IND vs AFG : शुबमन-इशानची शतकी खेळी, अफगाणिस्तासमोर 403 धावांचं आव्हान
India vs Afghanistan 2nd Odi 1st Innings : टीम इंडियाने लखनौमधील एकाना स्टेडियममध्ये अफगाणिस्तान विरुद्ध विस्फोटक खेळी केली. भारताने अफगाणिस्तान विरुद्ध 402 धावा केल्या. भारताला इथवर पोहचवण्यात शुबमन गिल आणि इशान किशन या दोघांनी प्रमुख भूमिका बजावली.
कर्णधार शुबमन गिल आणि इशान किशन या दोघांनी केलेल्या शतकी खेळीच्या जोरावर भारतीय क्रिकेट संघाने अफगाणिनस्तान विरूद्धच्या दुसऱ्या एकदिवसीय सामन्यात 400 पार मजल मारली आहे. टीम इंडियाने अफगाणिस्तानसमोर 403 धावांचं आव्हान ठेवलं आहे. भारताने 49.5 ओव्हरमध्ये ऑलआऊट 402 धावा केल्या. भारतीय संघाने यासह मोठ्या वर्ल्ड रेकॉर्डची बरोबरी केली. भारताने दक्षिण आफ्रिकेच्या एकदिवसीय क्रिकेटमध्ये सर्वाधिक 8 वेळा 400 पेक्षा अधिक धावा करण्याच्या वर्ल्ड रेकॉर्डची बरोबरी केली. त्यामुळे आता टीम इंडिया 403 धावांचा पाठलाग करणाऱ्या अफगाणिस्तानला किती धावांवर रोखण्यात यशस्वी ठरणार? हे पाहणं औत्सुक्याचं ठरणार आहे.
पहिल्या डाव आणि भारताची फलंदाजी
अफगाणिस्तानचा कर्णधार हशमतुल्लाह शाहीदी याने टॉस जिंकून भारताला फलंदाजीसाठी भाग पाडलं. रोहित शर्मा आणि यशस्वी जैस्वाल ही सलामी जोडी मैदानात आली. यशस्वी दुसऱ्या ओव्हरमधील शेवटच्या बॉलवर 4 रन्स करुन आऊट झाला. त्यानंतर रोहित आणि शुबमन या दोघांनी भारताला 96 धावांपर्यंत पोहचवलं. मात्र रोहित अर्धशतकासाठी 2 धावांची गरज असताना आऊट झाला. रोहित 48 धावांवर बाद झाला.
तिसऱ्या विकेटसाठी द्विशतकी भागीदारी
रोहित आऊट झाल्यानंतर कॅप्टन शुबमन गिल याला साथ देण्यासाठी इशान किशन मैदानात आला. रोहित आणि इशान या दोघांनी भारताच्या 400 पार धावांच्या खेळीचा पाया रचला. या दोघांनी द्विशतकी भागीदारी केली. शुबमन आणि इशान या दोघांनी या दरम्यान एकाच ओव्हरमध्ये शतक झळकावलं. दोघे खेळत असताना टीम इंडिया सहज 450 धावा करेल असं चित्र होतं. मात्र दोघे आऊट होताच चित्र बदललं.
इशान आऊट होताचा ही जोडी फुटली. शुबमन आणि इशान या दोघांनी तिसऱ्या विकेटसाठी 140 बॉलमध्ये 224 रन्सची पार्टनरशीप केली. इशानने 79 बॉलमध्ये 14 फोर आणि 7 सिक्ससह 125 रन्स केल्या.
इशान आऊट झाल्यानंतर उपकर्णधार श्रेयस अय्यर मैदानात आला. शुबमन आणि श्रेयस या दोघांनी चौथ्या विकेटसाठी 40 धावा जोडल्या. त्यानंतर शुबमन आऊट झाला. शुबमनने 110 बॉलमध्ये 22 फोर आणि 2 सिक्ससह 154 रन्स केल्या. शुबमन आऊट झाल्याने भारताची घसरगुंडी झाली. नेदरलँड्सने भारताला 42 धावांच्या मोबदल्यात 6 झटके दिले. श्रेयस अय्यर याने 26 आणि वॉशिंग्टन सुंदर याने 19 धावा केल्या. डेब्युटंट प्रिन्स यादव याने 5 धावा जोडल्या. तर गुरनुर ब्रार, अर्शदीप सिंह आणि कुलदीप यादव या तिघांनी प्रत्येकी 3-3 धावा केल्या. भारताचं अशाप्रकारे 49.5 ओव्हरमध्ये 402 धावांवर पॅकअप झालं. अफगाणिस्तानसाठी नांगेयालिया खारोटी याने सर्वाधिक 4 विकेट्स मिळवल्या. तर राशीद खान याने तिघांना बाद केलं. तर इतरांनीही योगदान दिलं.
