IPL 2023 RCB vs RR : विराट कोहली याच्या आरसीबीचा राजस्थावर ‘रॉयल’ विजय

मुंबई : रॉयल चॅलेंजर्स बंगळुरू आणि राजस्थान रॉयल्स यांच्यामधील सामन्यामध्ये आरसीबीने 7 धावांनी विजय मिळवला आहे. शेवटच्या ओव्हरपर्यंत गेलेल्या सामन्यामध्ये हर्षल पटेल याने जबरदस्त बॉलिंग करत संघाला विजय मिळवून देण्यात महत्त्वाची भूमिका निभावली. आरसीबीने 20 ओव्हर्समध्ये 189 धावा केल्या होत्या. या लक्ष्याचा पाठलाग करताना राजस्थान संघाला 182 धावांपर्यंत मजल मारता आली नाही. आरसीबीकडून हर्षल पटेल याने सर्वाधिक 3 विकेट्स घेतल्या.

राजस्थान संघ लक्ष्याचा पाठलाग करण्यासाठी मैदानात उतरला. मात्र सुरूवात एकदम खराब झाली. सलामीवीर जोस बटलर याला मोहम्मद सिराजने बोल्ट आऊट केलं. त्यानंतर युवा यशस्वी जयस्वाल आणि देवदत्त पडिक्कल यांनी चांगली भागीदारी केली होती. दोघेही काही अंतराने बाद झाले, यामध्ये पडिक्कलने 52 धावा तर जयस्वालने 47 धावा केल्या. संजू सॅमसनला 22 धावांवर हर्षल पटेलने आऊट केलं. मोक्याच्याक्षणी खतरनाक हेटमायरला रन आऊट करत आरसीबीने सामना ओढला.

अश्विनने येत 12 धावा केल्या आणि काहीशी रंगत आणली मात्र तोही कॅच आऊट झाला. शेवटला दोन चेंडूत 10 धावांची गरज होती तेव्हा आरआरने अब्दुल बासिफ याला पाठवलं खरं पण त्याला काही चमक दाखवता आली नाही.

आरसीबीची बॅटींग

आरसीबी संघाची सुरूवात एकदम खराब झाली होती. विराट कोहली आणि शाहबाज अहमद याला ट्रेंट बोल्ट या दोघांना बाद करत मोठे धक्के दिले होते. मात्र त्यानंतर फाफ आणि मॅक्सवेल यांनी 127 धावांची भागीदारी करत संघाला मजबूत स्थितीत आणलं. आरसीबीच्या 12 धावांवर दोन विकेट गेल्या होत्या त्यानंतर दोघांनी शतकी भागीदारी केली. 139ला फाफ धावबाद झाला होता त्यानंतर मॅक्सवेलही बाद झाला. दिनेश कार्तिक 16 धावा , वानिंदू हसरंगा 6 धावा यांना मोठी खेळी करता आली नाही.

राजस्थान रॉयल्स (प्लेइंग इलेव्हन): जोस बटलर, यशस्वी जैस्वाल, संजू सॅमसन (w/c), देवदत्त पडिककल, शिमरॉन हेटमायर, ध्रुव जुरेल, रविचंद्रन अश्विन, जेसन होल्डर, ट्रेंट बोल्ट, संदीप शर्मा, युझवेंद्र चहल

रॉयल चॅलेंजर्स बंगळुरू (प्लेइंग इलेव्हन): विराट कोहली (C), फाफ डू प्लेसिस, महिपाल लोमरर, ग्लेन मॅक्सवेल, शाहबाज अहमद, दिनेश कार्तिक (W), सुयश प्रभुदेसाई, डेव्हिड विली, वानिंदू हसरंगा, मोहम्मद सिराज, विजयकुमार वैशाख