IPL 2022: दिल्ली कॅपिटल्स विरोधात BCCI मोठी कारवाई करणार?
चेन्नई सुपर किंग्स विरुद्ध 8 मे रोजी होणाऱ्या सामन्याआधी एका खेळाडूला कोरोनाची बाधा झाल्याचं ताज प्रकरण आहे. टीमच्या नेट बॉलरला कोरोनाची लागण झाली.
मुंबई: IPL 2022 स्पर्धेत एकूण 10 संघ खेळतायत. पण कोरोना (Corona) संक्रमण फक्त एकाच संघात होतय. आयपीएलमध्ये फक्त दिल्ली कॅपिटल्सच्या (Delhi Capitals) संघातील खेळाडूंना कोरोना व्हायरसची लागण झाली. याच संघात वारंवार कोरोना रुग्ण आढळून येत आहेत. या स्थितीत कोरोनाचा हल्ला फक्त एकाच टीमवर कसा होतोय? हा प्रश्न उपस्थित झाला आहे. BCCI ला सुद्धा ही गोष्ट लक्षात येत नाहीय. IPL च्या प्रतिमेला यामुळे तडा जातोय, असं बीसीसीआयचं म्हणणं आहे. बीसीसीआय आत एक मोठं पाऊल उचलण्याच्या तयारीमध्ये आहे.
चेन्नई सुपर किंग्स विरुद्ध 8 मे रोजी होणाऱ्या सामन्याआधी एका खेळाडूला कोरोनाची बाधा झाल्याचं ताज प्रकरण आहे. टीमच्या नेट बॉलरला कोरोनाची लागण झाली. याआधी हेड कोच रिकी पॉन्टिंग यांच्या कुटुंबातील सदस्यांना कोरोनाची लागण झाली होती. याआधी दिल्ली कॅपिटल्स संघातील दोन परदेशी खेळाडू कोरोना संक्रमित असल्याचे आढळून आले होते.
दिल्लीच्याच टीममध्ये कोरोना रुग्ण कसे?
“दिल्लीच्या संघातच वारंवार कोरोनाचे रुग्ण कसे आढळून येतातय, हे सांगण आमच्यासाठी सुद्धा कठीण आहे. हॉटेल स्टाफने थोडं सैल सोडल्यामुळे हे होतय का? कि फ्रेंयाचयी, प्लेयर्सची चूक आहे. याबद्दल आम्ही आताच सांगू शकत नाही” असं इनसाइड स्पोर्ट्सने बीसीसीआयमधील सूत्राच्या हवाल्याने म्हटलं होतं.
BCCI चौकशी करणार
दिल्ली कॅपिटल्सची टीम मुंबईच्या ताज महल हॉटेलमध्ये उतरली आहे. मागच्या एका महिन्यात त्या हॉटेलच्या चार कर्मचाऱ्यांना कोरोना झाल्याचं आढळून आलं होतं. आता बीसीसीआय या प्रकरणाचा तपास करणार आहे. टीमचे खेळाडू बायो बबलमध्ये असताना कोरोनाची बाधा कशी झाली?. “आम्ही या प्रकरणाचा तपास करुन योग्य ती कारवाई करु. पुन्हा असं घडू नये, हाच त्यामागे उद्देश आहे” असं बीसीसीआयच्या अधिकाऱ्याने इनसाइड स्पोर्ट्सला सांगितलं.
