IPL 2023 : टीम इंडियाच्या ‘या’ खेळाडूला आता कोणी देत नाही भाव, IPL मध्ये करिअर वाचवण्यासाठी खेळणार
Team India: इंडियन प्रीमियर लीग 2023 मध्ये दिल्ली कॅपिटल्सने बऱ्याच काळापासून भारतीय टीमचा भाग नसलेल्या खेळाडूचा समावेश केला आहे. मागच्या सीजनमध्ये सुद्धा हा खेळाडू फ्लॉप ठरला होता.
Indian Premier League 2023 : दिल्ली कॅपिटल्सने IPL 2022 मध्ये एका अशा खेळाडूचा टीममध्ये समावेश केलाय, ज्याच करिअर संपल्यात जमा आहे, असं मानलं जात होतं. यंदाच्या सीजनमध्ये डेविड वॉर्नर दिल्ली कॅपिटल्सच नेतृत्व करतोय. मागच्यावर्षाच्या अखेरीस ऋषभ पंतच्या कारला भीषण अपघात झाला होता. त्यामुळे यंदाच्या सीजनमध्ये तो खेळू शकणार नाहीय. सध्या तो रिकव्हरी प्रोसेसमध्ये आहे. दिल्लीने अशा प्लेयरला संधी दिलीय, जो बऱ्याच काळापासून टीम इंडियाचा भाग नाहीय.
आयपीएल करिअरच्या सुरुवातीला या खेळाडूची बरीच चर्चा झाली होती. त्याला नाव, प्रसिद्धी मिळाली होती. पण या खेळाडूला टीम इंडियात आपली छाप उमटवता आली नाही. आयपीएलचा हा सीजन या खेळाडूसाठी खूप महत्वपूर्ण ठरणार आहे.
दिल्ली कॅपिटल्सने वाचवलं करिअर
दिल्ली कॅपिटल्सने मिनी ऑक्शनमध्ये 5 खेळाडूंवर बोली लावली होती. या यादीत टीम इंडियाचा फलंदाज मनीष पांडे होता. मनीष पांडेला आयपीएल 2022 च्या ऑक्शनमध्ये लखनौ सुपरजायंट्सने 4.6 कोटी रुपयांना विकत घेतलं होतं.
आता किती कोटींना विकत घेतलं?
मनीषचा फॉर्म चांगला नसल्याने LSG ने त्याला फार संधी दिली नाही. खराब फॉर्ममुळे त्याला टीमच्या बाहेर केलं. यावेळी तो अनसोल्ड राहिलं असं अनेकांना वाटत होतं. पण दिल्ली कॅपिटल्सने 2.4 कोटी रुपये खर्च करुन मनीष पांडेला विकत घेतलं. त्यामुळे मनीष पांडेसाठी हा सीजन महत्वाचा असणार आहे.
IPL 2022 मध्ये किती धावा केल्या?
मनीष पांडेने आपल्या आयपीएल करिअरची सुरुवात रॉयल चॅलेंजर्स बँगलोर टीमपासून केली. तो आयपीएलमध्ये अजूनपर्यंत 160 मॅच खेळलाय. मनीष पांडेने 29.90 च्या सरासरीने 3648 धावा केल्या आहेत. या दरम्यान त्याने 1 सेंच्युरी आणि 21 अर्धशतकं झळकवली आहेत. आयपीएल 2022 मध्ये मनीष पांडेने 6 मॅचमध्ये फक्त 88 धावा केल्या. त्यामुळे त्याला प्लेइंग 11 बाहेर बसवण्यात आलं.
टीम इंडियाकडून खेळताना कामगिरी कशी आहे?
मनीष पांडेसाठी टीम इंडियाचे दरवाजे जवळपास बंद झाले आहेत. मनीष पांडे जुलै 2021 मध्ये अखेरचा सामना टीम इंडियाकडून खेळला. तेव्हापासून तो टीमचा भाग नाहीय. मनीष पांडे टीम इंडियासाठी आतापर्यंत 39 टी 20 सामने खेळलाय. यात त्याने 44.31 च्या सरासरीने आणि 126.15 च्या स्ट्राइक रेटने 709 धावा केल्या आहेत. भारतासाठी 29 वनडे सामने खेळला असून त्यात त्याने 566 धावा केल्या आहेत. दिल्ली कॅपिटल्स टीम
डेविड वॉर्नर (कॅप्टन), पृथ्वी शॉ, रिपल पटेल, रोव्हमॅन पॉवेल, सरफराज खान, यश ढुल, मिशेल मार्श, ललित यादव, अक्षर पटेल, एनरिक नोर्त्जे, चेतन साकरिया, कमलेश नागरकोटी, खलील अहमद, लुंगी एनगिडी, मुस्तफिजुर रहमान, अमन खान, कुलदीप यादव, प्रवीण दुबे, विक्की ओस्तवाल, फिलिप साल्ट, इशांत शर्मा, मुकेश कुमार, मनीष पांडे, रिली रॉसो.
