IPL 2023 : KKR vs RCB | अभ्यास केला रसेलचा, पेपर आला ठाकुरचा! शार्दुल ठाकुर याचं सर्वात वेगवान वादळी अर्धशतक
कोलकाता संघाचा खेळाडू शार्दुल ठाकुरचं वादळ कोलकातामध्ये आलं आहे. केकेआरचे स्टार बॅट्समन झटपट बाद झाल्यावर फलंदाजीसाठी आलेल्या ठाकुरने अवघ्या 20 चेंडूत अर्धशतक पूर्ण केलं आहे.
मुंबई : कोलकाता नाईट रायडर्स आणि रॉयस चॅलेंजर्स बंगळुरू यांच्यामध्ये सुरू असलेल्या सामन्यामध्ये केकेआर प्रथम बॅटींग करत आहे. कोलकाता संघाचा खेळाडू शार्दुल ठाकुरचं वादळ कोलकातामध्ये आलं आहे. केकेआरचे स्टार बॅट्समन झटपट बाद झाल्यावर फलंदाजीसाठी आलेल्या ठाकुरने अवघ्या 20 चेंडूत अर्धशतक पूर्ण केलं आहे. यंदाच्या आयपीएलमधील हे सर्वात वेगवान अर्धशतक आहे. आंद्रे रसेलला सापळा लावला तोही अडकला मात्र त्यानंतर ठाकुरने सामन्याची सूत्रे आपल्या हाती घेत आरसीबीच्या गोलंदाजांचा घाम काढला.
कोलकाता नाईट रायडर्स आणि रॉयल चॅलेंजर्स बंगळुरूमधील सामन्यात केकेआरने प्रथम फलंदाजी केली. पहिल्यांदा बॅटींग करताना शार्दुल ठाकुरची 68 धावांची तुफानी खेळी आणि रिंकू सिंगच्या 46 धावांच्या जोरावर 204 धावा केल्या आहेत. आरसीबीला हा सामना जिंकण्यासाठी 205 धावांचं लक्ष्य असणार आहे. सलामीवीर रहमनुउल्लाह गुरबाज याचंही अर्धशतक केकेआरसाठी महत्त्वाचं ठरलं.
केकेआरची बॅटींग सलामीला आलेला व्यंकटेश अय्यरला 3 धावा काढून बाद झाला, त्याच ओव्हरमध्ये मनदीप सिंहही शून्यावर बाद झाला. दुसरीकडे रहमनुउल्लाह गुरबाजने एक बाजू लावून धरली होती. कर्णधार नितीश राणाही 1 धाव काढून बाद झाला. त्यानंतर रिंकू सिंग आला आणि डाव सांभाळला. कर्ण शर्माने लागोपाठ गुरबाज आणि खरतनाक रसेलला बाद करत कोलकाताच्या आशा संपवल्या.
रसेल बाद झाल्यावर आलेल्या शार्दुल ठाकुरने पहिल्या बॉलपासूनच आक्रमण सूरू केलं. तसं पाहायला गेलं तर आजचा दिवस ठाकुरचा होती. शार्दुलने आरसीबीच्या एकाही गोलंदाजाला सोडलं नाही त्याने सर्वांचा खरपूस समाचार घेतला. खतरनाक बॅटींग करत असलेल्या शार्दुलने अवघ्या 20 चेंडूत आपलं अर्धशतक पूर्ण केलं. अर्धशतकानंतरही गडी शांत नाही झाला. सामन्याच्या शेवटच्या ओव्हरपर्यंत त्याने आक्रमकपणे बॅटींग करत संघाला 200 धावांचा टप्पा पार करून दिला. अखेर 68 धावांवर तो आऊट झाला. शार्दुलला साथ मिळाली ती रिंकू सिंगची, त्यानेही स्ट्राईक रोटेट करत संधी मिळेल तेव्हा मोठे फटके खेळले आणि 46 धावांचं महत्वाचं योगदान दिलं.
दोन्ही संघांची प्लेइंग इलेव्हन
आरसीबी प्लेइंग इलेव्हन – फाफ डू प्लेसिस (कॅप्टन), विराट कोहली, दिनेश कार्तिक (विकेटकीपर), ग्लेन मॅक्सवेल, मायकेल ब्रेसवेल, शाहबाज अहमद, डेव्हिड विली, कर्ण शर्मा, हर्षल पटेल, आकाश दीप आणि मोहम्मद सिराज.
कोलकाता नाईट रायडर्स प्लेइंग इलेव्हन- नितीश राणा (कर्णधार) रहमनुउल्लाह गुरबाज (विकेटकीपर), मनदीप सिंग, रिंकू सिंग, आंद्रे रसेल, व्येंकटेश अय्यर, शार्दुल ठाकूर, सुनील नरेन, उमेश यादव, टीम साऊथी आणि वरुण चक्रवर्ती
