India vs Pakistan T20 World Cup Live Streaming: भारत-पाकिस्तान महामुकाबला, सामन्याची वेळ बदलली?

India vs Pakistan T20 World Cup 2026 Match Live Streaming

Image Credit source: TV9 Bharatvarsh

क्रिकेट चाहत्यांना टी 20i आशिया कप 2025 स्पर्धेनंतर पुन्हा एकदा भारत विरुद्ध पाकिस्तान (India vs Pakistan) या कट्टर प्रतिस्पर्धी संघांत हायव्होल्टेज सामना पाहायला मिळणार आहेत. हे 2 पारंपरिक प्रतिस्पर्धी आयसीसी टी 20i वर्ल्ड कप 2026 (Icc T20i World Cup 2026) स्पर्धेनिमित्ताने आमेनसामने येणार आहेत. भारताकडे या स्पर्धेच्या यजमानपदाचा मान आहे. तर पाकिस्तानला भारतात प्रवेश नाही. त्यामुळे उभयसंघातील हा सामन्याच्या आयोजनाचा मान हा सहयजमान असलेल्या श्रीलंकेला मिळाला आहे. या सामन्यासाठी चाहत्यांमध्ये वेळापत्रक जाहीर झाल्यापासूनच उत्सूकता होती. आता या सामन्याला अवघे काही तास बाकी आहेत. या सामन्याबाबत महत्त्वाची माहिती जाणून घेऊयात.

भारत विरुद्ध पाकिस्तान सामना कधी?

भारत विरुद्ध पाकिस्तान हायव्होल्टेज सामना रविवारी 15 फेब्रुवारीला होणार आहे.

भारत विरुद्ध पाकिस्तान सामना कुठे?

भारत विरुद्ध पाकिस्तान सामना श्रीलंकेत आर प्रेमदासा स्टेडियममध्ये खेळवण्यात येणार आहे.

भारत विरुद्ध पाकिस्तान सान्याला किती वाजता सुरुवात होणार?

आयसीसी टी 20i वर्ल्ड कप 2026 स्पर्धेत संध्याकाळी होणाऱ्या सामन्यांच्या वेळेत कोणताही बदल करण्यात आलेला नाही. संध्याकाळी होणारे सामने नियोजित वेळेनुसार 7 वाजता सुरु होणार आहेत. त्यामुळे चाहत्यांना चिंता करण्याची गरज नाही. भारत विरुद्ध पाकिस्तान सामन्यालाही त्याच वेळेला अर्थात 7 वाजता सुरुवात होणार आहे. तर 6 वाजून 30 मिनिटांनी टॉस होणार आहे.

भारत विरुद्ध पाकिस्तान सामना टीव्हीवर कुठे पाहायला मिळेल?

भारत विरुद्ध पाकिस्तान सामना टीव्हीवर स्टार स्पोर्ट्स नेटवर्कवरील चॅनेल्सवर पाहायला मिळले. तसेच डीडी फ्री डिशद्वारे हा साना डीडी स्पोर्ट्स चॅनेलवर पाहायला मिळेल. तसेच टीव्ही9 मराठी या आमच्या वेबसाईटवर लाईव्ह स्कोअर आणि सामन्याबाबत प्रत्येक अपडेट जाणून घेता येईल.

भारत विरुद्ध पाकिस्तान सामना मोबाईलवर कुठे पाहायला मिळेल?

भारत विरुद्ध पाकिस्तान सामना मोबाईलवर जिओहॉटस्टार एपद्वारे मोबाईल/लॅपटॉप/टीव्हीवर लाईव्ह पाहायला मिळेल.

दोन्ही संघ अंजिक्य

दरम्यान आतापर्यंत टीम इंडिया आणि पाकिस्तान या दोन्ही संघांनी 10 व्या टी 20I वर्ल्ड कप स्पर्धेत जबरदस्त कामगिरी केली आहे. दोन्ही संघ अजिंक्य आहेत. भारत आणि पाकिस्तान दोन्ही संघांनी आपले दोन्ही सामने जिंकले आहेत. त्यामुळे कोणता संघ सलग तिसरा सामना जिंकण्यात यशस्वी ठरणार? हे पाहणं औत्सुक्याचं ठरणार आहे.