Video: चर्चा IPL ची नाही, ह्या एका बॉलची, महिला क्रिकेटमधला हा आतापर्यंतचा सर्वोत्कृष्ठ बॉल टाकलाय?

मुंबई: भारतीय महिला क्रिकेट संघ सध्या ऑस्ट्रेलियाच्या दौऱ्यावर असून सध्या टी20 सामन्यांची मालिका सुरु आहे. मालिकेतील पहिला सामना पावसामुळे अनिर्णीत सुटला. ज्यानंतर आज झालेल्या दुसऱ्या सामन्यात ऑस्ट्रेलियाचा संघ 4 विकेट्सने विजयी झाला. दरम्यान सामना भारताने गमावला, पण सामन्यात भारतीय गोलंदाज शिखा पांडे (Shikha Pandey) हीने फेकलेल्या एका चेंडूने मात्र भारतीय महिला क्रिकेटचं नाव जगभरात मोठं केलं.

शिखाने सामन्यातील दुसऱ्याच चेंडूवर ऑस्ट्रेलीयाच्या सलामीवीर एलिसा हीलीला त्रिफळाचित केलं. ऐकायला जरी ही सामन्य विकेट वाटत असली तरी ज्याप्रकारे हा चेंडू फेकण्यात आला आणि स्विंग झाला ते पाहून चांगल्या चांगल्यांचे डोळे फिरतील. अनेकांनी तर या डिलेव्हरीला महिला क्रिकेटमधील सर्वोत्कृष्ट डिलेव्हरी असल्याचंही म्हटलं आहे. अनेकांनी या डिलेव्हरीचा व्हिडीओ सोशल मीडियावर टाकत त्याचं कौतुक केलं आहे.

Is that the finest ball bowled in women’s cricket!pic.twitter.com/WANLS7EcxY

— Harsh Goenka (@hvgoenka) October 9, 2021

Ball of the century, women’s cricket edition! Take a bow Shikha Pandey?? #AUSvIND pic.twitter.com/WjaixlkjIp

— Wasim Jaffer (@WasimJaffer14) October 9, 2021

That’s magic, Shikha Pandey.pic.twitter.com/PCRxNu4bFg

— Vinayakk (@vinayakkm) October 9, 2021

अखेरच्या षटकात ऑस्ट्रेलिया विजयी

सामन्यात भारतीय फलंदाजानी प्रथम फलंदाजी केली. पण कर्णधार हरमणप्रीत कौर आणि पूजा वस्त्राकर यांनी केवळ काही काळ झुंज दिली. पुजाने शेवटच्या काही षटकांत 27 चेंडूत नाबाद 37 धावा केल्या. ज्यामुळे भारत किमान 118 धावा करु शकला. त्याआधी कर्णधार कौरने 28 धावा केल्या होत्या. इतर सर्व फलंदाज अयशस्वी झाले.

त्यानंतर 119 धावांचे लक्ष्य पूर्ण करताना ऑस्ट्रेलियाकी सुरुवात चांगली नव्हती. दुसऱ्या चेंडूवरच एलिसा हीली बाद झाली. ज्यानंतर मेग लेनिंग (4) आणि बेथ मूनी (34) यांनी डाव सांभाळला. पण गायकवाडने दोघांना बाद केलं. पण अखेर ताहलिया मॅक्गाने नाबाद 42 धावा करत संघाला 5 चेंडू आणि 4 विकेट्स राखून विजय मिळवून दिला.

हे ही वाचा

IPL 2021: तगडी मुंबई इंडियन्स प्लेऑफमध्ये जाण्यात अयशस्वी, अपयशामागे संघातीलच पाच खेळाडू कारण

T20 World Cup 2021 स्पर्धेपूर्वी पाकिस्तान संघाला मोठा झटका, धडाकेबाज फलंदाज संघाबाेहर

IPL 2021 च्या लीग सामन्यांनंतर ऑरेंज कॅप केएल राहुलकडे, अशी आहे संपूर्ण यादी

(Indias Bowler Shikha Pandeys Throwes Best Ball of Womens Cricket In India vs Australia 2nd t20 see Video)