंग याच्या विक्रमाची बरोबरी केली आहे. तसेच टॉम या स्पर्धेत शतक करणारा एकूण दुसरा आणि न्यूझीलंडसाठी चॅम्पियन्स ट्रॉफीच्या इतिहासात शतक करणारा न्यूझीलंडचा पाचवा फलंदाज ठरलाय.
स्टीफन फ्लेमिंगच्या विक्रमाची बरोबरी
टॉम लॅथम याने 47 व्या षटकातील तिसऱ्या चेंडूवर एकेरी धाव घेत शतक पूर्ण केलं. टॉमने 95 बॉलमध्ये 2 सिक्स आणि 9 फोरच्या मदतीने हे शतक पूर्ण केलं. टॉमच्या एकदिवसीय कारकीर्दीतील हे आठवं शतक ठरलं. टॉमने यासह माजी कर्णधार स्टीफन फ्लेमिंग याच्या 8 एकदिवसीय शतकांच्या विक्रमाची बरोबरी साधली. टॉमआधी विल यंग यानेने 107 बॉलमध्ये शतक पूर्ण केलं. विल यंग याचं हे कारकीर्दीचील चौथं शतक ठरलं.
न्यूझीलंडसाठी चॅम्पियन्स ट्रॉफीत शतक करणारा पाचवा
दरम्यान टॉम लॅथम याने या शतकासह मानाच्या यादीत स्थान मिळवलंय. टॉम चॅम्पियन्स ट्रॉफीत शतक करणारा न्यूझीलंडचा पाचवा फलंदाज ठरला. न्यूझीलंडसाठी याआधी विल यंग, केन विलियमसन, ख्रिस केर्न्स आणि नॅथन एस्टल या चौघांनी चॅम्पियन्स ट्रॉफीत न्यूझीलंडसाठी शतक केलंय.
लॅथमचं 21 वं आंतरराष्ट्रीय शतक
HUNDRED NUMBER 21 FOR TOM LATHAM IN INTERNATIONAL CRICKET…!!!!
– Latham has been one of the finest from New Zealand batting in this generation, incredible in Tests & ODIs. 💪 pic.twitter.com/qFFX7zDaPx
— Johns. (@CricCrazyJohns) February 19, 2025
न्यूझीलंड प्लेइंग ईलेव्हन : मिचेल सँटनर (कॅप्टन), डेव्हॉन कॉनव्हे, विल यंग, केन विल्यमसन, डॅरिल मिशेल, टॉम लॅथम (विकेटकीपर), ग्लेन फिलिप्स, मायकेल ब्रेसवेल, नॅथन स्मिथ, मॅट हेन्री आणि विल्यम ओरुर्के.
पाकिस्तान प्लेइंग इलेव्हन : मोहम्मद रिझवान (कॅप्टन आणि विकेटकीपर), फखर जमान, बाबर आझम, सौद शकील, सलमान आगा, तय्यब ताहिर, खुशदिल शाह, शाहीन आफ्रिदी, नसीम शाह, हरिस रौफ आणि अबरार अहमद.
