RCB vs LSG : बंगळुरु विरुद्ध लखनऊ सामन्यातील राड्यानंतर दोन्ही फ्रेंचाईसीचं ट्विटर वॉर, कसं डिवचलं ते पाहा
IPL 2023 : रॉयल चॅलेंजर्स बंगळुरु आणि लखनऊ सुपर जायंट्स यांच्यातील सामना जय पराजयापेक्षा वेगळ्याच कारणाने रंगला. सामन्यानंतर झालेल्या राड्यामुळे एकच खळबळ उडाली आहे. इतकंच काय तर दोन्ही संघाच्या फ्रेंचाईसीही ट्विटरवर भिडल्या.
मुंबई : आयपीएल 2023 स्पर्धेतील 43 वा सामना रॉयल चॅलेंजर्स बंगळुरू आणि लखनऊ सुपर जायंट्स यांच्यात पार पडला. हा सामना बंगळुरुने 18 धावांनी जिंकत पहिल्या सामन्यातील पराभवाचा वचपा काढला. पण सामन्याच्या निकालानंतर प्रकरण इथेच थांबलं नाही. तर सामन्यानंतर खेळाडूंमध्ये शाब्दिक राडा पाहायला मिळाला. काही खेळाडू राडा होऊ नये यासाठी प्रयत्न करत होते. तर काही खेळाडू शाब्दिक रित्या अंगावर चाल करून जात होते. खासकरून विराट कोहली आणि गौतम गंभीर यांच्यातील वाद चांगलाच रंगला. आता हा वाद ट्विटरवर ट्रेंड होत आहे. दुसरीकडे या वादात दोन्ही संघाच्या फ्रेंचाईसीही मागे नाहीत. त्यांचं ट्विटरवॉरही आता चर्चेत आहे.
या स्पर्धेतील पहिल्या सामन्यात लखनऊने बंगळुरुवर 1 विकेट राखून विजय मिळवला होता. हा सामना 10 एप्रिल 2023 रोजी झाला होता. त्यानंतर लखनऊ सुपर जायंट्सच्या ट्विटरवरून “Ladies And Gentlement, This is how you…PLAY BOLD” असं ट्वीट करण्यात आलं होतं. आता बंगळुरुने लखनऊला पराभूत केल्यानंतर तेच ट्वीट रिट्वीट करत नवं पोस्ट केली आहे.
रॉयल चॅलेंजर्स बंगळुरुने “Adab se Haraye! #PlayBold” असं ट्वीट केलं आहे. खासकरून लखनऊचं ट्वीट रिट्वीट करत त्यात हॅशटॅग प्ले बोल्ड असं लिहिलं आहे. त्यामुळे मैदानातील राडा आता ट्विटरवरही पाहायला मिळत आहे.
Adab se Haraye! ? #PlayBold https://t.co/AB4Uf5d5Ej
— Royal Challengers Bangalore (@RCBTweets) May 1, 2023
दुसरीकडे, लखनऊ सुपर जायंट्सचे काही ट्वीट्सही असाच काहीसा इशारे करणारे आहेत. त्यामुळे सुपर फोरमध्ये हे दोन संघ पोहोचले तर आणखी वाद चिघळण्याची शक्यता आहे.
Well bold, RCB. ?
— Lucknow Super Giants (@LucknowIPL) May 1, 2023
— Lucknow Super Giants (@LucknowIPL) May 1, 2023
दोन्ही संघाचे खेळाडू
लखनऊ सुपर जायंट्स प्लेइंग इलेव्हन | केएल राहुल (कॅप्टन), कायल मेयर्स, दीपक हुडा, मार्कस स्टोयनिस, कृणाल पंड्या, निकोलस पूरन (विकेटकीपर), कृष्णप्पा गौतम, रवी बिश्नोई, नवीन-उल-हक, अमित मिश्रा आणि यश ठाकूर.
आरसीबी प्लेइंग इलेव्हन | फाफ डू प्लेसिस (कर्णधार), विराट कोहली, अनुज रावत, ग्लेन मॅक्सवेल, महिपाल लोमरोर, दिनेश कार्तिक (विकेटकीपर), सुयश प्रभुदेसाई, वानिंदू हसरंगा, कर्ण शर्मा, मोहम्मद सिराज आणि जोश हेझलवुड.
